يا محلا الفنجال مع سيحه البال

[هوجاس]

السلام عليكم ورحمه الله وبركاته


[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

يا محلا الفنجال مـع سيحة البال=فـي مجلسٍ ما فيه نفسٍ ثقيلة

هـذا ولد عم ٍ وهذا ولـد خال=وهـذا رفيـقٍ مـا لقينا مثيلة

يا ليت رجـال يبـدل برجـال=ويا ليت في بدل الرجاجيل حيلة

يا بو هلا طير الهوى خبّث البـال=الطير نـزرٍ والحبـاري قليلـة

يالله ياللي طالبه مـا بعد فـال=ياللي من الضيقات ينجي دخيلة

افرج لمن قلبه غدا فيـه ولـوال=والنـوم ما جـا عينه الا قليله

لا من ذكرت رموس عصرٍ لنا زال=شوف الفياض وفقد عز القبيلة

يا زين شدتـهم اليا روح المـال=يتلون براقٍ حقوقٍ مـخيلـه

يسقي خصيفا والثمان ارضها سال=مرتـع معطرة السيوف الصقيلة

اللي ليا ركبوا على كل مشوال=يفرح بـهم راعي النياق الهزيلة

من جـو ساقان الى سيف همال=وينـوش حسنا والرديفـة هميلة

ولا قادنا من يـمة القفر خيـال=يصبح شديـد البدو عجلٍ رحيله

زاع السلف واستجنبوا كل مشوال=والعصر يا مـحلا تخيبط نزيلـه

وان شرف البادي على روس الاقذال=والمال كثـر الـزول زود جفيله

وتلافحت من بينهم شهب الاذيال=ومـن ضيـع المفـتاح واعزتيلـه

ركبوا على طوعاتهم كـل عيّـال=وكـل ابلجٍ يـحري بكسب النفيله

تغانـموا المفزاع ذربيـن الافعال=مـن قبـل تسبق غارة تنثنـي لـه

يبغون طوعة روسهن قبل الادمـال=وتغانـموا خلف كثيـر هجيلـه

وحال الكمي من دون عطرات الاجهال=ومـروا ولحقـوا مقحمين الدبيلة

واللي تريّض عقبهم يلبـس الشـال=مـن صنـع داوود دروعٍ ثـقيلة

يلـزم عليهم علـة عقب الانـهال=ومـن غارتـه لـزمٍ يضيع دليلـه

والـدم بقطـيّ الرمك يثعل اثعـال=يـزعج علـى اوراك السبايا وشيله

هذي براعيها عـن المعرقـة مـال=وهـذي شكلهـا مطرّقٍ مـا تشيله

من وقـع كـل مجربٍ قد له افعال=وفـروخ صياد الحبـاري فـصيلـة

واليا ركبنـا فوق عجلات الازوال=وبايـماننا حـدب السيوف الصقيلة

وما ظن نحسب لااشتبك عـج واقتال=نـتـرك صبـيٍ يقتنع بالفشيـلة

وصـلاة ربـي عـد مـا زايلٍ زال=علـى نبـي الحـق راعي الفضيلة

[/poet]


راكـــــــــــــان بن حثليين

[سعود الخليل]

يا محلا الفنجال مع سيحة البال في مجلسٍ ما فيه نفسٍ ثقيلة

هذا ولد عم ٍ وهذا ولد خال وهذا رفيقٍ ما لقينا مثيلة

*****

الله على هالقصيده الرائعه وبصراحه أنا تعجبني هالقصيده لما تحوي من أبيات رائعه وجزله ..


تحياتي.

[هوجاس]

اخوي من التويم

تسلم على مرورك وتعقيبك الرئع يا رائع

والحمد لله انها عجبتك يا رمز المنتدى الادبي

[الجريوي]

هذه القصيدة من القصائد النبطية القليلة التي تجدني أسعد بسماعها أو قراءتها واستشعر فيها كثيراً من المعاني الصادقة والجميلة ...

وهي لشيخ قبيلة العجمان الفارس الشاعر / راكان بن حثلين ( رحمه الله ) يمتدح فيها أفراد قبيلته بدلالة أحد أبيات هذه القصيدة الذي يقول فيه شاعرنا :
عجمان لا مروا على كل سحّال *** يفرح بهم راعي النياق الهزيلة

والقصيدة طويلة ونشكر الأخ هوجاس أن تطرق إليها ،،،

[الجريوي]

كما أود من أخينا هوجاس أن يعرض لنا قصائد مماثلة وشبيهة لقصيدة راكان بن حثلين نستشف من خلالها المعاني النبيلة التي نكاد نفقدها في شعر هذه الأيام بشقيه الفصيح والنبطي !! ! ...

وسلامتكم ،،،،

[هوجاس]

يا هلا والله بالجريوي

وابشر بسعدك وانا اخوك ومالك الا الي يرضيك واعذرني على تأخري في الرد توني اشوف ردك الرئع