~[ الاعضاء يوم كانوا بزران مقابله خاصه ]~

[عبدالعزيز]

بانتظار الاخت حنين ونشوف متى صامت

[حنين الذكرى]

المشاركة الأصلية كتبت بواسطة عبدالعزيز   بانتظار الاخت حنين ونشوف متى صامت

بتشوف ردي ان شاء الله دقايق بس استرجع طفولتي

[عبدالله الفـارس]

ماشاء الله موضوع فلة بصراحة لمرحلة رااااااائعة من حياة كل شخص

يكفي أنه ذكرنا بذا الحلاو





يعطيكم العافية جميعاً متابعين و مستمتعين

تحيتي

[أنثى المطر]

حلووه رشرش جدتي

بصراحه موضوع مره حلو صح يتخلله بعض الفضاايح لاكن أبدعتو في الطرح

يعطيك العافيه يالغلا

والله استمتعنا معكم بالقرءاه

وفي أنتظآآآر

حنوونه


أحتراميـ

[إشراقة فجر]

موضوع رووعة
ربي يعطيكم العافية
كل واحد طفولته أحسن من الثاني
ذكرايات تهبل
وخاصه ذا الحلاو أتكلم فيه ها الايام مشتهيته
ماتدرون وين يباع فيه؟؟
شـــاكرهـ لكم جميعا

[جمانة]

ههههههه
طفـــوله رائــعه
الله يسعدكم
وبانتظــــار حنونه
لتعيدنا لأيام الطفــوله

[حنين الذكرى]

**
السلام عليكم ورحمة الله وبركاته

أولا أحب أشكر الأخت الغاليــة : مشــآعر طفلــة | ميشو |
على موضوعها الأكثر من رائـــع ذكريات رائعة لاتنسى
ثانيـا أحب أشكر أم الفيسات
الأخت الغاليــة حبل الوريد | حبوله |
على التوهيقة وإلاالرشرش أحسبة حق جدتي

بسم الله نبدأ مع الأسئلـــة

1/ هل كنتِ مشآآآآكس أوكنت على نياتك وهادئ؟؟

والله بيني وبينك كنت شقيــة حييييل

2/ كنت بزر قصدي طفل مميّز عند شخص ما؟؟ يعني كنت أغلا البزراآآن وإلا مصفوق على الرصيف؟

بصراحة كنت ألفت انتباه اللي حولي بشقاوتي كنت محبوبـة عند الجميع وإلا غصب يحبوني
][ لوقية ][على قولتهم

3/موقف حصلّك وأنت صغير وللحين مأثر فيك؟؟

دخولي العناية المركزة وأنا صغيرة طايحة من الدور الثاني
الحمدلله عدت على خيير

4/ أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟

حلاوه برميت وكرتون بسكوت السعادة اللي فيه بنوتة
وكرتون حلقوم كنت مبسوطه وقتها
كل الصغار يدلعوني عشان أعطيهم

5/ من أقرب طفلـ/ـة من الجماعة كانت أقربلك؟؟ يعني مايضربك آو تضربك ولا تهاآوشك ولآ يهآوشك؟؟
كثير كنت رغم شنطانتي إجتماعية
لكن الأقرب بنت خالي الله يذكرها بالخير

6/ كم فلقة في رآسك؟؟

بصراحة مايمر أسبوع أو أربع أيام إلا وراسي منتـفخ من الفلقات الدكاتره حفظت شكلي من يوم يشوفوني جهزوا الخياط
شطانة زيادة عن اللزوم ا

7/ وش كانت عياآآرتك؟؟ ************************ هع هع وش هالسؤاآآل؟؟
ومن قال ان عندي عياااره؟!! >>توهقت

8/ وش اكثر حلاااوهـ كوونت تحبهاا في طفوولتك الرائعه ؟؟
حلاو زمان كان على شكل فرشة ومعجون الفرشة بسكوت والمعجون شكولاتة ..وحلاو بقر والصور تتحدث

