الله معك !!

[(بحر الخبر)]

تبغا تروح وخاطري منك مكسور
وشلون تقوى تترك اللي تحبه؟؟
الله معك باقولها .. منت مجبور
لكن وفاي شلون تقدر تكبه!!
انا وفيت وصرت لك بيت معمور
وشربت ساحل ضيقتك من مصبه
وانا رفعتك من متاهات وقبور
والحين حبل الوصل ناوي تجبه!!!!
رح والجروح اللي على كف دكتور
مافادها التشخيص وعيون طبه
الله يسامح فعلتك وانت ماجور
والبحر له شاطي ومرسى وغبه
انا بعيش بدنيتي وانت مشكور
ماعاد لي في الحب صالح ورغبه
وامانتك لاضاقت بعينك الدور
تعال صدر اللي من اول تحبه
عشان تعرف كيف ماخلك يبور
وعشان تدري بالمفارق وقلبه
لك احترامي في الشرايين مغمور
ووداعتك قلبي وبالك تكبه.


وسلامتكم جميعا تعتبر هذه القصيده اول مشاركه بمنتداكم العامر

تقبلو تحياتي

[راعي الروضة]

بحر الخير


تشرفت أن أكون أول من يصافح بوحك العذب



انا وفيت وصرت لك بيت معمور
وشربت ساحل ضيقتك من مصبه


بيض الله وجهك والوفاء ديدن الأوفياء

بحر الخير .. بحر العطاء الذي ننتظر جديده

بشوق ولهفة فلا تجعلنا ننتظر طويلاً

شكراً لهكذا نبض وشكراً لهكذا بوح

وأهلاً بك بين أهلك وأخوانك

وتقبل مروري وإعجابي

أخــــــــوك

[(بحر الخبر)]

مشكووور اخوووي رااعي الروووضه على هالمرووور وصدقني خووش مروور

بس عندي تنويه : النك نيم مالي ( بحر الخبــر ... نسبة لبحر مدينة الخبر)

وصدقني يشرفني اكثر تواجدي وياااكم يالغالي

[مداءات]

اخوي بحر الخبر..

حياك الله ومرحبا ومسهلا بك بينا..

ولا هنت وصح لسانك..

[أبو حمـد]

الله يسلمك أخوي بحر الخبر ،،

والسلام عليكم ورحمة الله وبركاته ،، ومساء الخير جميعا ،،


لك حضور مدهش ،، ولقصيدك وقع مميز ،، فمرحبا بك في منتداك وياهلا ،، وصح لسانك ،،

شكرا لك ،،

[(بحر الخبر)]

الاخت نوره بنت مطلق مشكووره

[(بحر الخبر)]

الاخ حمد ولد ابو حمد تسلم يالغالي من ذوقك