عشانا (..مطبق _تاكو الدجاج)

[زهرة]

السلام عليكم ورحمة الله..


عشاي أمس ..

(مطبق)

تاكو الدجاج)<<بالطريقة السديراويه لاتدققون

....

مقادير المطبق
لحم مفروم

كراث مقطع ..طماط مقطع بيضتين مخفوقه.. ملح

الطريقة

تطبخين اللحم بعد مايستوي تضيفين له الشله اللي فوق <<مطاريس صح


بعدين تجيبين شرائح المطبق وتحشينه بالحشوه بس أهم شي قللي الحشوه يعني خليها شويه وافرشيها على الشريحه <<يازين الشرح بعد

سكريها بطرفها الثاني ورصصي الأطراف


بعدين على الصاج وامسحيها بشوي زيت عشان تتساوى بالتحمير





(تاكو الدجاج)
المقادير (الحشوة)
دجاج بدون عظم مقطع

فلفل بارد مقطع (خكري) يسموونه.

طماط مقطع

نص علبه قشطه

بهارات ..صلصلة صويا

يحمس البصل..ثم حطي الطماط والفلفل والبهارات .والدجاج وخليه لين يتسبك



بعدين حطي عليه القشطه


ثم جيبي التوست شريحه وقطعي الحواف وافرديها وادهنيها جبن

وخطي الحشوه وسكريها بشريحه توست بنفس الطريقه وادهنيها مع الوجهين بيض وبالفرن شبي اللي فوق واذا تحمر وجه اقلبي التوست <<خليك حول الفرن لاتبعدين مايعوق بالتحمير


وبعدين قطعيها أنصاف

عاد للكماليات مب ضروري بعد ماتقطعينها حطي بوسطها جبن مازوريلا ودخلتها شوي بالمكرويف عشان يذوب الجبن

وبس..






<<لاحظوا صورة وحده اللي كتبت عليها زهره تعيجزت اكمل الباقي

[مثل النخيل خلقت]

يعطيك العافية اخت زهره ..



وعسى الله يصبرني الى الليل عشان اصلح هالطبختين ..

تصلح فطور ؟؟



لاحظوا صورة وحده اللي كتبت عليها زهره تعيجزت اكمل الباقي

ماشفت ولا وحده مكتوب عليها زهره ..


والله يعطيك الف عافية اختي الكريمة ..

[زهرة]

ماشفت ولا وحده مكتوب عليها زهره

الله لايعمينا واللي ناسخها ماشفتها !!ماكبرته لإني العبرة بالطبخه مب الإسم<<اختبار نظر


ايه تصلح فطور وغدا وعشاء

والله يعافيك


وشاكرة لك أخوي مرورك الكريم

[ام سديـم]

وعليكم السلام

يا سلاااااااام عليك يا زهرتنا

من جد طبخات لذيــذة وتشهي

تسلم هاليدين ولا عدمناهن

[لهفة الخاطر]

[align=center]__________

يمي يمي يازهوره بصراحه مشهي بالمره

تسلمين ياقلبي على هالطبخات سنعه والله من قدك

تسلم هاليدين يابعدي
_______[/align]

[بنت الشيوخ]

زهرهـ

قسم بالله يا شيخه انك فنانه..

وش هالزين..

تكفين مره ثانيه اكتبي بالعنوان طبخ زهره
عشان ما اتهور ادخل وأنا جوعانه...

تسلمين والله

وهـ بس يا أرهب الارهبين


فمان الله
وبس خلاص

[ســــامـــيـه]

المشاركة الأصلية كتبت بواسطة زهرة   عشاي أمس .. [color=#

مااشااءالله تبارك الله

كل ذا عشاتس لحالتس ,, مو كأنه كثير هع هع

لو انك عازمتني كان اقول شوي ..

بالعافيه ,, تسلمين ,,

[سديراوية]

حرااام عليتس ,, الصور تخقق >>> فيها النوم وجوعانه

تسلم ايييدييينتس زهره

لاعدمنى طبخاتك يا الغلا

[يـــزيـــد]

السلام عليكم


يعطيك العافية اختي زهرة ,, والتاكو ماشاء الله زين بس اسمه احس انه تلفيق هع

[مشــاعر]

.
.
ياااااااااااااااي مرررره لذيذه ,,

اعزميني بس على هالشيين ,, والله لأحب راسك هههههههههه

مشكوره على الوصفه ,,

مميزه ,,

.
.

[ياسمين]

زهره

حركتاااااااااااات

السنع ماجاء الا الحين هااااااه

والله حلوه مره تفتح النفس

لا اوصيك اذا جيتي عندي سويها وذوقيني هع هع

مشكووره زهووره من يد مانعدمها ياارب

دمتِ بخير ،،

[زهرة]

ريماس

هلا فيك والله

الله يسلمك

وشكرا لك

[زهرة]

لهفة الخاطر

هلابك أختي


الله يعافيك

وشاكرة لك مرورك

[زهرة]

بنت الشيوخ

ياااهلا والله

وانتي الصادقه بحط (بنت الشيوخ اقلطي ) <<نذله


تسلمين على المرور أختي

[زهرة]

ساميه

وش قالولتس كل ذا باكله

قصدي عشاي يعني اللي سويته


أصلا هالصحنين عشانا كلنا <<رشيقين أهلي

من كثرنا كلنا ثلاثه نفر بس


تسلمين على مرورك