9/ ماهو مستوى الرجه اللي كنت فيها " مرتفع / متوسط / سموول " ؟
مرتفع لأبعد الحدود

10/ ايش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟
الخامسة لا الحمدلله لم يأثر

11/ ايش اكثر مكان كنت تحب تروح له ؟؟ " ملاهي . حديقه ... الخ
والله أي شيء أهم شيء طلعة وأول من يركب في الصندوق أنا وأكثر وحدة إذا طلعت تصاب بأي شي يافلقات أو جروح وغيرها
يعني يافرحة ماتمت

12/ ايش اكثر لعبه كنت تحب تلعب فيهاا ؟؟

أنا الذيب باكلكم لاعبة عليهم وقتها
صبحكم بالخيريالعمال العمالية وأنواع الصجة
عالباصل باصل بصيصلا
فتاحيــة وردة.
دبق لعبة بالخرز .. ملطاااخ ...شرعدة.. ثلج موية

13/ هل كنت تضرب والا تنضرب والا لاتهش ولاتنش ؟؟

والله بصراحة أضرب والكل يخاف مني من شطانتي أذكر مرة
كنت لحقت بنت جيرانا بالحصاة بفلقها أنواع الإجرام مادريت إلا في راس الإمام رايح للمسجد
بدل مايروح يصلي بالمسلمين راح للمستشفى الضعيف الله يذكره بالخير كانه عايش والله يرحمه كانه توفى

14/ هل كنت تبكي كثير ؟؟
يوم كنت صغيرة أكيد بس الحين عقلت >> أمحق

15/ ايش اكثر فلم كرتوون كنت تحب تشووفه ؟؟
كثييير
لبيبه.. سانشيرو.. كالميرو .. السنافر الغابة السعيدة... بشار.. زينة ونحول ..الغواصة الزقاء الرجل الحديدي
لولو الصغيرة ريمي.. حكايات لاتنسى.. غرندايز.. المناهل..حكاية عبير وحكيم
هلابنت حلوة للغاية ..أيام زمان

16/ من اكثر واحد من اخواانك كان قريب منك ؟؟ يعني اللي تحب تلعب معاه ؟؟

بصراحة كلهم كنت ألعب معهم أعمارنا متقاربة لكن الأكثر أختي اللي أكبر مني أكثر شيء ألعب معها
الله يذكرهم بالخير

17/ موقف صار لك ولحد الحين اذا ذكرته يضحكك ؟؟

أنواع الإحراج أسئلتك...
أذكر مرة بالديرة كنا نلعب في البركة في إحدى المزارع
مادرينا إلا وراعيها الله يرحمة يارب
جاء لمنا اللي معي انحاشوا وركبوا السيارة وأنا ماقدرت أنحاش
المهم حاولت أنحاش وماقدرت كان قريب مني بعد ماقربت للسيارة بركب مع الأهل
وإلا جايني عصاه يمشي ألفين سفه علي وأنا اللي أطيح في الشارع
الأهل مشوا وخلوني ][ الخوف مليح ][ وأنا اللي أكلتها أنواع الضرب يوم
أذن ودخل الرجال المسجد رجعوا لي أهلي ياخذوني أحس وقتها أدعي ربي متى يذن عشان يروح يصلي

18/ كنت تحب الحليب والا تشربه بالغصب ؟؟
كنت صغيرة أشربه عشان العضلات على قولتهم ولاشفت شيء
وبعدها كرهتة فترة وحالياً تعوت عليه تدريجياً

19/كنت شاطر بالمدرسة ولا ؟؟
الحمدلله ممتازة دااافورة

20/ كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟
شوفوا اللي يصومون مومثل بعض الناس

