تروح لصديقتها ، وصديقتها تجيها ..

[بنت عشيرة]

.
.
أخوي عبدالعزيز الأهل يعملون بالأسباب ويتوكلون على الله من أجل المحافظة على بناتهم في هالزمن
يوجهون أبناءهم ويقدمون لهم النصايح قد مايقدرون(إنك لاتهدي من أحببت)

أنا لا أؤويد منع الفتيات من زيارة صديقاتهم بدون ذكر تبرير مقنع من الوالدين
أو أن ترافق الأم بنتها إلى منزل صديقتها

[عبدالعزيز العمران]

المشاركة الأصلية كتبت بواسطة بنت عشيرة   . . أخوي عبدالعزيز الأهل يعملون بالأسباب ويتوكلون على الله من أجل المحافظة على بناتهم في هالزمن يوجهون أبناءهم ويقدمون لهم النصايح قد مايقدرون(إنك لاتهدي من أحببت) أنا لا أؤويد منع الفتيات من زيارة صديقاتهم بدون ذكر تبرير مقنع من الوالدين أو أن ترافق الأم بنتها إلى منزل صديقتها

أتفق مع هذا الرأي تماماً ... شكراً لصراحتك

[قلم صريح]

التربية مدارس كل والد و والدة لها طريقتها واسلوبها .ومنهجها. ولا اعتقد أن من يسمح لبنته اقل من من لا يسمح لها .. خوفاً و محبة
و عندما تتعود البنت و والديها على مبدأ واحد و فكر واحد ستكون هذه القضية من ضمن القضايا المحسومة مسبقاً بين الطرفين ..

[ضياء الفجر]

المشاركة الأصلية كتبت بواسطة بنت عشيرة   عاد الأم تتحمل إذا هي ترفض زيارة الصديقات(وأحيانا فيه ضرورة تحتم الذهاب لمنزل صديقتها لعمل بحث أو دراسة ووالخ) يعني ماتكون متسلطة وترفض وماتعطي بديل تضغط على نفسها وتروح مع بنتها..لأن كثرة المنع وترديد(لا) يولد الانفجار

"لا" لا تسمى تسلط .. وأنما ( تطويق ) ..

والبديل أتوقع موجود ، مثلاً جيرانهم الاسره بأكملها يروحون .. أهم شي ما تكون البنيه بمفردها .. اقاربها، ملتقيات،منتزهات، سفريات .....ألخ

الى درجة اني أتمنى ان لا تذهب البنت لملتقيات لحالها .. الافضل << وليس الالزم ..
ان يكون معها أخواتها او امها "عموماً أهل البيت "
يا عيوني الدنيا تروع

[ضياء الفجر]

المشاركة الأصلية كتبت بواسطة فيصل المرشد   ياحليك ياضياء الفجر .. العاطفة ماتصلح في امور زي ذي الله يحفظك و كل من يقرأ هنا ندخل في نقاش بيزنطي : نقاش طويل عريض من دون أن يتنازل الآخر عن وجهة نظره، سلبية كانت أم إيجايبة، و في الاخير نخور و عذرنا هو " وش نسوي الله يهديهم " مقطع مؤثر : الوالدين : طيب ما تشوفين ان ( أنا اخاف عليك من اي شي ) سبب مقنع ؟ البنت : ليش انا دبشة مافهم؟ الوالدين : لا يبنتي بس انتِ ماتعرفين ..... البنت مقاطعة : و الله لو اصير و شو .. انتم شايفيني بزر.. الوالدين : يابنيتي لا تفهمينا كذا البنت : وشلون مافهمك كذا . الحين تقولون تخافون على من اي شئ و تطلبون مني اغسل المواعين و انظف و لا تخافون على من الماء الحار او الكلوركس ليش هذا مهوب مع اي شئ؟ الوالدين : لا حول ولا قوة الا بالله .. خلاص روحي ********************************************* البنت اللي تحط نفسها محل بنتها إذا جتها بنية إن شاء الله .. و ش ودها بنتها تكون . عندها البنت تمنع نفسها من نفسها من الأمور اللي مالها داعي

السلام عليكم فيصل ..

صدقني ايضاً الشده لا تحل محل العاطفه في مثل هالامر ..
ولا يتوجب ان اناقشها بحده ولا ان يوضح ما تأمره عار ..

