رحلتي المصورة الى النمسا وألمانيا 2007م ...

[HaZeL eYes]

مرحبا .. تقرير رائع .. بس حبيت اسئل عن الكاميرا اللي استخدمتها في التصوير لو سمحت ..

[ابو عبدالإله]

[align=center]
حياك الله اخي العزيز ، وشكرا لمرورك وتشرفنا بك ،،

وهذا اسم الكاميرا وموديلها وصورتها :

Nikon Coolpix 5600 Digital Camera



[/align]

[boylondon]

حمدا لله على سلامتك ابا عبدالاله ، تقرير جميل وشامل

رحله موفقه والنمسا حقيقه من اجمل دول اوروبا الشرقيه لما تتمتع به من طبيعه ساحره وخلابه وشعبها الراقي والجميل بالاضافه الى ان اسعارها تعتبر مناسبه جداً لاصحاب الدخل المتوسط

عشقت زلمسي ولم تكن لفينا ولا لميونخ اي جاذبيه لي

لماذا لم تزر المدنيه الساحره سالزبروج أوأنسبروك؟

[ابو عبدالإله]

حياك الله اخوي .. شكرا لمرورك .. وبخصوص عدم زيارتي سالزبورغ و أنسبروك كانت بسبب قصر المدة في السفر وكنت محتار بين سالزبورغ وزيلامسي والحمدلله اني اخترت زيلامسي .. وان شاء الله تكون ضمن الخطة الجاية ..

سعدت بمرورك ،،

[boylondon]

أخي ابو عبدالاله

وفقت كثيراً باختيار زلمسي خاصه انك لوحدك مع زوجتك بعكسي انا فقد كنت مع كامل العائله الكريمه مع اطفالنا (الهادئين جداً )

زلمسي قريه رومانسيه حالمه وهادئه باعتقادي انها المكان الامثل للعرسان الجدد

ولكن يلزمك زياره سالزبروج وهي المدينه الوحيده التي انصح الشباب بزيارتها في النمسا بعكس زلمسي العائليه

[boylondon]

المشاركة الأصلية كتبت بواسطة ابو عبدالإله   [align=center] **** مطعم علي بابا **** هذا المطعم لي معه ذكريات جميلة ماراح انساها طول عمري وهذي الذكريات كانت مع صديقي وحبيبي ابو هاشم هذا الرجل النبيل والكريم والخلوق بمعنى الكلمة نشأت بيني وبينه صداقة مدتها 4 ايام فقط وذلك من خلال معرفتي لقصته وسبب مجيئه الى زيلامسي والتي لا استطيع ان اذكرها لعدم أخذ الأذن منه .. وهو المسئول عن قسم المأكولات في المطعم ويقدم جميع الأكلات العربية من مشويات ومقبلات وحلويات وجميع انواع الارز واللحم وايضا يقدم الافطار مثل الفول والشكشوكة واللبنة وجميع انواع الجبن والزيتون وهو الذي يطبخ بيده وأكله لذيييييذ ... وأسعارة معقولة بالنسبة للأسعار في النمسا صراحة انا اول يوم افطرت في الفندق والباقي عند ابو هاشم ويوم من الايام وانا رايح العصر اتمشى مع زوجتي مريت وسلمت على ابو هاشم و قالي لاتتعشى اليوم يابوعبدالاله انا راح اسوي غوزي لحم وابيك تجربة .. قلت اوكي يابوهاشم بس اذا ما صار تمام ماراح أحاسب .. قال : اوكي.. ويوم جينا في الليل قدم لنا هذا الصحن انا وزوجتي كنا جوعانين ويوم شفنا الصحن بهالشكل ما انتظرنا على طول سمينا وطبينا في النعمة وبعد 10 دقايق شوفو وش صار للصحن 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 صراحه اكلة لذييييييييييييييذة ... ابو عبدالاله [/align]

بالعافيه اخي ابو عبدالاله

المطعم الوحيد الذي اجمعت العائله باكملها على عدم الاكل فيه والاكتفاء بالمطعم المقابل Crazy Dazy

[ابو عبدالإله]

حياك الله اخوي ،،

والله زعلتني منك بقوووووووة تعرف ليش .... لان ابو هاشم الان وانا اكتبلك الرد هذا هو جالس جنبي وزعلان منك !!!!

