ღ (( .. مختـــاراتــــ شعـــريـــــــه .. )) ღ ..

[( عابرة سبيل )]

/
\
صباحكم / خير ..
تسلم الاياااادي اخي ( صوتـ الماضي ) ..
:
:

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تغرك الـدنـيـا وتخـدعــك الأحلام = دنـيــا تــدور وكـلـهـــا للزوالي
اليــا صفتلك عــــام ماتصفى أعـوام =دايــم تـبـدل كـــل يـــوم بحالي
كــم عـزت أقــوام وكــم ذلــت أقوام =وكـم بذلت مـن طيبين الرجالي
عــاداتـهـا توري المشاكــل والأوهام = ولاحـد بهـالـدنيا مـن الهم خالي
بقلوبنــا كــم حطمـت حــلــو الأحلام =وانهد صرح بأول الوقت عالي
امسح دموع الحزن باطراف الأكمام = مالك عـن المكتوب بأول وتالي[/poem]

[صوت الماضي]

[align=center]
يسعد مساك اختي دمعة الم
هذا انا اعود لهذا المتصفح بــ (( ارجوحة الاطلال )) لــ عبدالله مزيد
هي بين يديكم ..... لعلها تنال بعض الرضا


تعالي وأرقصي حدر الضلوع وغنّي المـوال
على قبرالغرام اللي قضى في زحمـة أهوالـه
تعالي وش بقى غير الندم وأرجوحة ألأطـلال
وشايب طاح من كثر التجافي وانعثـر فالـه
تبين الصدق؟ ياروعة جنوني وآخـر ألآمـال
أنا لك والغلا دونك جـواد(ن) خـان خيالـه
هلابك وين مالقيت وجهـك والغـلا مدهـال
هلا بك والخفوق اللي يهلي صـرت مدهالـه
أبيك العيد في وجه اليتامـا والسنيـن أطفـال
أبيك الصبح في وجه الفقير أن حقـق آمالـه
تعبت أتبع هوى نفسي وادور يالشموس أظلال
وصلت آخر مداي اللي نصيته واصبحت عاله
حملت جروح خلاني وصاروا في حشاي عيال
ألا يالعنبـو جـرح الخليـل وقسـوة عيالـه
على حالي وأنا مدري على أي حال ذاك الحال
على حله وترحالـه وكلـن راح فـي حالـه
حبيبي..زادني قربك من جنون القصيد هبـال
فـداك الشعريـاأول جنونـي وآخـر هبالـه
تعال أنثر طوارف ليلك المغري وفـل الشـال
أبي تروي ظماي اللي تعبت أطرد ورى لالـه
[/align]

[القيصـــر]

[poem= font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
ياعابر الخاطر تصوّرت معناك =لا شك ماكل الخواطر تقالِ
خذ صورتك لَى جيت ساري بمسراك =مالك بها مصلوح تبقى ولا لي
تلقى من الشعّار الاقصين ذولاك =من ياخذ المعنى على كل حال [/poem]

[( عابرة سبيل )]

/
\


روائع
دمتم لـ هذا الصرح الشامخ

:
:


ابيات اعجبتني

الله يسامح من ذكرت ونســانـي .
البارحة مـدري وش اللـي خذانـي
يوم اجنبوا عني من الضيقة اشملـت
جيـت أتكلـم بـس عيـا لسـانـي
ماكني إلا مرتكـب ذنـب واخملـت
الله يسامـح مـن ذكـرت ونسانـي
وأنا أدري إنـي لاذكرتـه تجملـت
عانيـت وأدري كـل طيـب يعانـي
وعلى حساب طعوني الخضر جاملت
((ياماخذوا مني ولا احدأ عطانـي))
((من طيبتي في حق نفسي تساهلت))
عـزاي لامنـه تجـهـم زمـانـي
يممـت وجهـي للكريـم وتوسلـت
واللي يبـي قربـي وبعـدي لقانـي
أمشي على وضح النقاء ما تختلـت
يامن سكنت اجمـل زوايـا كيانـي
ياما على نفسـي عشانـك تحاملـت
مرات احس انك معي شخص ثانـي
ومرات احس انك حبيبي وما زلـت
لاتفرح انك دجـت بيـن المحانـي
لو ماتخـون الذاكـره مـا تسللـت
((عشان ماضيك الجميل وعشانـي))
((حاول تشيل من الوفا ربع ماشلت))


