قصيدة رثاء ( صوتيه ) الشيخ ابراهيم بن ناصر العريج

[منصــور المنصــور]

السلام عليكم ورحمة الله وبركاته

اسعد الله اوقاتكم بكل خير

ودعت سدير يوم الاربعاء 22/2/1432هـ رجل من رجالاتها الاوفياء .. رجل عرف عنه الكرم والطيب ..

هو الشيخ ابراهيم بن ناصر العريج .. ومن منا لا يعرف ذالك الرجل الذي عند مرورنا بقرب بيته .. نستغرب اذا وجدنا باب بيته مغلق لاننا تعودنا وفي كل وقت بابه مفتوح لاستقبال الناس ..

رحمه الله رحمة واسعه وجعل الجنة مستقره وداره ..

قصيدة رثاء الشيخ ابراهيم بن ناصر العريج ..
.
.
.

( قامه كبيره )

.
.

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قالوا توفى راعي الطيب والخير=والحزن خيم في سماء كل ديره
وقع الخبر له عند الاجواد تأثير=حنا فقدنا اليوم قامه كبيره
ابراهيم ابو ناصر سليل المناعير=سيرة كرم ما تشبه لأي سيره
مشهور مايحتاج له زود تشهير=رجلن يحب الطيب واصبح سفيره
مشرع الابواب من دون تأخير=ولايشتكي حاله وحاله خطيره
تلقى السوالف والدلال المباهير=وعلوم ناسن بالمراجل خبيره
ولانه يقدر ما جنى غير تقدير=الكل من ساعات يومه يعيره
ولو كان غايب او بعيد المشاوير=ماحسس اهله او يحسس قصيره
حاضر ترى حضور الرجال المشاهير=خلفه ومن قدام عينه مسيره
بكاه طفل وشاب وصغير وكبير=وبكاه شيب وعحز وطفله صغيره
وبكاه بيته شارعه والعصافير=وسجادته تبكي ويبكي سريره
الاربعاء كلن بوجهه تعابير=حزن والم ظيقه دموعن غزيره
والله مانحصي من كبير وصغير=جتنا وعزتنا جموعن غفيره
يا سدير لا تبكين تكفين يا سدير=كفي دموعك وامسكيها لغيره
والله ما يبكى على باذل الخير=اعطى ولا امسك كثر الله خيره
رجلن كريم ولا جرى منه تقصير=كبير وعلومه سواته كبيره
من هو مشى فـ الخير من دون تفكير=في خير والجنه تراها مصيره
يا الله عسى ماصابه وجاه تكفير=يارب انا داعيك قبره تنيره
ويا جعل ينبت فوق قبره نواوير=آمين كلن قالها من ضميره
قالو اهالي سدير ومن خارج سدير=حنا فقدنا اليوم قامه كبيره
[/poem]

.

.
.
رابط القصيده الصوتيه

http://www.4shared.com/get/TQtYwSv-/______.html

.
.
منصور بن عبدالله المنصور
روضة سدير

[ذياب العصيمي]

الشاعر القدير منصور المنصور

وعليكم السلام ورحمة الله وبركاته

صح لسانك

مرثية شامخة

من شاعرٍ شامخ

أدمعت العيون وأثّرت في القلوب

وأسأل الله العلي العظيم أن يرحم

الشيخ إبراهيم بن ناصر العريج

ويسكنه فسيح الجنان ويلهم ذويه الصبر والسلوان.

تقبل مروري وشكري وإمتناني لشاعريتك

العظيمة دمت ودام وجودك.

[سعود الخليل]

صح لسانك أخوي منصور ..

ونسأل الله ان يغفر للشيخ ابراهيم العريج ووالدينا وجميع المسلمين ...

[فهد المنيع]

الله يبيض وجهك أخوي منصور على هالقصيدة الجزلة والمشاعر الطيبة ..

والله يرحم أبو ناصر ويسكنه فسيح جناته .. راح وبقى ذكره الطيب

[قلم رصـــاص]

صح لسآنك أخوي منصـّور

على القصيدة الجزله ..

و رحم الله الشيخ إبرآهيم العريج و أسكنه فسيح جنآته

[عبدالرحمن بن سعد]

قصيده رائعه ومؤثره

اسأل الله له الرحمه والمغفره

واسأل الله ان يجزيك خير الجزاء على هالمشاعر الطيبه
وبيض الله وجهك

تقبل احترامي

[بن غانم]

الله يرحمك يابوناصر .. انا اشهد ان سدير فقدت ( قامة كبيرة)


صح لسانك .. يالشاعر .. قصيدة مؤثرة .. تلامس مافي القلوب تجاه هذا الرجل الكريم -رحمه الله رحمة واسعة واسكنه فسيح جناته -

اشكرك كل الشكر وبيض الله وجهك على هذه الجزلة ..

[عذبة الصفات]

صح لسانك..

الله يرحمه ويسكنه الجنه

[رحيق الياسمين]

الله يرحمه وجميع موت المسلمين
قصيده مؤثر وابيات راااااائعه
صــــــــــح لسانك أخوي منصور

[أبوإبراهيم الشويعر]

سلِمت شاعرنا منصور عاطفةٌ جيَّاشة وعبارةٌ محزنةٌ صادقة .
غفر الله للميتِ ورحمه وحبر مصاب أهله وذويه .

[زعيم القرن]

الشاعر ــ منصور


كتبت فأصبت كبد الحقيقة بوصفك
وكتبت فلامست جروحنا في فقيدنا الغالي

المرثيات كثيرة ولكن تبقى بصمتك هي المميزة دائماً
احساس صادق لايشوبه شائبة
ولايوجد دافع لكتابتك غير المحبة الصادقة لذلك الرجل رحمه الله

بيض الله وجهك ــ وتقبلني من معجبيك


دمت في حفظ الله

[دنياك دنياي]

صح لسانك يأبو عبدالله
ورحم الله الفقيد وأسكنه فسيح جناته

[ابراهيم المغامس]

غفر الله لأبا ناصر وأسكنه فسيح جناته

بقدر ما فيها من الحزن والشكوى والالم
إلا ان روعتها كقصيد فاق الوصف
وليس هذا غريب وكاتبها منصور
إعجابي فاق وصفي
فشكرا لك

[راعي الشمال]

بيض الله وجه الشاعر الكبير ووالله ان هذه المرثيه من افضل ماسمعت رحم الله فقيد ســـــــــــــــــــــــــــــــــــــدير رحمه واسعه وانشألله سوف اقوم بجمع كل القصائد والقصص التي تحكي عن مكانه وعظم الفقيد ووضعها في كتاب هديه لااهالي سدير لانه والله يعتبر ركن من اركان حوطه الكرم حوطه الرجال العظماء وبفقده تخسر ســـــــدير ركن من اركانها فهو رحمه الله باب الجود بابه مفتوح من الفجر عنده يجتمع الناس من كل مكان منذعشرات السنين رحمه الله
من حبه الله حبوا الناس قربه
عســــاه في الفردوس ينصب سريره

[عبدالكريم الوكيل]

صح لسانك أخوي منصور

ورحم الله الفقيد وأسكنه الفردوس الأعلى

تقبل مروري

لك مني تحية ,,,