لكن راح نعطيك فرصة تبرر موقفك وتذكر سبب الاجماع على عدم الاكل في ها المطعم الراااااااااااااااااااااائع ... ومتى كان هذا الكلام في اي صيف ؟؟؟

[boylondon]

لم يكن بالصيف، كان في شهر ابريل

مع الاسف الشديد، جميع المطاعم التي تضع شعار (حلال) على لافتات المحل تجد لحومها سيئه جدا وأرى في ذلك استغلال واضح ولا اقصد بذلك صاحبك ابو هاشم فلم نجرب الأكل فيه

ولكن المطعم ليس نظيفا وكانت رائحته كريهه جدا وغير لائق للجلوس فيه بعكس مطعم Crazy Dazy

[نجدية العز]

يعطيك الف عافيه اخوي ابو عبدالاله
الصراحه شوقتنا نروح لها
واتفقنا في اخر شهر سبعه نروح
لوتكرمت حبيبت اسئلك عن بعض الامور

كيف ليلها ونهارها متى تغيب الشمس وتشرق؟؟
وقت الليل وين تنصحنا نروح؟؟
وشرايك بفيينا كم نجلس فيها؟؟
كيف طريقة الدفع اخذ معي كاش او عن طريق الصرفات انت وش سويت؟؟
كيف الامان فيها؟؟

اتتمنى منك الاجابه واسفه على كثرت تساولاتي؟؟
مشكوووووووور

[boylondon]

بعد اذن الجميع، سأجيب بالنيابه عن ابو عبدالاله

نهار النمسا في الصيف طويل جدا، إذ تغيب الشمس بحدود الساعه التاسعه والنصف

وقت اليل هناك قصير وعاده بمجرد غياب الشمس وبحدود الساعه الحاديه عشر الجميع يخلدون للنوم إذ لا يوجد هناك أي مظاهر لــ Night Life وخاصه في فينا

لو سئلني الجميع، لنصحتهم بعدم زياره فينا نهائياً لا يوجد فيها أي شي وأستغرب من الجميع اعجابهم بحديقه شتاد بارك او شارع المشاه او ساحه ستيفنز او ماريا هلفر او حتى الدانوب فهي عاديه جدا، أعتقد ان يومين كثيره على فينا

حول طريقه الدفع، كثير من المحلات هناك تتعامل بالكاش والفيزا، أنصحك بأخذ كاش ولكن خذي الحذر دائما وأبدا مع ان النمسا كلها آمنه جدا بالنسبه لي ،طريقتي في الدفع قائم بشكل اساسي على الفيزا واعترف انني تورطت كثيراً بعدم احتفاظي بمبالغ نقديه واحمد الله كثيرا ان الكثير من الاهل والاصدقاء كانوا موجودين اثناء فتره وجودي، عموما النمسا لا تقارن بدول اوروبا الأخرى والمتحضره جدا

انصح بجعل زيارتكم لهذه المدينتين، سالزبورج وزلمسي، ابتعدوا عن فينا و ميونخ الالمانيه

[ابو عبدالإله]

المشاركة الأصلية كتبت بواسطة boylondon   لم يكن بالصيف، كان في شهر ابريل مع الاسف الشديد، جميع المطاعم التي تضع شعار (حلال) على لافتات المحل تجد لحومها سيئه جدا وأرى في ذلك استغلال واضح ولا اقصد بذلك صاحبك ابو هاشم فلم نجرب الأكل فيه ولكن المطعم ليس نظيفا وكانت رائحته كريهه جدا وغير لائق للجلوس فيه بعكس مطعم Crazy Dazy

حياك الله اخوي ،،

بالنسبة لابو هاشم كان في المطعم المذكور صيف 2007 ولمدة 3 شهور وكان شارط على صاحب المحل انه مايبيع خمر ولا خنزير .. وفعلا وافق صاحب المحل .. ويمكن بعد ماتركهم ابو هاشم ( وممكن قبل مايجيهم ) كان المطعم بمثابة بار او مطعم غير عربي .. فأعتقد ان ذلك كان سبب ماذكرت من روائح وعدم نظافة المحل ..

تحياتي لك ،،

[ابو عبدالإله]

المشاركة الأصلية كتبت بواسطة نجدية العز   يعطيك الف عافيه اخوي ابو عبدالاله الصراحه شوقتنا نروح لها واتفقنا في اخر شهر سبعه نروح لوتكرمت حبيبت اسئلك عن بعض الامور كيف ليلها ونهارها متى تغيب الشمس وتشرق؟؟ وقت الليل وين تنصحنا نروح؟؟ وشرايك بفيينا كم نجلس فيها؟؟ كيف طريقة الدفع اخذ معي كاش او عن طريق الصرفات انت وش سويت؟؟ كيف الامان فيها؟؟ اتتمنى منك الاجابه واسفه على كثرت تساولاتي؟؟ مشكوووووووور

حياك اختي الفاضلة ،،

اولا شكرا للاخ boylondon على اجتهاده ..

