غرق الرياض حوادث,غرق,مصاااائب

[ولد البلد]

السلام عليكم .. ويا اهليـن وسهليـن بالجميع
يالله لك الحمد على الأمطار الي جتنا
والله يجعلها امطار خير وبركه ويجعلها عطى برضى

مثل ما شاف الجميع اليوم الأمطار غزيزه والأجواء بطله بالبداية
ولكن ما تمنينا يصير الي صار من إحتجاز للسيارات والناس
وغرق سيارات وتقفيل الشوارع الرئيسيه

وطبعاً بنشوف الحين صور للي صاير وهو فقط بشمال الرياض
طريق التخصصي وتقاطع الدائري
مروراً بتقاطع الملك فهد مع طريق الأمام محمد بن سعود (الجامعه)
ونفق العليا مع الجامعه ونفق الملك عبدالعزيز مع الجامعه ونفق ابو بكر مع الجامعه
وبعض الصور المنوعه

بالبداية مع الأجواء والغيوم والسماء السودا عصر هاليوم





الطيور تدور مكان تتخبى فيه



والغيمه الي امطرت واغرقت الأنفاق










ومن ثم امطررت بغزاره ودخلت

بعدها جلست اشوف الصور بالنت وقلت بطلع وقررت اطلع
عشان شي وعشان اشوف وش الي صاير << ما اعرف اجلس مكتف




اول ما طلعت واطالع ولا السينكو طايح والحاله صعبه



مشيت على طريق التخصصي ومن ثم نزلت على الدائري
بس مسكت الخدمه وما دخلت مع الزحمه وقدرت اشوفه الزحمه من فوق





يا عمري عليهم مالهم حيله



وابو الشباب جالس يحاول يشيل العوالق الي جت مع السيول



ثم دخلت من هنا
وتشوفون ناس قليله معي يمشون هذا دليل ان الناس كلها موقفه بالطرق الرئيسيه



ثم وصلت هنا طبعاً وراعي السياره توهق بنفسه شكلها طفت عليهم
ونزلو وخلو السياره لحالها وخافو يزود عليهم ويروحون فيها





البقاء للأقوى



هذا خوينا الي فوق واتضح صدق انها طفت عليهم



قال ايش قال امانه مدينة الرياض امحق امانه



والمويه تزيد وتزيد ووصلت لطريق الملك فهد والناس محتاره تقطع او لا



ما باليد حيله





قطعت



والدينا وراي



هذا تقاطع الملك فهد مع طريق الجامعه
وتشوفون غرقان بالمويه والمويه بعد راكده يعني ما فيه نسمه تصريف



واشوى هنا ما فيه سيارات غرقانه



وهذا التقاطع والعالم مطافش

[ولد البلد]

وهذا تقاطع لكزس العليا مع الجامعه وشوفو السيارة الي غرقانه
والبيبان صايره مجاديف





مطره زياده اتوقع بتحصل كوارث بجد





السيارات تمشي بس يا كثر الي السيارات الي تطفي مع المويه







الشوارع خبصه الي يعاكس والي والي





والأرصفه عامله شغلها



ثم امطرت بقووه



وفيه شباب الله يعطيهم العافيه مسكرين بسياراتهم ويوجهون الناس للطرق السليمه
طبعاً احنا الحين بتقاطع الملك عبدالعزيز مع طريق الجامعه



ما غرق بس طاح جداره





حطو صبات على بالهم بس هالمسار ما درو ان شغلهم كله خرابيط وما احد بيثق فيهم



قلت لكم البقاء للأقوى



وصلنا الحين لنفق ابو بكر
وهذي السياره صار لها حادث بالنفق



وهذولي كانو متغطين بس خفت المويه وبانت ملامحهم





تشوفون هنا بعيد شكل فيه سياره









شفتو طلعت سياره متغطيه وهل يا ترى بس هي موجود جوى النفق ؟! او فيه غيرها



وهذا سلم طلعو منه اغلب الناس



التقاطع



لا تعليـق








ابد ما ربصت





وهنا سلم بعد



قالبينها ملاهي



هذا ترى ماطور شفط ؟! انتم مستوعبين يشفط من هنا ويصرف بوسط النفق





الشباب جالسين ينظمون السير



الله يعطيهم العافيه



وهذي الي قبل شوي من زاويه ثانيه

والمطر رجع مره ثانيه والنفق يزيد مويه










رجع المطر وبقوه وانا ربصت ومت برد وجعت





باص متعطل



سياره متعطله وهذي جاني واحد وقال معي حبل وش رايك تسحبها
وسحبناها مثل غيرها



زباله وانتم بكرامه بغت تحوس وتصدم الناس



الشباب يساعدون الناس
عشان يطلعون الأرصفه وشوفو حاطين تراب عشان تنزل السيارات بسهوله



نطيت الرصيف ودخلت الحاره والمطر صار اقوى



الله يعطيهم العافيه





منقوووووووووول من الاقلااع

[يـــزيـــد]

لاحول ولاقوة الا بالله العلي العظيم

البنية التحتية في الرياض صفر

[البيرق الازرق]

الله يعين

والله ماأقول الا

حسبي الله ونعم الوكيل

أخوكـ : البيرق الازرق

[FeRaS]

وفيه شباب الله يعطيهم العافيه مسكرين بسياراتهم ويوجهون الناس للطرق السليمه

أيه والله وهذا والله الي يسعد الخاطر

بس ما شاء الله عليهم والله فاهمين ويوجهونك للأماكن الي المطر فيها أخف ويحذرونك من الأماكن الخطره

القهر صدق عجزت أبي أشوف دورية وحده بس ما لقيت الظاهر كلن هج لبيته

المشاركة الأصلية كتبت بواسطة يـــزيـــد   البنية التحتية في الرياض صفر

أنت متأكد فيه بنية تحتية أساسا ؟؟؟؟؟

[سمحة الخاطر]

لا حول ولا قوة إلا بالله


الله يرحم من مات ويرحمنا برحمته

شكراً لك

[المعنّى]

من جد دجه اجل المرور صار مواطنين

يشكرون على كل ما قامو به المواطنيين والف علامة استفهام لأبو شرارة

[خالد المشاري]

شكراً على النقل والتقرير

الله يلطف بعبادة ويعوض المتضررين خيراً

لا زال على الرياض امطار حتى هذه الساعة 6 مساء من يوم الثلاثاء ،،،

أخوي ولد البلد

في أمان الله وحفظه ،،،