أول رمضان صمته كامل كنت ثاني ابتدائي كانت جدتي الله يرحمها تمردغني إذا أفطرت أو شربت موية
وكان وقتها رمضان عز الحر
وإذا جيت من المدرسة تقول وريني لسانك إذا كان أبيض يعني ماأفطرت وإذا أحمر أكون مجرمة عندها بصراحة إذا عطشت أفكر أشرب لبن عشان يصير لساني أبيض
مع إني أشتاق للفمتو بس فضيحة
المهم كانت تجازيني على صيامي بهدية بسكوت ميزااان
وأنا اللي أفطر وعلى طول طيران للبزبوز أخمره في موية ...الله يالدنيا
الله يرحم جدتي وأميمتي
واجمعنا بهم في الفردوس الأعلى وجميع المسلمين

21/ استايلك وانت صغير.. كيف كآن؟ يعني رسمي ولا انسان متلحط متعفش >>متعفش يعني ما تهتم بالملابس

والله الظاهر بين وبين أحيانا لبس رسمي وأحيانا حوسة والشعر لقايط وجدايل وأخر الجديلة مربوطة بشيلة..أقصد طريدة
هاذي شباصاتنا الله المستعان.. تذكرت ربوع بلادي علينا بتنادي

22/ كلمه دآآيم على لسآنك!!
من كثر البربرة ماأذكر وش الكلمة

23/هل هناك شخص كنت دايم تتبلى عليه يعني تسوي المصيبة وهو ينضرب ؟؟

بصراحة دايم أنا القائدة في كل شيء وإذا صار خطأ حولتة على الضعيف في مجموعتنا ويكون الضحية
وإلا إذا كنا مجموعتين وصارت المجموعة الثانية أقوى من مجموعتي أروح معهم وأدبج مجموعتي
مجرمة مع من غلب

24/ جريمة او مصيبة لـ هذا اليوم تذكرها و مستحيل تنساهاا ؟؟
سبق أن ذكرتها إصابة إمام المسجد

25/ ما هو اقوى عقاب في حياتك ؟؟

أذكر من الشطانة كنت أرقى فوق الجدران تعرفون الصغار إذا صارو يتميلحون إذا جاهم أحد
وأحوس كل شيء الله يصلح الحال
العقاب هو ضرب من الأهل على كيف كيفك

26/ نشيد كنت تحبه أيام الطفوله ؟؟

مبروك عليكِ أٌخيه بالستر والإيمان
كورة الأرضِ تدور
ذاكر دروسك أول بأول عااد هاذي النشيدة صار معي موقف
كان وقت شتاء والإذاعة علينا وطلعت أقولها ذاكر دروسك من شدة البرد
نسيت تكملة النشيدة وجلست ألحنها ومتكتفة ومطمنه راسي مادريت إلا العالم داخلين فصولهم
والأستاذة تدفني لفصلي تقول خلاص ياماما بدت الحصة >>> خاشة جو
نونو يانونو أناشيد امل المجماج

27/ ماهي الموآقف اللي عرضت فيها اهلك للاحراج؟؟

شقاوتي الزايدة
بحكم طفوله ان الواحد يكون برئ وحبيت اسال عن
28/اكثر موقف صدمك يوم انت صغير واثر عليك يوم كبرت ؟!..
ماذكر

29/ كيف كان اول يوم مدرسه لك بكيت ولا لا ..؟
لا والله بالعكس على طول كونت صداقات

30/ ضعت في مكان؟ .. سوق او حديقه او كورنيش .. اذا اي قولنا السالفه ..؟...
يالله كنت في خامس ابتدائي طلعت من المدرسة ومشينا للرياض عشان الجنادرية
من يوم دخلت الجنادرية وأنا مضيعة أهلي إلى وقت ماطلعنا ركبت السيارة
وهم يسولون عن الجنادرية وأنا منقهرة أنواع الدموع الله لايعيدها من روحه

31/ وشهي اجمل هديهـ خذتها في طفولتك...ومانسيتها ابد...؟!
عروسة حمراء قديمة والطيارة الفلين تركيبة أم ريال
ومنبولي وعكاسة صور من مكة

32/ بصراحهـ من كنت تحب بطفولتك اكثر امك ولا ابوكـ....؟!