:
:


ماني على خبـرك حبيبـي ترانـي
حتى عن (اصغار الاماني) تنازلـت

/
\


دمعة ألم

[صوت الماضي]

[align=center]
يسعد صباحك اختي دمعة الم وصباح الجميع
كالعاده لابد من المرور هنا مع كل دخول لهذا المنتدى الرااائع


حلمي المطعون لـــ عبدالله بن حمد


الليل نبش الجـرح ومعانـق الهـم
كم اااااه هزة ليل والصوت واضـح

في جسمي الناحل من الليل كم وسم؟
تقراه عين الصبح والنـور فاضـح

ان جيت ادور حرف ماعاد لي فـم
جف الكلام ومارَد الحـرف ناضـح

حتى المكان اللي احتضن ثورة الحلم
اصبح غريب وكـن مالـه ملامـح

ياحلمي المطعـون ماسـال لـك دم
لو يدفعـون التبـر مانـي مسامـح

حبيبتي من يكـوي الظلـم بالظلـم
الا غبـي مالـه ولاراي راجــح

تكفين شيلي عن كتوفي ولـو قسـم
من ثقل هذا الوقت واكـون رابـح

تبسمي ويشـع لـي بالامـل نجـم
تبسـمـي واكــون للهم مــادح

تبسمي يشتـد لـي بالعطـا عظـم
تبسمـي يبـرد مـن القيـظ لافـح

لاشفت وجهك لـو تناولنـي السـم
اصيـر انـا للسـم سـمٍ وجـارح

يالورده اللي لـو تهيـا لـي الشـم
اشمهـا مـن جـد واقـول مـازح

الليل نبش الجـرح ومعانـق الهـم
كم اااااه هزة ليل والصوت واضـح [/align]

[( عابرة سبيل )]

/
\


( صوت الماضي ) ..
عوده حميد .. وحياك الله من جديد ..
ويسعد مسائك اخي ..
رائع هو اختياراتك دوماً

:
:

دمت مبدعاً

:
:


بيت شعر.. وهو في نظري قصيدة ..

[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أحرص على اللي دايم الدوم شاريك = واحذر من اللي لاقسى الوقت باعك[/poem]


:
:

وسلامتكم

[( عابرة سبيل )]

[align=center]/
\


اشكرك ^_^ على رفع الموضوع
مايرفعه الا انا او انت فقط [/align]

[صوت الماضي]

[align=center]
يسعد صباحك اختي دمعة ألم
المهم ان الجميع يقرأ هذا المتصفح

واليوم ارفع هذا المتصفح
بـــ قصيدة ( سقيط الناس ) للرائع صالح الحمودي



الا يالله لاتجعل عدوي من سقيط الناس
عدو مايشرفني نزاعه اكفني مسعاه

حقير النفس مايسوى امتهانه والسخط والباس
ولا يستاهل تعده خصيمك أو تجيب اقصاه

إذا له حاجة عندي يقيس ويدبل المقياس
واذا لي حاجة عنده .. عفيته حاجتي لله

فلا انزل منزل واطي مع الواطين والهرداس
لأجل حاجه بسيطه مابها مطمع ولا منجاه

مصيبة لاتبلاك القزم واخطأ خطأ حساس
فلا تدري .. ترده عن خطاه او تحتمل بلواه

قهر تقطع لباسه والقهر تقطع عليه لباس
وهو لا ساذج يعذر ولا شهم تعذر خطاه

عفا الله عنه يذهب في سبيله ماعليه ابلاس
فلا يحسبني اوقف موقف ضده واخوض حماه

مثيله مثل: من يبصق على وجه السما الرواس
فلا ضر السما فعله ولا وجهه سلم من فاه

إلى طالك من اذناب البشر ساقط تراك الراس
فما ترمى القمم الا بما يسقط على أدناه

ومثل ماقالوا اهل التجربه والعرف والقرطاس
خبيث (السوس) مايلعب سوى بــ أغلا الخشب واصفاه

