( عــزة نــفــس )

مواااادع · 12-10-2008, 03:19 AM

[poem=font=",7,firebrick,bold,normal" bkcolor="transparent" bkimage="" border="double,5," type=1 line=0 align=center use=ex num="0,black""]

مانيب انا اللي تمشيني مناديبك=نفسي عزيزه وامشيها على كيفي
اخطيت وماهو نفع شكك ولا ريبك=خابت ظنونك تحسب اني على جريفي
المال عندك وساتر به عذاريبك=وانا بصيتي وصلت الجوف وطريفي
وان كان به ناس عيشتهم على جيبك=انا ابن زايد على اسمي كني السيفي
وكانك تصّيف بلندن مع اصاحيبك=انا مصيفي المعشبه كنها جنيفي
ماجيت ادور دراهم ساتره عيبك=المال عندي وارحب لآ لفى الضيفي
المال ماينفعك لآ من غدى طيبك=المال زايل حقايق مابها زيفي
بنصحك انا لو صفت طابت مشاريبك=يجيك يوم(ن) تسلف كنك ضعيفي

وتقبلوا تحياتي وتقديري ( مـوااادع )
[/poem]

أبو حمـد · 12-10-2008, 07:34 AM

يعطيك العافيه اخوي موادع ،،، وصح لسانك

قصيدة جميلة ،،، تنضح بعبارات النصح والحكمه

وبانتظار جديد إبداعك دوما ،،،

بقايا الذكريات · 12-10-2008, 09:13 AM

اي والله ..المال ما ينفع اذا كان الانسان..ذو نفس ومماشي ردئيه ولا يستر الا ايام وتبين الخوافي ..

شكرا موادع على هالقصيده الجزله ..وما ننحرم جديدك

مواااادع · 13-10-2008, 11:00 AM

[frame="2 98"]

كل الشكر والتقدير لمن قام باالمرور الكريم
وتقبلوا تقديري واحترامي
[/frame]

أبوعدي · 13-10-2008, 01:03 PM

قصيده بها من الحكمة وعزه النفس ..

وفيها مدلولات أن المال ليس كل شي مقارنة بالطيب وحسن الذات ..

لك تقديري واحترامي

راعي الروضة · 13-10-2008, 01:15 PM

كفو كفو .. يابونايف

كما عودتنا على الجزاله

لاعدمنا هالقول وراعيه

صح لسانك .. ودام جميل بوحك العذب

وتقبل صادق مودتي الدائمة

أخــــــوك .. راعي الروضة

سليمان بن سريع · 17-10-2008, 09:42 PM

ابن عمي صح لساااااااااانك وسلم وجدانك

ابداعك متواصل ونبضك واصل

الله لا يحرمنا منك

لك تحياتي

مواااادع · 19-10-2008, 04:57 PM

ابن العم الغالي شاكر مرورك الكريم وتقبل تقديري واحترامي

وارث الطيب · 19-10-2008, 06:48 PM

وكانك تصّيف بلندن مـع اصاحيبـك

انا مصيفي المعشبه كنهـا جنيفـي
ماجيت ادور دراهم ساتـره عيبـك
المال عندي وارحب لآ لفى الضيفـي

الموادع ........ كفو ونعومك يا المعشبه واهلها

تقديري