لكن مثلاً قبل ان تبدأ بالحديث عمن ترغب بزيارته
: يبه ودي اروح لصديقتي ..
الولي : ( يطير عيونه ويظهر الدهشه ) .. قبل ان يبدأ بالسؤال عن سبب ذهابها او من ترغب بالذهاب لها .. ( حتى تعلم البنت انه يستكر خروجها لبيت صديقتها ) ومن ثم ينظر من تريد تذهب له وسببه
( دراسه ) اجيب مدرسه .. <<ولا يزعلون علينا الاباء
من زمان عنها ماشفتها ( اقرب ملتقى نسائي )
لكن بنت وحدها وتزاور صديقتها في المنزل .. لا أؤمن بها البته وان كنت ارغب فيها .. واخجل جداً ممن يطلب مني الزياره ..


في النهايه ( أؤمن بكل حرف تفكر به حول هذا المنطق )

[ضياء الفجر]

المشاركة الأصلية كتبت بواسطة شامخة بوجودة   أختي العزيزة..ضياء الفجر..بارك الله فيك وشاكرة لكِ دعوتي للمشاركة في هذا النقاش حول هذة المسأله المهمة في التربية.. سأقول رأيي في الموضوع من خلال ما تربيت علية ..لانة الاوثق لدي وأستطيع ان اتكلم عنة بكل حرية.. تربيت انا واخواتي في بيت محافظ..(الله يخلي أبوي,ويطول عمرة).. لم نكن نضطر للخروج لبيوت صاحباتنا بحكم خروجنا المستمر مع العائلة..ولم يكن يشغلنا الا التحصيل العلمي ..حتى وان أتتنا دعوة من صديقاتنا فاننا من انفسنا نرفض لاننا لم نكن نرغب في الخروج واستغلال الوقت فيما هو مفيد ..والدي الله يحفظة معودنا على الصراحة..فاذا طلبت شي ورفضة لا اتجرأ على طلبة مرة اخرى.. وما زلنا على نفس الوتيرة حتى بعد ان توظفت..لا يسمح لنا والدنا بالخروج الا اذا كانت مناسبة فرح وتكون الوالدة معنا ..اما في بيوت صاحباتنا ..فلا والف لا.. وبحكم عائلتنا الكبيرة ..فان اجتماعاتنا لا تدع لنا مجالا للتفكير في الخروج لغير العائلة..ومما اراة واسمعة هذة الايام ..فاني ارى خوف الوالدين طبيعي ..ولكن لابد من استخدام الاقناع..حتى تقتنع الفتاة بل تجدها من نفسها تقول لصاحباتها وتنصحهن بسماع كلام الاهل..أصبح الزمن مخيف فوالله من بعد قصة باص طالبات الجامعة اصبحت اخاف على نفسي وعلى اخواتي وبنات المسلمين..لكن الاهم ان تبقى الام هي الصديقة والاخت والزميلة لبناتها..فلن يحتاجوا بناتها لتجمعات الصديقات خارج المنزل.. في هذا الوقت اصبحن البنات اكثر تطلباً لانهن يعشن مع من حولهن ويسمعن قصصا مختلفة عن الزيارات ورضا الاهل بخروج بناتهن بدون ضوابط..لذا أقول لابد من استخدام اسلوب الاقناع..البنات اكثر تعلقهن بوالدهن..فهو بقربة منهن يستطيع ان يحتويهن ويقنعهن بما هو في مصلحتهن.. ضياء الفجر والنور..بارك لك ربي فيما طرحتي واتمنى ان اكون افدت ولو بالقليل..

أقف أجلالاً لشخصك المحترم شامخه .. بشرينا عنك ؟ وعن الانفلونزا ؟ ان شالله تشاويتي !

الله يخلي لكم الوالد ، ويرزقك بره ..

وانتي صادقه .. اصبح بهالدنيا كلش مخيف ، ويا عيوني مالنا الا الظواهر .. اها شلون بنجيب الباطن عشان يمكن ان افكر بسبب المنع وعدمه ..
( نحسم الامر ابتداءً )

اذكر مثال وان كان صعب ..
مره ابا اروح لصديقتي للمذاكره ، وكان جميع البنات بيجتمعون عندها لصعوبة الماده ..

وزياده انا ما حظرت (ولا درس عملي ) سبب ذالك كنت مرقده بالمستشفى ..واتصلت خصيصاً علي وحرصت اجي ..
وقلت لاخوي وقلت ما ادبر فالماده شي ولاهوب يصلح بالمهاتفه ابداً ..
هو : صمت ولا يرد .. اعرف اني ظيقت صدره بهالطلب .. وغير انه يعلم اني مضطره اشد الظروره ..
قال نشوف ..
جا للبيت وانا يعني هه يلا نمشي توديني عشر دقايق ؟؟ ..
يفكر والله كأن احد كاتم انفاسه ..
قال لا يا ضياء الفجر انا مابيك تروحين والله .. وقعد شوي بعدين قال لا خلاص ارقي غيري مافيه روحه ..

