وش رايكم بالكهرباء

[أمير سدير]

السلام عليكم


بعد هالخساره اللي صارت

سمعت ان الكهرب لها مستقبل في الارتفاع(( يعني بتاصل 350 او 400)) خلال كم شهر

وناوي اشتري فيها كومة اسهم


وش رايكم

[حمد]

عند نقطه 180 لها مقاومه قويه

وان شاء الله ما تخيبك


ومن الشركات القويه بسعرها الحالي تكون رااااااااائعه جدا للشراء

التعمير 474

مكه

بنك البلاد .. فيه اشاعه قويه عن اندماجه مع بنك الجزيره .. يعني راح نشوف فيه اربع خانات بإذن الله

الإتصالات عليها منحه سهم لكل 3 أسهم

[أمير سدير]

الصيدلي

والله كنك داري

البلاد ناوي عليه بس التوصيات عليه ماهي كبيره



شاكر لك

[lord]

مرحبا اخوي امير سدير

والله وانا خوك اذا تبي نصيحتي ولك حق انك تاخذها ولك الحق انك تعتبرها مجرد رد على موضوع وتخليها

السوق الى الان ما بعد استقر وماحد بيعرف متى بيستقر اذا استقر السوق هذاك الوقت اشتر وبعدين وش دمر السوق غير الكهرب او على قولتهم العقرب واذا انت تبي تستثمر اشتر لك في الاسهم القوية مهيب اسهم الخشاش
واذا شريت في سهم حطت في بالك سعر بيع وقل يا ربي ارزقني وارزق مني وارض بالقليل ياتيك بالكثير

واشاعة ان بنك البلاد بيشتري بنك الجزيرة كنا نسمعها يوم كان البلاد واصل 890 ريال وبعدين بنك الجزيرة صارت له ادارة قوية بما تعنية الكلمة واثبت وجودة في السوق وممكن ان هالاشاعة تكون صحيحة والا لا لان سوقنا قائم على الاشاعات والله يوفقك ويعينك ويرزقك

[أمير سدير]

lord


كلامك تمام


لكن اذا استقر السوق مالقيت من يبيع عليك اسهمه خاصة الكهرب


اليوم الكهرب عليه طلب 850000 سهم بسعر 190 والعرض صفر

[طرطشلي]

[align=center]السلام عليكم

والله السوق يروع هاليومين. نا سمعت قبل الطيحه عنه انه بيروح الى 400 ومن مصدر قوي. كان 190 يوم اسمع فيه بالفعل ذاك اليوم نسب. لكن هالطيحه قروشتنا وقروشت مخي. لكن الله يستر وسوق الاسهم يحتاج مخاطره. عليك بالدعاء او استخر وانا اخوك وعقلها وتوكل.

واذا تبي تستثمر يعني فتره طويل وتصبر لكن بتحصل خير ان شاء الله ( عليك بالسمنتات )

تحياتي الله يوفقنا وإياك اخوي أمير سدير[/align]

[المنتظر]

[align=center]الدخول والمسؤول أنا


تحياتي لسدير


.[/align]

[المنتظر]

[align=center]
أمير أدخلت في الكهرب تراك بتندم


حتى لو السووووق نزل تراك كسبان


وذكرك


تحياتي

.[/align]