¨° بيت الشوارد °¨ خاص بكل ما هو منقول شعراً كان أو نثراً .. |
|
أدوات الموضوع | انواع عرض الموضوع |
19-08-2010, 07:59 PM | #1 | |||||||||
عضو سوبر
|
جاني واحد قال بسأل كم سؤال
جاني واحد قال : بسأل كم سؤال
وقبل يسأل قلت : أنا ماني خبير ! قال: جاوب بس , يا ولد الحلال وكل كلمه حِطَّهَا .. فبيتٍ صغير قال نبدي : شنهو تعريف المُحال..؟ قلت : خَل الكلمهـ فـ الشطر الأخيـر ..! القهر : إن شفت دمعـات الرجال والوطن : ( إنسان ) .. مِتغيِّر كثير والطفل : لعبه على شاطـي الرمال والأمل : إحساس في عين الضرير الوفا : [ قلبين ] .. يجمَعهُم حلال والرَجُل : اللـي علـى أهلـه يغير والرجا : لا قلت : للواطـي تعال والفشل : مدري .. ولكنـه مرير الشعر : في وقتنا .. بدر وطلال وكان أوَّل : حيـل يعجبنـي جرير ..! والغلا : إحساس إلى حَـد الخيال والعِشِق : لا شفت مَعشُوقِك تطير والجفا : إعكس مفاهيم / الوصال والوَصِل : يعنـي تأكَّـد فيك خير والعقل : تِسْفَـه أقاويـل الجهال والجهل : إن قلت عن نفسك كبير والخطر : لا صار ما عندك مجال والبلا : إن صرت معدوم الضمير والعجب : لا صرت تسأل منهو قال والتعب : إن كنت تِبْحَثْ عن مصير الغنى : بالنفس ما هو راس مال والفقر : من كان .. بأعماله فقير يكفي يكفي .. أسئله إنهي الجدال ويالله علمني عَن .. السِّر الخطير ما أبي تضرب لي في غيرك مثال قول : عنِّك وإعتبر سِرِّك في بير جات طعنـه مِن جنوبك والشمال يعني وضعِك بين مِن حُولك خطير صاحبـي وإن ضاقت بعينك ليال لك فرشت القلب مفروش الحرير في [ بلاد الحلم ].. ممنوع العقال والمصيبه الشعب ما أختار الأمير وما ألومك .. كان شدِّيت الرحال دام بيتك جرح / وفراشك حصير هذا تعريفي إلى كلمة : مُحَال شي ودِّك فيه ولا يمكن يصير ..! شي ودِّك فيه ولا يمكن يصير ..! شي ودِّك فيه ولا يمكن يصير ..! |
|||||||||
20-08-2010, 12:47 AM | #2 | |||||||||
عضو مميز جداً
|
رد: جاني واحد قال بسأل كم سؤال
سألت عنكى القلب ....... فقال لم عنها السؤال .... |
|||||||||
20-08-2010, 02:19 AM | #3 | |||||||||
مشرفة سابقة
|
رد: جاني واحد قال بسأل كم سؤال
روووووووعه قصائدكم يعطيكم الف عافيه |
|||||||||
21-08-2010, 04:48 AM | #4 | |||||||||
عضو سوبر
|
رد: جاني واحد قال بسأل كم سؤال
عبدالرحمن الفهد
نورت |
|||||||||
21-08-2010, 04:48 AM | #5 | |||||||||
عضو سوبر
|
رد: جاني واحد قال بسأل كم سؤال
دانة المجمعه
نورتي يالغاليه |
|||||||||
27-09-2010, 04:42 PM | #6 | |||||||||
عضو نشيط جداً
|
رد: جاني واحد قال بسأل كم سؤال
مشكورين ع القصائد الخياليه |
|||||||||
28-09-2010, 02:36 AM | #7 | |||||||||
مشرفة سابقة
|
رد: جاني واحد قال بسأل كم سؤال
|
|||||||||
مواقع النشر (المفضلة) |
|
|