حملة شــــموخ ضد الشعر القصير سارعو بالأنضمام الكمية محدودة )

[شـمـ إمرأة ــوخ]

المشاركة الأصلية كتبت بواسطة مذهله   انا من قريت العنوان وانا رافعه شعار المعارضه اكره ماعندي الشعر الطويل الله يطول شعوركم اليييييييييييييييييييييييييييييييين ماتملون منها وتقصونها

مذهلة / حياك الله

الظاهر أنك حديثة عهد بالقص

يعني لسع ما حامة كبدك من القصير ..

^_^

بالنسبة لنا أشتقنا للشعر الطويل وبقوة

بس بعد بدء الحملة راح تسفيد ان شاء الله

وتنزيلين نصف الشعار وتخلين الباقي

^_^

شاكره لك مرورك الطيب .

[شـمـ إمرأة ــوخ]

المشاركة الأصلية كتبت بواسطة شوشة منفوشة   وش رااااااااااااااااااااااايكم في شعر شوشة منفوووووشة اللي بالصورة الرمزية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يبله قيلة وصباحية >>> يعني وقت طويل لين يتعدل ^_^

هلا وغلا بك / يــ شوشة .

ونتظر تفاعلك الرائع

^_^
.
.

[иσᴚч ♥~]

هلا والله أنا معكم ياحلوييييييييييييييييييييين



<<<<<<تموت على الشعر الطويل



أنا شعري طويل بس من جد فيه زيت الخروع الطبيعي ((الباكستاني))

الي من العطار


عندنا بالقصيم معصره نجيب منها مباشره يكون ثقيل بالحيل بس والله من جد جنان


يطول بسرعه بسرعه أحطه مره بالأسبوع وأدلك فروة راسي عشان يستفيد منها


وتسلمين ياشموخا

[شـمـ إمرأة ــوخ]

.
.

هلا وغلا / فقيدة الحب

زيت الخروع بكل أشكاله رائع جداً

روعة اذا كان من المعصرة

أنا جربت زيت السمسم وزيت اللوز من المعصرة جنان

الف شكر على هالمعلومة الحلوة >> بطب القصيم واشري منه ..

أسعدني تواجدك ..
.
.

[شـمـ إمرأة ــوخ]

.
.

بســــم الله وعلى بركة الله ..

اليوم بنقص شـــريط أفتتاح الحملة ..

أسأل الله أن ينفع بها ..

.

.

من شروط الأنضمام للحملة الأتي ..


1ـ الأحتساب في كل صغيره وكبيره ..

2ـ الصبر وطولت البال >> يعني لاتتسرعين بالنتائج ..

3 ـ المدوامه >> يعني لالالا للملل أذكر هنا مثل لجدتي الله يرحمها ويغفر لها

( ليت بنتي رمه ولاهي ملول ) >> متأثره بالأمثال >> عليه المثل وعليكم الفهم ..

^_^

اذا نجحت هذي الحملة ... بإذن الله تكون الحمله القادمة للبشرة ..

يعني التفاعل والردود والتطبيق أهم عوامل للحماس وناجح دورتنا هذي ..

ولـــكـــــــــــم من شموخه / كلـــ الود والأحترام .. ^_^

..

[شـمـ إمرأة ــوخ]

.
.

من المهم جداً الأستناد الى أسس علمية لكشف أسس هذه المشكلة ومعالجتها

ومن ثما نخترق عالم الوصفات المساعدة على على تكاثف الشعر وهذا المهم

وبالتالي ينعكس على طوله ..

..

.
.

إن أكثر ما تشتكي منه المرأة هذه الأيام هو تساقط الشعر، وقد أثبتت الأبحاث أن أكثر النساء يتعرضن حاليا لتلك المشكلة، ومن كل فئات الأعمار على حد سواء، وتزداد الحالة مع مرور الوقت.

لكن السؤال المطروح الآن هو: ما أسباب تساقط الشعر؟ وما العوامل المساعدة التي أدت إلى هذه المشكلة؟

وتتفق أقوال الخبراء في جميع أنحاء العالم على أن السبب الرئيسي الذي يؤدي إلى تساقط الشعر هو سوء التغذية، ونقص عامل الحديد والحامض الأميني (لابسين) الذي يكون في الدم ومن ثم يغذي بصيلة الشعر، إذ يؤدي نقصه إلى سقوطها ويمكن إثبات ذلك عند فحص الدم، حيث يمكن تفادي تفاقم تلك المشكلة بزيادة نسبة الحديد عن طريق التغذية السليمة أو أخذ حبوب الحديد البديلة ....
.

.
.

[شـمـ إمرأة ــوخ]

.
.

وينكـــم هــا ودكــــــــــــم نواصلـــ

أبي أحس انكم معي طول الخط

أخاف يغلبني النوم ^_^
.
.

[( عابرة سبيل )]

:
:
:







جميل جدا .., حمله رائعه من رائعه ^_^
شعري شبه طويل بس ماكو عنايه مافيه وقت يتساقط وحالته حاله
انا قاعده ومتربعه هنا
ياعمري على نفسي اجل ناقصني تغذيه زينه ^_^
عشان يكون شعري تمامو

:
:

مغسيه غلاتي على الفكره

[لهفة الخاطر]

[align=center]
أجل التغذيه ياقلبي

بصراحه مانه تغذيه ولا حديد ولا دم بعد وش السواة يعني ...

يعني التغذيه عندي ميح كل شئ مافيه غذاء ولا صحه الله المستعان ...

عندي نقص في الحديد وعلشان كذا شعري خفيف ويتساقط بشكل مو طبيعي ...[/align]

[مذهله]

لا والله ياشموووخه الا قولي حديثة عهد بالتطويل!!!

