قصيدة الشاعر ناصر السعيد في حفل حوطة سدير

**سعود الخليل** · 22-10-2007, 07:06 PM

هذه القصيدة ألقاها الشاعر ناصر بن عبدالله السعيد في حفل أهالي حوطة سدير لعيد الفطر المبارك

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جـعل الـسحاب اللـي مزونه مزابير=اللي بروقه با لدجا تشعل اشعال
يـمـطر على دار الـوفـا و المـناعـير=اللـي غـلااهم داخـل الـقـلب نـزال
يسقي غروس في ذرى حوطة سدير=أربـع لـيـالي كـلها بـرق و خـيـال
و الـغرس يروى من حقوق الشخاتير =وادي الفقي يطرب له القلب لاسال
دار لـهـا بـالـقـلب عـز و تـقـديـــر=أهل الكرم والطيب و الحيل و دلاال
حـبـي لـها مـن يـوم انـا توي صغير =لا شـك فـي قـلبي لـهـا دار وظلال
فـيـها الـرجال الصامله و المشـاهير=يـشـرون بـالـغالي و يفدون بالمال
ســلام احـلى مـن حـلـيب المـغا تـير =و اصفى مـن الياقوت والدر و زلاال
تـحـيه لاهـل الــوجــيه الـمسافير =زبــن المـتـلا يـوم الايــام تــحتال
مـدحـي لهـم مـافـيه شك و تـزوير=للـشـعـر مـيزانـه و للحــق مــكيال
يا مـبهريـن الـبـن با لهيل تـبهير=صـبولـنا مــن نـقـوة الـبن فنجال
حـتى يـجي للـقـاف خـنه و تعبـير=والناس تطرب بالقوافي و الامثال
ما دمـت فـي مـدح اللـيوث الهزابير=للضـيـف تـرحاب وللـضد خـيـال
لاجـا نـهار فـيـه للـمـجد تـذكــير=تلقـالـهـم فـي هامة المجد مدهال
مـثل الـسـيوف المـرهــفات المـباتـير=كـعـم الخـصـوم معدله كل ما مال
انتم هـل الطولات وانتم هل الخير=وانـتـم ســيوف الـعـز والعز يختـال
يا طير يللي تـسـجع الصوت يا طير=عـطـنا مـن الـقـيفان يا طير موال
ما دمـت فـي عـيد الفطر و التباشير =لحظة فرح يطرب لهاالقلب والبال
الله يـجـمـع شـمـلكم با لتـيا سـير=و يـدوم عـز الـدار فـي كل الأحوال
والـخاتمـة صـلو إعـداد الطـوابــير =عـلـى نـبــي للـمـخـالــيق عــدال

ناصر بن عبد الله السعيد[/poem]