قسم بالله مايحفظ كرامة كابر الاشواس
سوى تقزيمه رخوم الاوادم واحتقار اعداه

متى ماعظم ابن آدم خصومه صغروه الناس
ومتى ماصغر اكبرهم تعاظم عندهم طرياه

تشبه بالعظيم أن تكن ( موسى ) ولا ( إلياس)
فلا به غير رب الكون ماله بالوجود اشباه

وتكابر مع كبار المنزله تكبر على الجلاس
وتحامق مع حواميق العرب تسلم من الأفواه

والي جتك الاساءه من صغار الخلق والانجاس
تجمل فالجبل لايقذف الا من صغار احصاه

وترفع عن مجاراة الهمج والأغبياء والخاس
ولا تغتاظ من فعل الردي لو يلحقك بحذاه

متى ماطالك السافل دريت انك رفيع الناس
ومتى ماذمك الحاسد عرفت انك عظيم الجاه[/align]

[( عابرة سبيل )]

:
:


ياهلا ومراحب بـ متذوق الشعر
( صوت الماضي ) .. حياك الله ياخووي
ودام نبضك ..

:

:


تحيتي لك

[( عابرة سبيل )]

:
:


قررت أعامل راعي الصد بالصد
********** واكويه بالفرقا واسوي سواته

ملزوم أعامل بالجفا ناكـر الود
********** وانساه وابعد واختفي عن حياته

الحب له ميزان والصبر له حـد
********** و أنا معه صبري وصل منتهاته

هــذا الأكـيـد وكل فعله لها رد
********** ماله حقوق اللي نسى واجباته

اللي نوى يصدني صرت له صـد
********** وانقل عصا اللي نقـل لي عصاته

عندي كرامه بالهوى مالها حـد
********** ومن عز نفسه نال غاية شفاته

[صوت الماضي]

[align=center]
يسعد صباحك دمعة ألم

الشاعر مفرح بن مناحي جمع الضد في هذه القصيده
وهي بعنوان " غرقان ظامي "




غرقت بالدنيا ولا شفت أنا الما
ظامي وأنا غرقان ,, وشلون ظامي ؟!!

صحيح مانيب أكثر الناس علما
لكن فعولي ما تخالف كلامي

لا صار قلبي من عنا الوقت يدما
وشلون تصبر في المواجع عظامي

المرجلة ما هي مظاهر واسما
مثل الذي خلوه الأصحاب سامي !!

علّوه حتى صار بالمدح نجما
والمشكلة يدرون إنه حرامي

ما يمدحه بالطيب يا كود أعمى
الصاحب اللي قال ,, مدري علامي !!!

الطيب أنزه من دروبه وأسمى
إلا إذا ضاعت معاني الأسامي

يعدنّي في مركب العز خصما
حتى سلامي ,, ما يجاوب سلامي !!

أصدّ عنه ولكن يزيد شتما
و لو هو قدر وكّل لذمي محامي !!

وأزيد في صمتي وبالغم يغمى
والله لأفرض في عدوي احترامي

من عادة المثمر بالأحجار يرمى
والأجدب اللي مات من دون رامي

وكانه خذا من سلة الطيب سهما
أنا يغيظ الطيب كثرة سهامي

وأسدد الأهداف في كل مرمى
حازت مفاهيم الشرف اهتمامي

ما نيب متولع على حب سلمى
ولا عطيت لريم لهفة غرامي

ولا مشيت بدرب تغشاه ظلما
لني اعتبر قلبي رفيع المقامي

ولا أمنّي النفس همِ ووهما
قد قالوا إنّي دوم رجلٍ عصامي

أبقتحم وأرسم على الوقت رسما
رسمة توضّح كيف وضع اقتحامي

وأحط لي في ظهر الأنذال وسما
وأهدي محبين الحقيقة وسامي

والواقع اللي كان قبل أمس حلما
أنا أشهد إني اليوم شفته أمامي

عامي مضى شفقان في رشفة الما
وضيعت قبل العام ,, عشرين عامي

واللي فهم وشلون غرقان واظما
قولوا له إنه صار (( غرقان ظامي )) [/align]

[( عابرة سبيل )]

[align=center]/
\



مسـاء / الشعـر
وروعته ,.
يامراحب بـ متذوق الشعر الاخ ( صوت الماضي )
:
:

<< اعجابي بها جعلني اجلبها هنا >>
( حامــد زيـد ) وشموخه العالي في نثـر شعره ..
كم سيتهوينـــي شعره ويطربنــي .. !!
استمعوا .., واستمتعوا ..!!
مع عملاق الساحه الشعريه ( حامد زيد ) ..