فيه أحد يفرق بين عيونه الله يرحم أمي ويسكنها فسيح جنانه والله يطول في عمر الوالد ويمتع به على الطاعة

33/ في انسان معين تحس انك كرهتهـ في طفولتك وذا اي ليهـ...؟!
لا والله على كثر شطانتي ماعمري كرهت يارب لك الحمد
لكن أذكر مرة كنت في الإبتدائي صديقتي معها فشار بفك وريحتة فايحة قلت لها عطيني وأقسم لك من فسحتي مارضت وأنا اللي أدبغها وأخذ منها الفشار
من بكرة جت أمها تهاوشني الله يذكرها بالخير إلى الأن وهي تذكرني فيها

34/ متى هي المرة من المرات اللي حقدت فيها على اهلك وانت صغير\يعني سوولك حركه قدام احد وانقهرت بقوة ؟؟

ولا مرة

35/ لحقت تتابع/ين سبيستون ؟؟ ولا القناه الاولي بالصبح والعصريه ؟؟

لا والله حدي القناة الأولى والأنتل معلاق الله يخلف

36/ هـل كنت تغلط في نطق الحروف ..؟

لا ولله الحمد ممتازة

37/ موقف سويته ..والى الحين مااحد يدري عنه ؟
يعني محد يدري عنه من زمان تبيني أفضح عمري الحين ليه يكفي الفضايح اللي طلعت

38/ مين اعز صديق طفولة و الى الان متواصل معه>><؟
صديقتي تؤااام روحي كنت أنا وياها من أولى ابتدائي الله يذكرها بالخير

في الختام
أقولكم أستروا ماواجهتوا
لكل انسان مواقف والحين تراني عاقلة وهادية
عكس أول
والله يوسع صدروكم بالعافية
وشكراً
وفقكم الله جميعـــاً
**

[يكفيني شموخي]

في البدايه احب اشكر اختي الغاليه مشآعر طفله
ع هالموضوع الرائع
الي يوسع الصدر ويذكرنا باحلا الايام
ايه والله

ذكريات الطفولة احلى ذكريات الحياة

ذكريات البراءة والشقاوة

مافيها هموم مافيه مسوليه ===>متعقده

اكبر همنا العابنا

والله خوش لقطه اهنيك يالغلا..

دخولي العناية المركزة وأنا صغيرة طايحة من الدور الثاني
الحمدلله عدت على خيير

ههههه قط انتس شايفتن فلم ومقلدته

8/ وش اكثر حلاااوهـ كوونت تحبهاا في طفوولتك الرائعه ؟؟
حلاو زمان كان على شكل فرشة ومعجون الفرشة بسكوت والمعجون شكولاتة ..وحلاو بقر والصور تتحدث

ازين مافي هالموضوع طبعآ كاتبته وزواره
وحلويات مال اول اهم شي هههه
والفضايح ...


المهم كانت تجازيني على صيامي بهدية بسكوت ميزااان
وأنا اللي أفطر وعلى طول طيران للبزبوز أخمره في موية ...الله يالدنياالله يرحم جدتي وأميمتي
[واجمعنا بهم في الفردوس الأعلى وجميع المسلمين


اللهم آآآآآآآآآآآآآآآآمين

سامحيني ياحنين ع التعليقات بس عجبتني فضايحتس وقلت مرح اطوفها
والان بأنتظار حبل الوريد وفضايحها

[رنا ()]

33/ في انسان معين تحس انك كرهتهـ في طفولتك وذا اي ليهـ...؟!
لا والله على كثر شطانتي ماعمري كرهت يارب لك الحمد
لكن أذكر مرة كنت في الإبتدائي صديقتي معها فشار بفك وريحتة فايحة قلت لها عطيني وأقسم لك من فسحتي مارضت وأنا اللي أدبغها وأخذ منها الفشار
من بكرة جت أمها تهاوشني الله يذكرها بالخير إلى الأن وهي تذكرني فيها

>> حشـــى غرانديزر مب حنين

[ام القمر]