لن أكمل ماذا حصل وماذا حصل في نفسي ..

لكن وش يعني هذا ؟ هل تسمى سيطره ؟ أو منع البنت من شي تريده و(تحتاجه)

أو ( حب للبنت وخوف عليها )؟

وتالي ( خذت درجه غير مرضيه )

الان وانا اتذكر .. لو أن سنحت لي فرصه لشكرته وقبلت رأسه <وأعلم برفضه ..
وان كان يقرأ لي الان لعله يعذرني ..

[قلم صريح]

المشاركة الأصلية كتبت بواسطة   صدقني ايضاً الشده لا تحل محل العاطفه في مثل هالامر .. ولا يتوجب ان اناقشها بحده ولا ان يوضح ما تأمره عار .

اختي الفاضلة ضياء الفجر :
انا لا اقول شدة .. اقول العاطفة ماتنفع في امور زي هذي
يعني لما اسأل عن سبب مقنع .. معناتها أن هناك اسباب مُفنعة موجودة و انا اثبت أن بنتي لا تفقه .. او اني اختبر ذهانتها او اني اتحدى

فيه امور هي خطوط حمراء
ماهي قسوة بل هي امور محسومة العواقب .
مهما بررنا و مهما قلنا عن القسوة او الليونة و الديمقراطية
انا ديمقراطي بس الكلمة الاخيرة لي

[ضياء الفجر]

المشاركة الأصلية كتبت بواسطة اسيرة الصمت   للاسف انا من اللي اهلهم يرفضون الفكره لكن عن نفسي عااادي تماما ليه المنع احيانا البنت مالها اخوه كبار ومع ذلك لا الله يعين والله يكتب اللي فيه الخير وانا اقول كل زمان وزملنه وزمان العادات والتقاليد اللي مالها فايده ولىىى

اسيرة الصمت أهلاً أهلاً ..

والله يا خيتي موب مسألة اخوانها كبار أو لا ..
الخوف على البنت ما وقف على ذا وبس ..
وأما العادات لا أؤيدها مادامت لا تتوافق مع العقل .. فهي بلا شك قانون وضعي

وللعلم منع البنت من الخروج وحدها لبيت صديقتها ليس شي شرعي ..
او انه لو طلعت شي حرام ..

( وحين أفكر بمنع الولي لي بعدم الخروج )
لا يقتصر التفكير فقط على عيال كبار ، ولا شغاله وساحره ، ولا.. ..

أنظر لكل جانب ونقطه في هالمسأله ..

[ضياء الفجر]

سأعود للجميع ان شالله لاحقاً ..

[سِرْب]

مووووضوووع جداا مهم ..

كثـــــــــــــير منا يعانون من هذي المشكله

والسبــــــب ( مابي اكسر بخاطر بنتي او اختي )

اول شي مأخلي بنتي عند كل من هب ودب

لازم تكون صديقتها معرووفه منهي او تكون متعرفه على امها بـــــــــس تكون الام

مع بنتها يعني ما اقول لازم تكون لاصقه جمب امها لابسـ ترووح هي وصديقتا في مكان قريب من الام بــــــــــس يكون مكان ياخذون راحتهم فيه

وذا كنت غير موفقه على روحت البنت لصديقتها ابرر لها ليــــــــش انا ماوافقت

علشان تقتنع

واذا كانت ودها تشوف صديقاتها في وقت غير وقت المدرسه او الجامعه

ياااكثر امااااااااااااكن البنـــــــــــــــــــــات

تطب وتختار بــــــس على حسب المكان

"اعتذر عن الاطاله"

[مضيعه شباصتا]

السلام عليكم ورحمة الله وبركاته

،

في هالزمن معااد تضمنين والله أحد ،


والناس موب وحده ..


وقد يختلف الأمر إن كانت أمي لها علاقة بأم صديقتي ، كزمالة بالعمل ،





^ وشـ سمه وغير كذا فيه تجمعات بنات ولا أروع ولا ياا *بسمه ،








* وأخر شيء نقضب الباب ، والمكان اللي تروح له الوالدة نروح معهاا ..



...


