غـــدانــا الــيــوم ,,

[ســــامـــيـه]

السلام عليكم ورحمة الله وبركاته ,,

من زمان مانزلت طبخه ونفخه ,, كله بسبب الإختبارات وعمايلها,,

اليوم جايبه لكم ,, غدانا ,,

طبعاً وكما هو معتاد عند كل عائلة سعودية

الطبق الرئيسي ,, رز ,, بلا منازع

أما طبق السلطه,,

صورته لكم بالمقادير و الطريقه,,

جربوها وماراح تندموون ,,,

أول شي ,,


بقدونس ,, بصل أخضر ,, فاصوليا مسلوقه
خيار مقطع شرائح ,, فلفل أخضر ( رومي )


مكرونه مسلوقه ,,
وخبز توست يقطع مربعات








نقلي التوست لين يحمر شوي,,
ونسيت أحط مع المقادير شوي ذره وبازلاء ,,
وحطيتهم الحين,,








والحين نخلطهم سواا ماعدا الخبز اللي قلينااه,, ننخليه آخر شي

وبعدين نسوي الصوص ,,


زبادي
خردل
مايونيز
ليمون
شوي سماق







بعد مانسوي الصوص ,,

نخلطها مع المقادير اللي حطينااهاا ماعدا الخبز نخليه على جنب

والحين جا وقت التقديم,,

نجيب الخبز اللي حمصناه و نزين وجه السلطه,, من فوق

وهذا شكلها النهااائي واعذرونا ع القصور ,,

[يـــزيـــد]

السلام عليكم

ماشاء الله تبارك الله

جعله بالعافية يارب

[سعود الخليل]

الله من اللقافه .!!!!

ما ودك الواحد يدخل قسم الطبخ وهو جايع ...

بالعافيه يا سامية واحسن شي جاز لي الصوص !! فاهم غلط...!

[القيصـــر]

السلام عليكم


الله الله <<<< جوووعاااان ( العزوبي )
ماشاء الله بالعافيه عليك ياسامية
بالتوفيق لكِ إن شاء الله
طبق مميز

[فهد المنيع]

ياااااااااوك ما تدرين اني مستهلتس جوع الحين هع هع


تفووووو ما شاء الله لا اقعد اسدحكم بعد هع هع


ما شاء الله طبخه هنيه وصور جميله ..



الله يعطيتس العافيه وان طبختوا رز مع لحم حاشي صوريه لنا ترى له شعبيه هع هع

[سديراوية]

يااااااامااااااال العااااااافيه قولي آمين ,,

تراني ماحب الماكرونه البارده

بس هذي شكلها لذيذه

تسلم ايدينك يا الغلا

[زهرة]

ماشاء الله وش هالحركات سمسم

طيب وين الرز ورا ماصورتيه بشوفه


سنعه والله خلصتي الأختبارات ومسكتي المطبخ مب مثل اللي عندي الله يخلف عليها لها اسبوع مخلصه
والى الحين ضيفة شرف بالبيت

[موون نجد]

يعطيك العافية اختي سامية


اكلة هنية من ايدين منعدمهاااااااااااش

[الصحراوية]

مشا الله عليك وش هالحركات خيتو ساميه ,, شكلها سلطة روووعه بس اشوى اني مادخلت وانا جوعانه ,, عن جد شكلها لذيذه ,, بس المشكلة اختس في الله عجازة

تحياااااااااااااااتي لس وبالعافيه عليكم.

[طالب علم]

جعت وانا توني مفطر

يعطيك العافية اختي ساميه


سلام

[ام سديـم]

السلام عليكم

رووعة يا سامية

اموت بالسلطات اللي كذا

انا اسوي مثلها بس احط دجاج مقطع << عاد ازمل من سلقه

لكن حلوه طريقتك

عوافي عليكم يارب

[لهفة الخاطر]

[align=center]
ماشاء الله عليك ياسومي عيلك حركات تهبل

يعطيك العافيه وتسلم هاليدين

لك شكري يالغاليه وننتظر منك وصفات اكثر [/align]...

[ســــامـــيـه]

يــزيــد

جزاك الله خير

[ســــامـــيـه]

الصيدلي,

الله يعافيك ع المرور

[ســــامـــيـه]

راعي الأوله

حياك الله,,