المشاركة الأصلية كتبت بواسطة   كيف ليلها ونهارها متى تغيب الشمس وتشرق؟؟

بالنسبة لمغيب الشمس مثل ماذكر الاخ من الساعة التاسعة تقريباً والشروق الساعة الخامسة ،، وهذا يعني انو النهار راح يكون كافي للزيارات والتمشيات او بالاصح انو كل شي يقفل بالليل ( مثل الاسواق والمحلات تقفل الساعة 6 الى 7 مساءً ماعدا المطاعم طبعاً ..

المشاركة الأصلية كتبت بواسطة   وقت الليل وين تنصحنا نروح؟؟

في عندك الملاهي ( البراتر ) تفتح الى ساعات متأخرة من الليل وغالبا تكون أونس في الليل خصوصا يومي السبت والاحد ( الويك اند ) .. وعندك برج الدانوب ممكن تتعشون فيه والمنظر في الليل من البرج خياااااااااااااااال ..

المشاركة الأصلية كتبت بواسطة   وشرايك بفيينا كم نجلس فيها؟؟

بالنسبة لفيينا تستاهل من 4 الى 5 ايام .. وهي مدينة رائعة بكل ماتعنيه الكلمة لمن يحب الاكتشافات والمشي ويفضل السكن في السنتر حول شارع المشاة ( الكارتنر ) لان المنطقة هذي منطقة حركة ومقاهي وبالقرب منها حديقة شتاد بارك وممكن تروحون لشارع المارياهلفر للتسوق .. وافضل انكم تستخدمون الاندرقراوند ( المترو ) لانها متعة بحد ذاتها وانا شرحت طريقة استخدامة في تقريري ..
وفيينا فيها مناطق او مزارات سياحية كثيرة مثل :
1- الجبل المطل على فيينا .. وهذا مكان رائع مطل على فيينا وفيه مطاعم ومقاهي وجدير بالزيارة ..
2- مغارة هتلر تبعد تفريبا ساعة .. مكان حلو وكله مغامرات وصعود بالجسور المعلقة ..
3- قصر الشانبرون .. القصر الملكي وتشوفون فيه السكن السابق للعائلة المالكة ، وفيه حديقة خياليييية ( لكن يبيلها نشاط ومشي لانها كبيرة ) .. وفي نفس القصر فيه حديقة حيوانات حلوة ..
4- نهر الدانوب .. ممكن تتمشون عليه مع التمتع بالوجبات الخفيفة والايس كريم .. وايضا ممكن تاخذون جولة بالعبارة ..

المشاركة الأصلية كتبت بواسطة   كيف طريقة الدفع اخذ معي كاش او عن طريق الصرفات انت وش سويت؟؟

يالنسبة لي انا اخذتها كاش وحطيتها في خزنة الفندق وكل يوم اخذ مبلغ معين .. وايضا ممكن تحطين مبلغ في الصراف للضرورة ( لكن لازم يكون مكتوب على البطاقة من الخلف كلمة plus بالازرق) وتقريبا كل بنوكنا موجودة فيها ..

المشاركة الأصلية كتبت بواسطة   كيف الامان فيها؟؟

البلد آمن بكل ماتعنيه الكلمة ولا فيه خوف ولا مضايقات بالعكس الشعب النمساوي شعب ودود ومحترم وفي حاله .. ولكن هذا مايمنع وجود فئة على غير ذلك .. ولكن حاولو تتجنبون ركوب المترو محطات المترو في الليل لانها منطقة تجمع للسكارى .. واصلا مايمدي الليل يجي الا وانتم مدروخين وتبون النوم ..

تحياتي لك ..

[boylondon]

ابو عبدلاله

الذي اعرفه ان علي بابا يقدم المأكولات (الحلال) وهذا سبب اقدام الخليجين والمسلمين بشكل عام عليه

ولم أقصد الخمور او الخنزير وانما اعني النظافه بشكل عام ورائحه المطعم وحسب كلام عائلتي فإن هذا المطعم موجود منذ مده طويله وليس جديداً ونشاطه لم يتغير

وللتنويه، Crazy Dazey عباره عن مطعم وبار وتقدم فيه الكحول

[HaZeL eYes]

شاكرة لك الرد...
طيب انت عملت للصور فوتوشوب أو هي كذا من الكاميرا؟؟؟؟؟؟؟؟؟؟

[ابو عبدالإله]

حياك الله اختي ولا شكر على واجب ،،

الصور كما التقطتها من غير تعديل ولا تغير ..

اسأل الله جنة الآخرة لي ولكم ولوالدينا والمسلمين ،،