كروة أهل سدير

[أسير المجمعة]

منقووووول

السلام عليكم ورحمة الله وبركاته

أعجبتني قصيدة عرقة أهل سدير فأحببت أن أنقلها لكم

فأهل سدير يستاهلون :

" عرقة أهل سدير "

" كروة أهل سدير : جزاك الله خير " أهل سدير معروفين بالكلمات الطيبة والمحببة للنفس
بعيداً عن ما يعتقده البعض – من الجهلاء – أن أهل سدير يكتفون بهذه الكلمة عن إعطاء المستحق
حقه من مال جزاء عمله، ولا أدل على ذلك عندما يخير مستحق الأجر بين كروته أو كروة أهل سدير،
أي بين أجرته أو أجرة أهل سدير عندما يسدون لأحدهم عمل، فكلمة جزاك الله خير
عندهم أعظم من الأجر المادي، رداً على أحد حديثي العهد بالمواطنة

[poem=font=",6,blue,bold,normal" bkcolor="transparent" bkimage="" border="double,6,black" type=2 line=0 align=center use=ex num="0,black""]
الطيب فطرتنا خلقنا الله عليها يا غرير=مهيب هرج ٍ فالمجالس ما لقى من يردعه

الطيب حنا له وطن دايم ولا نقبل خشير=والجود ساسه عندنا وأفعالنا هي منبعه

الطيب ميزان النفوس الواثقة عند المسير=الطيب نبراس العقول الواعية والمشرعه

لنا الفخر حنا إذا قالوا جزاكَ اللهْ خير=ما عنده أبقى ولا يدوم إلا عمل به منفعه

هذي عرقة أهل الوفا هذي عرقتنا يا سدير=تكفي عن أموال وذهب أهلك تعده تجمعه
قبل يجف به العرق نعطي الأجر حق الأجير=نمشي على هدي الرسول وأئمته الأربعه
حنا جبلنا يا ولد على النقا وحسن الضمير=كفوفنا تنبت عطا وصدورنا هي مرتعه
نبذل وغايتنا البذل أول وثاني للأخير=ولا نلحقه من وأذى ولا نفاق ٍ نتبعه
صغيرنا لو تطلبه يفعل كما فعل الكبير=وكبيرنا لو تطلبه عطاك من ضيقه سعه
للضيف واجب نعرفه ونحرص على حق القصير=ومن لا يوجب ضيفنا نذر ٍ علينا نقطعه
خوينا ما نتركه إسأل وينبيك الشوير=وعدونا في كربته نَفـْـزَعْ معه ولا نِفـْـزعَه
ربعي على الحكمة ربوا غنيهم ولا الفقير=مخافة الله طبعهم وبعض العرب تطبَّعه
من كان فالروضة أو العوده عشيره أو تمير=أو في الرويضه أو جلاجل مرحبا به ومن معه
ما يسمع إلا يا هلا يا مسهلا مثل العبير=الدار دارك بين أهلك حياك وسط المجمعه
قالوا عروس البحر غير قلنا بعد وسدير غير=البحر الأحمر ذا هناك وبحر الكرم ذا موقعه
سدير سور ٍ مرتفع يا راعي السور القصير=أشجار عز ٍ مثمره أمثالكم ما تطلعه
سدير قلب المملكة الواهب الخير الكثير=بالقول والفعل الكريم لا عادوا أهل الجعجعه
كم كلمة ٍ أودت بصاحبها إلى بئس المصير=وكم جاهل ودك إلى زل بحديثه تصفعه
لكن على قول المثل مذمة الناقص بشير=وش حال لو ما ذمنا إلا جهول ٍ إمعه
العلم وصلك يا خبل إن كنت مبصر أو ضرير=ومن يخطف عيون البشر نفضخ عيونه بإصبعه
سلم على ماما شهد وسلم على بابا سمير=وسلم على الضيعه وأهلها وانتبه لا تضيعه
سدير لك منها زكاة كيسين خبز ٍ مع شعير=وكان الحمل أثقل عليك حقك نشيل البردعه[/poem]