ياخافقي طلبتك تكون موزون

[بنت الاصول]

ياساكن بين الضلوع مكنون
كنك اغلى مافى الوجود والكون
أنت الآمر الناهي يامزيون
ياخافقي رجيتك تكون موزون
ولاتتعدى حدودك فتجيك الضنون
خلك ابيض صافي ولاتهون
ترى الدنيا ساعه ومن بعدها تجيك المنون
يهاجمك الموت وتكون مرهون
طلبتك وانت تراك مديون
جْمل حياتك باالتقى والصون
ولاتنجرف وتكون فاتن ومفتون
ياغافل ترى اعضائك عليك يشهدون
يوم القيامه تراهم كلهم ينطقون
نسئلك يارب تلين قلوبنا من القساوه حتى تلين
تصب فيها بدل النور نورين
وتزيل الغشاوه من العينين
وتعصم جوارحنا من افعال الشياطين
ولاتجعلنا من عصاة الوالدين
يارب نزل علينا المطر واروي البساتين
وطهر قلوب البشر وبذات الحاسدين
واكرم عبادك الطيبين الطاهرين
واحشرنا فى زمرة الآولين
واجعل القران شفيعنا وحجتنا يوم الدين
نعاهدك وترانا عند بابك تايبين
ومن كل ذنب وخطيئه مستغفرين
ياناس قبورنا مبنيه وحنا غافلين
نطاوع النفس ولطلبها نقول حاظرين
الغريب انا نعرف ان بكره ميتين
ولبيوتنا وقصورنا مغادرين
ومابناخذ من مالنا سوى قماش من قطعتين
يلفنا ونكون تحت التراب مدفونين
لااهل ولامال وبا العمل مرهونين
القبر مصير كل العالمين
مهما جمع وساد لابد يتوسد الطين
الدود ينخر عظامنا ويقطع الخدين
ويزيل اللحم من اليدين والرجلين
يضل ياكلك وينهشك يامسكين
وانتبه ترى وراك سؤال من ملكين
يقعدونك يوم تسمع صوتهم ينادون
ياقوة صوتهم وهم ينهرون
تكفى طلبتك جهز زادا ًزين
ينفعك يوم تلتف الساقين
والروح تنازع وياهنى من نطق با الشهادتين
وعمْر كتابه با الذكر ودمعة العين
دمعة فى جوف الليل تسوى ملايين
ولاتنسى صلاة التهجد حتى لو ركعتين
ترى الله ماخلقنا عبث والعباده لجميع الثقلين
اعمالك فى صحيفه وعليها كاتبين
عن يمينك وعن شمالك قاعدين
يسجلون كل كبيره وصغيره ومايغفلون
وترى مايخفى على ربك دبيب النمل يوم يمشون
سبحانه يعلم مايبدون الخلق ومايكتمون
نطلبه يرحمنا يوم الخلايق يحشرون
موقف عظيم فيه الجميع خايفين
العطش شديد وبا العرق غرقانين
يطلبون الرحمه من رب العالمين
ونبيهم محمد يكون فيهم من الشافعين
يارب نكون من المرحومين
ومن حوض نبيك نكون من الشاربين
يبتسم فى وجوهنا خاتم النبيين
أجمل بشرحبيب وشفيع المسلمين
عليه الف صلاة من جميع المهللين والمكبرين