( ســــــليل المـــجــــد ) للدانــــــه ,,,

دانة القصيد · 15-06-2010, 11:25 PM

مســــاكم الله بـــالخير يـــالغالين ,,,

قرأت فــ الجـــريده ذاك الخبر اللذي سرني ,, وأثلج صدري ,,,

وحين رأيته هــاضت القريــحه ,,, بتلك المتواضعه ,,,

هنـــا أهـــديها لـــكم ولأـستاذي الغالي :

" أبو زكي "

صاحب الأيادي البيضاء لفعل الخير

/

{ ياسليل المجد ******

* فــ الجريده شفت بالخط الكبير
راعي الحفله كريمآ,, مايضام

* شفت وجه اللي يقدم كل خير
شفت مد الرضى,, والأبتسام

* من قرى العنوان أبدآ مايحير
الشويعر,,لادعي للخير قام

* مايهمه ,,, لابشير ,,ولانذير
لالفاه الطيب لأعلى الطيب سام

* ياسليل المجد يالسيف الشطير
يا ولد منهم على العزه كرام

* نجب أبوك اللي على مجده قدير
ومن خوالك خذت شرمستهام

* في صفاتك تملك الشي الكثير
طيبك اللي لك بناه أصلك ودآم

* راجحآ عقلك ومع طيبك بصير
ورثك عودآ ,,عسى قبره خزام

* ياعساه بجنة العليا يصير
سلمك ورث المراجل ثم نام

* أبنبــا..طيبك سكن قبره قرير
شلت صيته ,,,وافيآ بالإلتزام

* من عهد نوم المطارح والحصير
لاعهد,, لبس الخزاري,, والوئام

* بك حلا في نومهم نوم السرير
يوم شلت همومهم رغم الزحام

* أشهد أنك صرت لأخوانك عبير
بك شذاه يفوح لآ لف الحرام

* رغم ميلآت الزمن مثلك قدير
شلتها يالحر وأحكمت الحزام

* للعدو حكمتك شر مستطير
وألـــ صديقك وافي بقصد,,ومرام

* في عطا يمناك فك للعسير
ومن كرم كفك تعلمت النظام

* فيك عونآ,, للكبير,, وللصغير
وللقريب,, وللبعيد,, ولليتام

* بالشدايد كنك الشلفى طرير
وفالرخا يلقاك راعي الكيف زام

* صامد لزيزوم وقته لويصير
حرآ ,,,ولو عداه صيد البر صام

* شايف"ن"بعيون محتاج"ن" ضرير
ومسمع صوت الصمم كل الأنام

* ماشين رجل المعنى والكسير
وشاري من كل مطعون سهام

* بك تهقوى كل محتاج وأسير
وبك تعزوى البنت محكمة اللثام

* لك طليب الدم يلفي مستجير
وبك عمود البيت يالقرم أستقام

* مايخيب اللي نصى رايك شوير
واحدكــ محالــ ,,, يقبل أنقسام

* صرت في حكمة,,هل الدنيا خبير
وصرت في دنيا,,هلك مثل السنام

* لوضروف الوقت بأمثالك تسير
مايغيرك,,, الزمن وأنت ألقوام

* مع ضعيف الذات بالعزه وزير
ومع عزيز النفس يرفع لك وسام

* مثل نار,,,العلم تلهب سعير
وآضحه يالشيخ مافيها أختصام

* من يشيرك تعطي العلم البصير
وبكرم شيمتك تمشي للأمام

* كاملآ كملك رب"ن"مايحير
بك جمع زين المعاني بالتمام

* نذكر الله مع شهيق ومع زفير
كل مانذكرك يالجزل الهمام

* جاك يالغالي كلامي كالسفير
في قصيده قلت مضمون الكلام

* يشهدالله أنت كالبحر,,الغزير
والمعاني نقطه ف بحرالظلام

* من جهل طيبك ترى عقله غرير
ماعرف قدرك ولافيه أحترام

* مثل هذا ظله وبرده هجير
كافرآ حتى ولو صلى وصام

* بس أبقصرها وأجيب من الأخير
ذاك ماميز حلالـــ ,, ولاحرام

* ماعلينامن حكي سعد,,وسمير
الرجال أفعال ياحد الحسام

* أفرحوا ياعزوتــه بأطيب عشير
فيــه أهنيكم على هاك الهيام

* ياعسى دايم سعادتكم تصير
مايعايشها زعل ولا أنهزام

* فالقصيده قلت والباقي كثير
كل هذا,,ولك أوقف بأحترام

