السلام عليكم ورحمة الله
احيي الجميع ..
ان شاءالله مرتاحين
حصلت قصيدهـ وعجبتني عن سدير
ولا عرفت من هو شاعرها .؟؟
واللي عندهـ خبر لا يبخل علينا ..
ألف أولف في هل الجـود والخيـر
مثايـل كالبـر مـا حلـط بشعيـر
ألفيـهِِ نظمتهـا فـي هـل سديـر
أهل السماحه والسخـاء والسعـاده
البـا بديـت ابعـد هـاك القرايـا
بادٍ مـن الزلفـي وذيـك النحايـا
واجنبت يم أمليـح فـوق المطايـا
وقطعت يـم الغـاط جـال الحمـاده
والتاء تراني صوب حرمه توجهـت
وفي المجمعه وهي المدينه تريحـت
والصبح للعمـار والخيـس سنـدت
ثمٍ حصل لي في الرويضـه هـواده
والثاء ثبت شوفي وحـق الفروثـى
عقب مرور اجوى فـوق الحثوثـي
جمـس جديـد للصياهـد بحوثـي
يقبل مـن البنزيـن كـل الزيـاده
والجيم جيت اوشي واشربت من ماه
وحدرت لاجلاجل ودوجت في احماه
ويومي ركبت الخط وأخـذت ملـواه
والـى القرايـا تلـةٍ فـي امتـداده
الحاء حلالي وقفـه فـي التويمـى
مقـدار ثـمٍ جيـت للعـدو مومـي
عقبه لفيت الداخله عصـر يومـي
ثمٍ لحقت الشمـس مشيـي سنـاده
الخاء ختمت اليوم وسـط المعشبـه
في راس وادي سدير ديره واحسبه
ومع طلعه الشمس وتصافق مهبـه
حدرت مع وادي الفقي بـا الهيـاده
الدال دربي صـار سمـح وتوفقـت
وقبل الطهر في روضه اسدير دوجت
وبا الحصون ورحت مع ما تقاصرت
مـا بينهـن الا القـرى وارتـداده
الذال ذيـك المبانـي علـى الخـط
حوطه سدير ومقبلـه بـه توسـط
وعنهـا الجنوبيـه جنـوب تقلـط
وشرقيـه العطـار بـأرض شـداده
والراء رفعت الطرف من موقف لي
والى الجنيفى عن يسار ظهـر لـي
ثـم ركبـت الخـط للعـوده اللـي
في اسفل شعيب سدير مثل السـداده
الزاء زمت خزه وعنهـا تياسـرت
خليتهـا خلفـي او بالـدرب قبلـت
ولا حت عشيره فوق ضلـع تعلـت
وما بينها وبيـن الخطامـه رهـاده
والسين سرت من الخطامه شمالـي
لتمير وامبايض او بوضـه إلحالـى
ما بـي خـوي ولا دليـل أسالـي
كل بخيـص فـي مسالـك إبـلاده
الشين شـارات الوفـاء بالاجاويـد
اللي منازلهم مضيـف القواصيـدد
وان طالهم معروف فهـم المحاميـد
ومـا يدفنـون الطيبـه بالجحـاده
الصاد صار اسديـر للطيـب منبـع
من قبل عمرو للكـرم فيـه مرتـع
قبـل النبـوة بـه للأمجـاد مربـع
مرابـع السـادات وأهـل السيـاده
الضاد ضم اسدير نخبـه رجاجيـل
والطيب موروث إلجيل بعـد جيـل
يا ما برز منهـم رجـال حلاحيـل
فيهم إلعضـلات المشاكـل حـداده
والطاء طريف الناس واللي دوينـي
واللي عن المعروف يغضي ابعينـي
ما تاجـده بسديـر قـول ٍ رسينـي
مـا تاجـد الا محسنيـن الوفـاده
الظاء ظمأ كبد المعادي هـل سديـر
ذا شئ مـا يبغـى دليـل وتفسيـر
تاريخهم له في الصحايف أساطيـر
يشع نـور بيـن الأسطـر مـداده
العين عادات الجمايـل والاحسـان
موجودةٍ في اسديرفي كـل الأزمـان
عرفوا بها في نجد من بد الأوطـان
طبـع تحلـو بـه ولاهـوب عـاده
الغين غملول مـن أدنـاه لاقصـاه
جنه نعيـم حطهـا الله فـي حمـاه
مثل الحسـا تمـره ومـاه وتهيـاه
وفي الجود ماله من يلادي جـواده
الفـا فلالحيـه محاميـد عـشـره
الناس معهم في المحاصيـل خشـره
القاف قول الناس أجره هل سديـر
رمز التعاون والتأخـي مـع الغيـر
الى اشتغل يعطي جـزاك الله خيـر
واللي يفوز إبهـا مـن الله سعـاده
الكاف كاس الـود مـن بينهـم دار
حلو ٍ لذيذ صافـي مـا بـه اكـدار
هـذا يسوقـه يـم هـذا بمـقـدار
عن الطيب نفس ما اختلط بالنكـاده
اللام لو في الطيـب نـاس تبـارى
فازو وصارو مـن خيـار الخيـار
نقوة حـرار مـن مواكـر حـرارا
والحر يعجب صاحبـه فـي هـداده
الميـم محـد ٍ بالمقاضـا نفلـهـم
في الطيب بس وغير ذا ما شملهـم
وطيش الحمق للجهل ما قد حملهـم
حتى ولو زاد الحمـق فـي عنـاده
النـون نعـم ٍ بالفعـل كاسبيـنـه
أجـدادهـم لا بوانـهـم مرثيـنـه
واليوم عرفو بـه وهـم زارعينـه
إلجيل جديد يهتنـي فـي حصـاده
والواو وادي سدير واسديـر كلـه
ميدان حكمه والشعـر مدهـال لـه
والعلم فيـه ومنـه رفـرف إبظلـه
وأهل النصف يدلون لـه بالشهـاده
لام ألف لا ما خـذ ولامعطـي فيـه
اسدير وحده مـا ابغيـره أساويـه
عندي وكـل مسكنـه حـق يغليـه
ويثني عليـه ويفتخـر فـي وداده
والها هوى بالـي بيـض الايـادي
يستاهلونـه ألـف وألـف ٍ زيـاده
الياء يقول اللي صدق فـي مقالـه
في الطيب راعي اسدير خله إلحالـه
راعي الفوالـه والكـرم والجزالـه
- وترحيبة بالضيف تحيـي فـواده
تمت وصلى الله على خيـر هـادي
اللي بعث يهدي إلـدرب الرشـادي
وينذر هل الاشراك واهل الفسـادي
من ما قف ٍ كـل يحصـل حصـاده
ولكم منى كل الشكر ..
29-12-2007, 04:59 PM
العرض العادي