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ترى عند البدو بالذات عيب اللي تسوينه=حلاتك لاعشقتيني تعشقيني ليوم الدين[/poem]

^_*



[poem=font="Simplified Arabic,5,royalblue,bold,normal" bkcolor="transparent" bkimage="../backgrounds/31.gif" border="none,4,deeppink" type=2 line=0 align=center use=ex num="0,black"]
:
:
في وقت من البطا وبليل ضاقت شياطينه=عد شفت الظلام ينزع من ثياب المسا ثلثين
تحايلتي المنام اللي مثل بيتك تمرينه=انا اللي من تفارقنا وانا ما غمضت لي عين
غريب كل حلمي مر في رقادي تزورينه=الاغرب كيف احلم الحلم وارجع واحلمه بعدين؟؟
قبل يومين شفتك في المنام وقمت من حينه=ونمت امس ورجع نفس المنام اللي قبل يومين
انا اللي قبل اسافر شلت قلبي من شراينه=تركته في ايدك مثل الامانه واحفظيها زين
ترى حفظ الامانه دين مجبوره تردينه=اجل ما في احد قد قالك ترى حفظ الامانه دين
مرد المقفي بيقفي ويستوفي وتوفينه=بعد ليله,ثلاثه,اربعه,عشر ه,شهر,شهرين
اذا انتي ما انتي بقد الكلام الي تقولينه=حرام استأمنك حاجه واذا جيت اطلبك تنسين
تخونين وتبين ارضى واحد يرضى تخونينه=انا لا جيت اخونك مع حبيبه ثانيه ترضين؟؟
من اول مارجعت من السفر ما شفت لك بينه=وانا اللي كنت احسبك قبل ادوس ارض المطار تجين
تكونين انت اول شخص عيني تحتضن عينه=وكنت اتخيلك من زود فرحة رجعتي تبكين
اشوف بدمعتك حكيك واعرفه قبل ما تحكين=واجيب احلى من اللي بتحكينه واتركك تحكين
تقولين الوطن نور واقول بنور مضوينه=تقولي لي غديت احلى واقول عيونك الحلوين
كلام نام بشفاهك وخفتي لا تصحينه=ذخرتيه الغرام اللي ينام ويتركك تصحين
تغانمتي غيابي لين رجحتي موازينه=تعلم من ايدك لمس الكفوف وعلمك تجفين
وليتك لاقيه شي فيني ما تلاقينه=ماهو بغرور لكن خابرك مالك امل تلقينه
تغافلتي بغلا والا الحلى ماهوب من زينه=تزينه الصور والا الصحيح ابن الحلال زوين
انا ماني بناقص عنه يوم انك تبدينه=نصيب هو نصيبي لو يسددها من الصوبين
قنوع بمظهري والسم ما يذبح ثعابينه=على قول المثل ماني حلو لكن ماني شين
اذا اهداك الزهر مره فأنا اهديتك بساتينه=واذا ألهاك بفرح ليله فأنا تهت لبكاك سنين
واذا استضعفتك املاكه وشتتك ملاينه=انا حتى فتات الخبزه اقسمها معك نصين
طموحي بس اجي واظفر بشي تستحقينه=تدينته..تسلفته..سرقته.. مو مهم منين
كأني من كثر ما ارضى بكل اللي تمنينه=لو انك تطلبين الله يعنيني بقول آمين
انا ما العب على الحبلين وقت الطيش وسنينه=تبين اللحين يوم اني كبرت العب على الحبلين؟؟
ترى عند البدو بالذات عيب اللي تسوينه=حلاتك لاعشقتيني تعشقيني ليوم الدين
غرام نسكن ضلوعه حشيمه من مجانينه=جفا يجمع معزتنا ولا عشق يذل اثنين
كثار اللي تحدوني وقالولي تحبينه=امانه لاتخليني صغير في عينهم تكفين
لاني كل ما قالوا تخون قلت:مسكينه=عليك الله وامانه علميهم من المسكين؟
انا خايف الا طاح الجمل تكثر سكاكينه=وانا ما عادت ضلوعي تحمل طعنة السكين
مثل ما قالوا: المكتوب واضح من عناوينه=لو ارحل منك للغربه بسافر من ظلامك وين؟؟
كفايه كل حلمي مر في رقادي تزورينه=كفايه من تفارقنا وانا ما غمضت لي عين
قبل يومين شفتك في المنام وقمت من حينه=ونمت امس ورجع نفس المنام اللي قبل يومين
:
:[/poem]

:: وسلامتـكم ::
:
:

ودام نبضكــم ^_^

[/align]

[صوت الماضي]

[align=center]
كل عام والجميع بخير
وكل عام وانت بصحه وسعاده دمعة ألم


" هذي حكاية دمعتين شواهيد "

لــلأسف لا أعرف أسم الشاعر




أنت السراب اللي لمحته من بعيد
يقبـل ويقفـي والليالـي كسيفـه

أسرج خيوله فارس الهم رعديـد
سافر بعين اللـي لقاهـا كفيفـه

يشرب من الدمعة وزاده تناهيـد
يلقى ورا الظلما عيـونٍ مخيفـه

لا من تهاوت صورته في المواعيد
تحضن مسافاتـه غيـومٍ مريفـه

برق ورا غيمه وروح بـلا قيـد
وجرحٍ تعنا له وجـرحٍ يضيفـه

ناسٍ تعزي له ونـاسٍ بهـا كيـد
تضحك على الفرقا وليل النكيفـه

سنة ألم مـرت ولامرهـا عيـد
ورد الفرح يبكي وطـول خريفـه

هذي حكايـة دمعتيـنٍ شواهيـد
وقصه خفوقـن ماتوقـف نزيفـه [/align]

[( عابرة سبيل )]

/
\




مراحب اخ ( صووت الماضي )
كل عام وانت بـ خيرات ومسرات ..,
عدت لنــا وانت تحمـــل روائع
:
:
لاتحرمنا

/
\



نبض جميــل .., احببت وضعه هنا

[poem= font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الـبـارحـه عـيـنـي جـفــا مـوقـهــا الــنــوم=يـلـعـب بـــي الـهـاجـس والـصــدر ضـايــق
بعـيـونـي (( الـحـرمـان )) وفـــي قـلـبـي هـمــوم=وأعـمــاق جـوفــي تشـتـعـل بـــه حــرايــق
وأتــذكــر الـمـاضــي وأمـانـيــه وحــلـــوم=وقــــت تــصــورت الأمــانـــي حـقــايــق
وأطـيــح بـحـظـن الـيــاس وأحـــاول أقـــوم=وعـظـيــم حــزنــي يعـتـريـنـي عــوايـــق
كثـيـر مــن مثـلـي مـــن الـنــاس مـحــروم=لـكــن أنـــا (( الـحـرمـان )) .. لـكــل الـخـلايـق..![/poem]

:
:

وسلامتكم

[صوت الماضي]

[align=center]
مرحبا فيك دمعة ألم ومرحبا بالجميع
عوده على هذا المتصفح .. فـــ هو الملاذ في هذا المنتدى الشامخ

عندما يجف السراب فحتماً سترى هذه القصيده النور
وهي للرائع محمد الاسمري


يا هي سنة .. وفصولهـا مـا هـي فصـول
صـبّـت ضمـاهـا فــي عـيــون الـمـرابـع

كــنّ الفـصـول الأربـعـة فـصـل مجـهـول
يـعـود لـــي ثـانــي .. وثـالــث .. ورابـــع

جــفّ الـسـراب ولا بـقـى شــي مـعـقـول
إلا إنــي أجـلـس فـــي مـكـانـي وأتـابــع

أشرب ضمايه ، من ضمايه ، وأنا أقول:
كـــذب الـســراب .. ولا جـفــاف الـمـنـابـع

مثـل الـورق نـاشـف وضـامـي ومبـلـول
ويجرفنـي احـسـاسٍ مــن الــروح نـابـع

شعـرٍ يسيـل وينكـتـب لــي عـلـى طــول
كـنــه يـقـطــر مــــن عــلــوّ الأصــابــع

الطيـش: عاشـق يتـبـع القـلـب ويــزول
والعشـق: طـايـش قـلـب ويـمـوت تـابـع

شفنـي وأنـا جايـع .. وضامـي .. ومشـغـول
أشوفـنـي فـاضــي .. وراوي .. وشـابــع

وجـه الحيـاوي مـن حيـا الوجـه مغسـول
والصـدق طـبـع وكــذب الأحـبـاب طـابـع

يكفيه خوف إن قال: (ماني بـمسئـول)
ويكفـيـه ضـعـف إنـــه يـثـيـر الـزوابــع

سـاعـي بـريـدٍ لــو فـقـد طــرد مـرسـول
يـعـيـش مستـمـتـع بـجـمـع الـطـوابـع [/align]