أخواتي ماذا تعرفون عن ماء الورد؟؟

[زهرة]

السلام عليكم أخواتي
أبقولكم عن وصفه ،،،
يقولون هي السبب في ان الاردنيات بيضات و متشربات بحمره انهم يضعون ملعقةماء الورد الى كاس ماء ويشربونه
مادري عن صحتها؟؟؟
وأختكم زهره المتهوره سوتها ،،،،،،،
والصراحه خفت ان اسكر ولا أدمن عليها،،،،،،لاني مدري عن موية الورد وشي تركيبتها
فايليت أخواتي تفيدوني عن ماء الورد
ويعطيكم العافيه

[السنبلة]

[frame="2 80"]هلا حبيبتي..

ههههههههه أجل بتصيرين بيضاء مشربة بحمره.. ههههههههه


أنا يوم شفت العنوان كنت داخلة بقول لكم إن فيه ناس يضيفونه لماء الشرب..

بس أنا ما أحب نكهته..


======


ماء الورد زين استخدامه قناع (غطاء ماء ورد مع ملعقة صغيرة نشاء).. مممتاااز جداً للبشرة..

يخليها ناعمة وينظفها..


وبعد ممتاز لصفاء العيون.. حطي شوي ماء ورد مع فنجان ماء.. وافتحي عينك وميلي الفنجان فيها..

خليها تتبلبل.. وبعدين شوفي الفرق..

وممتاز إذا خلطتيه مع النشاء بس أخف من القناع يعني يكون مثل الماء خفييف.. بعد إزالة الشعر بالحلاوة..

يبعد الاحمرار.. ويشد الجلد...


وعذراً على الإطالة..

وإن ذكرت شي بقولكم [/frame]

[Computer GirL]

أختي الغالية السنبلة

معلومات مفيدة وجديدة ,,
ألف شكر لك

وسؤالي . جربتي وصفة صفاء العيون -->> ودها تسويها وخاااايفة

والشكر موصول لزهرتنا زهرة المنتدى على الموضوع

[مشــاعر]

مشكوره اختي جوريه بس اقول لايكون فيها شي موية الورد لان ماقد سمعت انها تنشرب....
وبعدين انااستعملها اذا شلت حلاوه مع نشاء مثل ماقالت السنبله تخلي بشرتك صافيه..

ويابنات ترا دوا حبوب الشباب والنمش(( بوهلي))مرررررره خطير وانا مجربته خطير مررررره

[السنبلة]

أختي (فتاة الكمبيوتر)..

نعم جربتها وهي ممتازة للعيون وتضفي إليها بريقاً..

كل اسبوعين مرة..

[تويتي]

هلا زهرة
مدري والله!! أنا أول مرة أسمع إنها تنشرب!!
اللي أعرفه إنه يحط في خلطات للبشرة وللجسم..


سديراوية مزيونة أننننصحك حبيبتي لاتستخدمين بوهلي
أدري إنه خطير مرة وتتغير البشرة علطول من تحطينه ..لكنه يسبب السرطان
والكل يحذر منه (بوهلي) هذا ويا (روكله)
وأنا متأكدة 100% إنه مضرررررر ويسبب السرطان..
لذلك انتبهي لنفسك..

شاكرة لكم جميعا..

تحيــــــــاتي..

[جمانه رائعه]

اخواتي الامورات الحلوين الباحثين عن الجمال كيفكم

بالنسبه لماء الورد مافيه اي ضرر من شربه مع العلم اني اول مره اسمع عن الوصفه السابقه

بس الي اعرفه انو فيه ناس تحطه باستمرار مع المويه علشان يعطيها نكهه حلوه وخاصه اهل الحجاز

وسلامتكم

[زهرة]

اشووووووووووووووووووووه يعني ينشرب

الله يعطيكم العافيه أخواتي
ومشكوره السنبله الحبيبه على وصفاتك 0000ايه والله ودي اتشرب بحمره ،،مانحر الا عند الحيا والضحك والحر قلت احمر على طول،،،،،
وعلى فكره /لبياض العينين حطي فيه عسل ،،،،،،،،،،بس بتوصلون لسقف من حره

[زهرة]

ايه نسيت اعلمكم انكم وانتم تشربونه ترى ماله طعم بس اذا خلصتي شاربه يجيك القرف
لكم مو مشكله لحقيه جبنه ولا كنك شاربه شي

[miss sudeer]

بصراحه اول مره اسمع انه ينشرب ..

نصيحتي لا تشربينه

والاردنيات حبيبتي هذي سحنتهم وطبيعتهم مو من شئ يشربونه او ياكلونه ..

اللي اعرفه عن مويه الورد .. للبشره من برا يعني يشطف بها بعد غسلها او بعد الاستحمام لتعطير الجسم وكذا
وكذلك لشطف العيون كما ذكرت اختي السنبله ..
واللي تبي تجربها لعيونها انا جربتها ولاتخوف ولايحر ولا شئ عادي جربوها بس بعد تخفيفه بالماء ..










اتمنى اكون افدتك بشئ

شكرا لك

[زهرة]

هلا والله اختي مس سدير وابشري نصيحتك على العين والراس

وطمنتيني انه مايحر العيون
بورك فيك

[Computer GirL]

شاكرة جداً على تعقيبك أختي السنبلة

أفدتيني كثييييير

وان شاء الله نجربها ...

تحياتي للجمييييييييييع

[مشــاعر]

والله اشياء حلوه وان شاء الله بجربهم

مشكوره اختي السنبله ويعطيك العافيه

[زهرة]

مشاء الله اخواتي موضوعي استفدت وأفدت


شكرا لتفاعلكم

[سديراوية]

[align=center]هلا اخــتي ..

انا اعرف ان ملعة ماء ورد في كاس ماء

توخر ضــيقة الصـدر ..

وتراني مجربتها .. وهي عملية 100 %[/align]