لاني طفشانه منه مررره واحسه طويل بزياده وابي اقصه...

واشن حمله ضد حملتكم ..هع هع

[مملوحة سدير]

بسم الله الرحمن الرحيم ...


اولا :اشكركم على الحمله الرائعه ,,


__________________________________________________ _

ثانيا:انا صرااحة احب الشعر الطوويل الي يكون نصف الظهر اما الشعر اللي يصير عند الكتوووف معاااااناة معه >>يطلع وعععع ! اذا فكيته مشكله واذا ربطته مشكله ..!!

__________________________________________________
ثالثا : حبيت اقولكم انه في بنات يكون عليهم الشعر القصير احلى وفي البعض يكون الشعر الطويل عليها احلى ...يعني تقريبا على حسب شكل الوجه ...

__________________________________________________ ______
رابعا : اتكلم لكم عن شعري ..
انا شعري لما يوصل لكتوفي تجيني حاله نفسيه واجتماعيه واقتصاديه وجسديه !!!
فعالطووووووول على المشغل

يعني كذا ماقد جربت الشعر الطوووويل

ودااايم اقصه لحد رقبتي ..

واخر مرررررره قبل اسبوعيين قصيت قصه خطيره اسمها ((البريلا ))
تشبه تقريبا قصة الاناناس...يعني من فوق مره قصير ..


وقصيت طبعا على طووووله بس خيااااااال الكل انجن عليهاا



____________________________________
عالعموووووم الله يطول شعوركم ويرزقكم شعور طويله ونااااعمه >>طلع زواااج


اتمنى ماااكون ثقلت عليكم وتقبلوا مروري ..


اختكم ....مملوحة سدير ...

[شوشة منفوشة]

هلااااااااااااااااااا
شموخ إمرأة تصدقين عاد !!!! ما فهمت حسيس وضحيه ؟؟؟؟؟؟؟؟؟؟؟

أنتي فيه كلااااااااام قرقر أنا ما فيه معلوم صديق ؟؟؟؟؟؟؟؟؟؟؟؟

المشاركة الأصلية كتبت بواسطة   يبله قيلة وصباحية

وشي ذا الحسوه؟؟؟؟؟؟؟؟؟؟؟؟؟؟

ــــــــــــــــــــــــــــــــــــــــــــــــــ ـــــــ

على العموم إذا تبين شعر طوووووووووويل إلى ركبس ،،

و جدايل تلعبين بهن شبرى أمرى شمس نجوم

أتبعي هاالخطوات وركزي زين :.....................؟؟؟؟؟؟؟؟

؟
؟
؟
؟
؟

ركبي بااااااااااااااااااروكه ..

وأنتهى الموضوع !!!

وشوله تدورين دهون تدهنين به رويسس؟؟؟؟؟

ريحي بالس خخخخ>> أكيد ودس تجلديني



شووووووووفي الصورة الرمزية حقتي ،، وش ملحي أنا وها الشوووووووشة


تحـــــــــــــــــــــــــذيــــــــــــــــر /

ترى الباروووووووووووووووووكه حرااااااااااااااااااااااااااام
حرام حرام حرام


شموووووووووووخ إمرأة لا تزعلين مني تراني أمزح ،،،

[لهفة الخاطر]

[align=center]
شوشه منفوشه إيه هين من يوم شفت صورتك وأنا غاسله يديني بكلوركس ..


وينك شموخه طولتي علينا ترى نهون بعدين ...!![/align]

[شـمـ إمرأة ــوخ]

.
.

هلا بكــــــم جميعا ً ..

دمعة الم .... أسعدني تواجدك الأنيق ..

لهوفة .... أشكرك على حرصك ..

مذهلة ... والله حاسة فيك ياقلبي بس خليك متابعة راح تسفيدين ..

مملوحة .. وجهة نظر أحترمها ... أهم شئ طويل لين الكتوف لين نص الظهر
أهم شئ يكون شعر ممتلئ بالحيوية ..

شوشة ... يـــ صاحبة القلب الطيب وشوله أزعل ...
وقرقر شموخ ...>>>> وضحت معنى الكلمة فوق .. ياقلبي .
الله لايحدنا على الباروكه شعورنا ماعليها خلاف بس يبلها شوية أهتمام
أسعدني تواجدك الطيب ياطيبة ..

لهوفة .. أعتذر ياقلبي عن تأخري مشغولةجدا هاليومين وبحاول قدر المستطاع
التواجد ..


تسلمون يــ أحلى صبايا وجودكــــــم سر سعادتنا ..

^_^

..

[شـمـ إمرأة ــوخ]

.
.

نكمل

طبعا ً بعد الأهتمام بالتغذية .. أو التعويض بالفتامينات ..
معالجة القشرة الداء الفتاك بالشعر >>>

يكون معالجة القشرة بعدة طرق ..

ـ أستعمال الشامبو المخصص لذلك
ـ تستطيعين تشطيف شعرك بعد الانتهاء من غسلة
بماء ممزوج بقليل من الخل الأبيض ..
ـ لابــد من البعد عن أستعمال ادوات الأخرين
من أمشاط ونحوه

اي وحدةعندها فايدة تستطيع أضافتها لتعم الفائدة للجميع

.
.

حتى نستطيع الحصول على فائدة أكبر لابد من عمل جدول
يتوافق مع وقتك ..

تخصيص يوم للزيوت

واخر للمغذي ..

واخر للحمام الزيت .... وهكذا ..

اتمنى الفائدة للجميع

لي عودة ..