موضوع رائئع ، صراحة شفت ردود بعض الاعضاء تغيرت نظرتي فيهم بشكل كبيير وطبعاً للأحسن ،





بارك الله فيك يالغلا ،

[أميرة زماني]

المشاركة الأصلية كتبت بواسطة ضياء الفجر   يا مرحبا يا مرحبا بالأميرة .. طيب ما تشوفين ان ( أنا اخاف عليك من اي شي ) سبب مقنع ؟

بالنسبه لي هو سبب مقنع وكافي انا ابوي الله يحفظه كان اذا طلبت منه اني ازور صديقتي

يرفض من غير اي نقاش وادري انه مهب رافض هالشي الا عشان يخاف علي

بس اصابع يدك ماهي سوى اذا انا اقتنع غيري صعب انك تقوله لا ويقتنع اللي أبي

اوصله ان كل شخص يختلف تفكيره عن الاخر يعني حلو ان الاهل يأخذون ويعطون مع

بناتهم واتمنى ان نقتدي بالرسول الكريم صلى الله عليه وسلم في التربيه قال صلى الله عليه وسلم " ما من رجل تدرك له ابنتان فيحسن إليهما، ما صحبتاه أو صحبهما، إلا أدخلتاه الجنة "

يعطك العافيه اختي ضياء الفجر على الطرح الرائع

[قلم صريح]

المشاركة الأصلية كتبت بواسطة   بس اصابع يدك ماهي سوى اذا انا اقتنع غيري صعب انك تقوله لا ويقتنع

اختي الله يحفظك :
كلام كله موزون وعاقل وراكد ماشاء الله تبارك الرحمن
بس هالجزئية اللي اقتبستها عندي تسأل عنها :
اصلاً إذا كانت الأمور ملخبطة مع الاولاد و خاصة البنات مو هالموضوع بس اللي مارايح يقتنعون فيه او به. كل الامور

************************************************** *****
وش اللي يدفعك للإقتناع وغيرك مايدفعه؟

المشاركة الأصلية كتبت بواسطة   ادري انه مهب رافض هالشي الا عشان يخاف علي

هنا الجواب

لحظة مالبنت تدرك هذا خلاص ..
شوفي حتى الوالد ماقال و لا ناقش

و الاحسان للبنات .. الله يوفقك.. هو الرعاية الطيبة و المعاملة الحسنة
ومادام البنت ترى في والدها ووالدتها رمز الصدق و المحبة اتجاهها .. ليش تبي مبررات
و محاضرات؟!
بنتي تزعل مني احسن مازعل عليها
الوالدين يقسوان للرحمة
و الاولاد يقسون للعقوق

[سديم الليل]

السلام عليكم
اختي ضياء الفجر اشكرك على طرح الموضوع
صراحه انا رايي من رايك وراي فيصل المرشد
انا ما اييد ابد ابد ان بنتي تروح لاي بيت لا صديقه ولا بيت اهلي الا معي والنوم عند اهلي هذا ممنوع مره مره
رغم اني الاقي توسلات لترك اولادي او بناتي ينامون عند اهلي بس مااااااااا ارتاح الا وعيالي وبناتي حولي
اما زيارت الصديقات فالحمد لله بناتي عرفوا طبعي وعرفوا اني مهما كانت الاسباب لا اقتنع بزيارات الصديقات ولا خروج البنت لوحدها للزياره ا
ولله الحمد فهموا طبعي
لا بيت اخو ولا اخت ولا اي قريب قاعدتي رجلي برجلكم اينما نذهب
والقصص التي نسمعها عن ضياع فتيات صالحات حفظ الله بناتنا وبنات المسلمين
واكرر شكري لكم ولكل من ابدى وجهة نظره
لاني احياننا افكر هل انا على خطاء ام على صواب لان اخواتي جميعا يسمحون لبناتهم واولادهم بالنوم في بيت اهلي الا انا لا اسمح لهم ابدا
فكنت اعاني من صراع داخلي هل انا موسوسه وعلى غير صواب ام اخواتي هم اللذين على صواب

[قلم صريح]

المشاركة الأصلية كتبت بواسطة   سديم الليل: كنت اعاني من صراع داخلي هل انا موسوسه وعلى غير صواب ام اخواتي هم اللذين على صواب

أختي الفاضلة سديم الليل:
الواحد إذا كان عنده قناعة خاصة في اي امر يخصة و عنده شواهد و ادلة على صحته . هذا ماهو موسوس .. هذا خبير و يتعلم من الشواهد و الظروف و يصك بابن يجي منه ريح الله يستر على محارمنا و محارم المسلمين.
الله يبارك فيك
كلن بعقله راضي