* سيرتك ياأبوزكي عطر,,وحرير
سيرتك ,,تبري من العله سقام

* جاك علمي عقب ماجاك البشير
بك عمار الدار من عقب الهدام

* أنت خير وبالعطى سيرتك خير
خذ كلام الجد في مسك الختام

* يحفظك رب السماء ياحر طير
يحفظك خالقك ياولد الكرام

* لاحدآ,,يلومني,,, ولا يغير
مدحتي لك مابها,,عيب وملام

* قاف شعريـــ ,, بك ينير,, ويستير
لك حروفـه جت مثل رش الغمام

* وأعتذرلك عن قصوري يالأمير
أقبل وصول العذر,,هو والسلام

وسلامتكم
دانة القصيد

القيصـــر · 16-06-2010, 10:37 AM

صباح الخير ..
يستاهل أبو زكي ذلك الإطراء
فأفعاله تشهد وأعماله للعيان واضحة
صح لسانك يالدانة .. قصيدة في منتهى الجمال
لاهنتِ .. وتقبلي إحترامي وحضوري
موفقه

أبو حمـد · 16-06-2010, 12:33 PM

وعليكم السلام ورحمة الله وبركاته ،،

ومساء الخير شذى القصيد وعبيره .. الشاعره دانة القصيد ..

ولله درك من شاعره ،، لقد أمضيت رحلة ممتعة أتامل فيها وبأعجاب شديد روعة هذه القصيدة ومعانيها الجزلة ،، ويستاهل أبن مدينة جلاجل البار الشيخ الفاضل عبدالعزيز بن علي الشويعر ،، وجزاه الله خير لجميل افعاله ،،

صح الله لسانك الشاعره دانة القصيد ،، وما قصرتي بيض الله وجهك ،، وتسلم يمناك ،،

شكراً لك ِ ،،

دانة القصيد · 17-06-2010, 04:53 PM

المشاركة الأصلية كتبت بواسطة القيصـــر

صباح الخير ..
يستاهل أبو زكي ذلك الإطراء
فأفعاله تشهد وأعماله للعيان واضحة
صح لسانك يالدانة .. قصيدة في منتهى الجمال
لاهنتِ .. وتقبلي إحترامي وحضوري
موفقه

القيصر

تستاهل الطيب يالغالي

جزاه الله خير على ماسوى

صح بدنك فديناك

الجميل مرورك هنا سيدي لاهنت

سعدت بعطر تواجدك فديناك

سلمت ودمت لاهنت

الدانه

دانة القصيد · 18-06-2010, 02:59 AM

المشاركة الأصلية كتبت بواسطة حمد ولد أبو حمد

وعليكم السلام ورحمة الله وبركاته ،،

ومساء الخير شذى القصيد وعبيره .. الشاعره دانة القصيد ..

ولله درك من شاعره ،، لقد أمضيت رحلة ممتعة أتامل فيها وبأعجاب شديد روعة هذه القصيدة ومعانيها الجزلة ،، ويستاهل أبن مدينة جلاجل البار الشيخ الفاضل عبدالعزيز بن علي الشويعر ،، وجزاه الله خير لجميل افعاله ،،

صح الله لسانك الشاعره دانة القصيد ،، وما قصرتي بيض الله وجهك ،، وتسلم يمناك ،،

شكراً لك ِ ،،

حمد ولد أبو حمد

حياااك يالغالي

شهادتك فخر لي سيدي

وحضورك هو اللذي أضفى عليها ذاك الجمال اللذي تراه لاعدمناك

الجزل مرورك فديناك ,, وأبو زكي يستاهل أكثر ...

دام عطر تواجدك لاهنت

الدانه

دانة القصيد · 19-06-2010, 03:27 AM

المشاركة الأصلية كتبت بواسطة حمد ولد أبو حمد

وعليكم السلام ورحمة الله وبركاته ،،

ومساء الخير شذى القصيد وعبيره .. الشاعره دانة القصيد ..

ولله درك من شاعره ،، لقد أمضيت رحلة ممتعة أتامل فيها وبأعجاب شديد روعة هذه القصيدة ومعانيها الجزلة ،، ويستاهل أبن مدينة جلاجل البار الشيخ الفاضل عبدالعزيز بن علي الشويعر ،، وجزاه الله خير لجميل افعاله ،،

صح الله لسانك الشاعره دانة القصيد ،، وما قصرتي بيض الله وجهك ،، وتسلم يمناك ،،

شكراً لك ِ ،،