ذكريات جميله توسع الصدر
الله يوسع صدوركم بالعافيه
مشكوره مشكوره مشكوره
يامشــآعر طفلــة
على الموضوع التحفه

11/ ايش اكثر مكان كنت تحب تروح له ؟؟ " ملاهي . حديقه ... الخ
والله أي شيء أهم شيء طلعة وأول من يركب في الصندوق أنا وأكثر وحدة إذا طلعت تصاب بأي شي يافلقات أو جروح وغيرها
يعني يافرحة ماتمت

يازينه من صندوق نطاق من يقعد في الزاويه

12/ ايش اكثر لعبه كنت تحب تلعب فيهاا ؟؟

أنا الذيب باكلكم لاعبة عليهم وقتها
صبحكم بالخيريالعمال العمالية وأنواع الصجة
عالباصل باصل بصيصلا
فتاحيــة وردة.
دبق لعبة بالخرز .. ملطاااخ ...شرعدة.. ثلج موية

اه ياحنون ذكرتني بطفولتي وبهذي الايام الي متنسي مغير في الشارع لعب وسعة صدر مادخل الى اذا جاء ابوي الله يغفرله يدخلني البيت غصب على ادخل وانا فيني حره من هالبنات الي في الشارع


الله يوسع صدرس مثل ماوسعتي صدورنا

[جمانة]

المشاركة الأصلية كتبت بواسطة حنين الذكرى   6/ كم فلقة في رآسك؟؟ بصراحة مايمر أسبوع أو أربع أيام إلا وراسي منتـفخ من الفلقات الدكاتره حفظت شكلي من يوم يشوفوني جهزوا الخياط شطانة زيادة عن اللزوم ا خخخخخخخخخخخخخخخخخخخخخخخخخخخخخخخخخخخخخخخخخخ أم فــــلوق الله يخطينا ماصابك بس 17/ موقف صار لك ولحد الحين اذا ذكرته يضحكك ؟؟ أنواع الإحراج أسئلتك... أذكر مرة بالديرة كنا نلعب في البركة في إحدى المزارع مادرينا إلا وراعيها الله يرحمة يارب جاء لمنا اللي معي انحاشوا وركبوا السيارة وأنا ماقدرت أنحاش المهم حاولت أنحاش وماقدرت كان قريب مني بعد ماقربت للسيارة بركب مع الأهل وإلا جايني عصاه يمشي ألفين سفه علي وأنا اللي أطيح في الشارع الأهل مشوا وخلوني ][ الخوف مليح ][ وأنا اللي أكلتها أنواع الضرب يوم أذن ودخل الرجال المسجد رجعوا لي أهلي ياخذوني أحس وقتها أدعي ربي متى يذن عشان يروح يصلي خخخخخخخخخخخ ياعمري كلتيــها بس بصراحه عجبني خليك تهجدين عن الشطانه شوي

[سمحة الخاطر]

المشاركة الأصلية كتبت بواسطة حنين الذكرى   3/موقف حصلّك وأنت صغير وللحين مأثر فيك؟؟ دخولي العناية المركزة وأنا صغيرة طايحة من الدور الثاني الحمدلله عدت على خيير COLOR=red]*[/COLOR][/SIZE]*[/COLOR][/SIZE][/FONT] [/CENTER]

أجل هالرجه اللي فيك من الطيحه


بسم الله عليك الحمد لله عدت على خير


اقول كان عندك هالحلاو جيبيه بعد مع الحلاو الأول>>> شغل بطحاويه من جد

[شيختهم تميميه]

والله يا الموضوع بطل

يوووه احس اني من زمان ما دخلت قسم الاستراحه

وعوافي عالموضوع وترانا نحب هالمواضيع وكبكبة العشيان يابعدي

[عبدالله الفـارس]

ننتظر الأخت حنين الذكرى

[ضياء الفجر]

هههههههههههه

رائع رائع رائع ، وكل ذكرى احلى من ذكرى ،،

حنينوو كم خذتي في البلاغه ، رشرش اجل خخخخخخ