حوار بين الصبايا والشباب .. ابى نصل لنقاط ايجابية

[بنت عشيرة]

لم أقصد أنّ هناك كلام سيء أو خارج عن الآداب
بالعكس الأقلام المتواجدة جدا راقية وتنمّ عن ثقافة واسعة
وأنا لست هنا لأحاسب أيّ شخص عن كلمة خرجت منه لأنها تعكس شخصيته وطريقة تفكيره
والكلام عامّ فلم أخص بكلامي شخص دون الآخر



في انتظار المزيد من الأسئلة والتفاعل
فنحن متابعين لكم

[سمو الاميره]

ان شاء الله يالغاليه
وبإذن الله ماراح احد يفهم غلط

[شموع]

ما حصـّل إلآ الخيـر . .
هيّآ يا أحبتي فلنكمـل الحـوآر . .

امممم في خاطري سؤال لعله عابر مرّ بي أريد ان استفسر . .
باسأل الاخوان الأفاضِل . .

طبعاً الحين أغلب البنات معهم جوالات ،،
وكثير تجي إزعاجات من بعض الشباب .!
وأحياناً يبدون يهددون وأصلا البنت ماعطتهم وجه !
كيف يمكن التخلص من هذه الأشكال !
وشي الطريقة الي تسويها البنت تخلي الشاب يسكت ولاعد يرسل ويزعج . .؟
و وش هي أسباب أن الرجآل يلجأ إلى المعاكسسآت !

[عذبة الصفات]

وشي الطريقة الي تسويها البنت تخلي الشاب يسكت ولاعد يرسل ويزعج . .؟

هلا اختي شمووعه انا بقولك وش الي سويته وحسيته جاب نتيجه

مره كنا رايحين ملاهي وقالت لي امي جيبي جوالك الي مافيه كاميرا
وانا ساعتها كنت مستعجله وبسرعه طلعت الشريحه وحطيتها في الجوال الثاني وصارت الارقام محفوظه في جهازي الاول
المهم رن جوالي واضطريت ارد ((لاني انا بالعاده مااحب ارد على ارقام غريبه )) بس اضطريت لاني مواعده صديقاتي وبرضوا خالاتي
ولما رديت طلع شاب غلطان وسكرت ومن بعدها الله لايوريك سبب لي ازعاج فظيع مع اني من عقب الملاهي مارديت عليه واستمر يدق وحتى شكله يدق من ارقام ثانيه وانا مطنشه
المهم جت في بالي فكره وجابت والله نتيجه ؟؟؟

صرت اذا دق اشغل اذاعه القرآن الكريم او احيانا اشغل مسجل واحط شريط قرآن او محاضره
وصرت كذا من يوم اشوفه يدق اطمر وطيررااااااان اشغل الراديو

والحمدالله بعدها بفتره ارسل لي رساله اعتذار ومن بعدها الحمدالله ماصار يجيني ازعاجات

بس ياقلبوو اهم شي لاتردين على ارقام غريبه مهما كان
لان الي يبيك بيرسل بيقول يافلانه ردي انا فلانه

اوعطي واحد من اخوانك يرد عليه
بس انتي انتبهي لاتردين ابداااااااااااا

وخير انشاءالله ليش يهدد !!!؟؟؟
طنشي هو يبي يخوفك احقريه والحقران يقطع المصران
اذا طنشتي مره مرتين عشر بيمل وبيروح يدور على فريسه ثانيه

الله يستر عللى بنات المسلمين ويحميهم من كل شر

واسباب لجوء الرجال للمعاكسات اسباب كثيره اهمها
الفضاوه والبطاله
الفراغ العاطفي

[رحيق الياسمين]

ههههههههههههه
تعجبينى قموووووووووووره
فعلا الحل الطنيشششششششششش له
لانه مايستمر الا اذا شاف وجه من البنت(هذى الحقيقه
وخاصه الرقم الغريب ..واذا البنت ردت وطولت السانها هذا يخليه يستمر
يسلمووووووو شموعه
سؤال راااااااائع

[سمو الاميره]

فعلا حبيبتي الحقران يخلي الشاب يبعد عن البنت
اذا ماعطته وجه
البنت المحافظه ماراح ترد على الرقم الغريب حتى لو ردت بكل ثقه وسبت وشتمت هذا الشيء يخلي الشاب يزيد عناد
ويشك ان هذي الكلمات بدايه تعارف بينهم فما يمل وراح يحاول فيها
اما اللي ماترد على الارقام الغريبه اللي ماتعرفها فراح تريح مخها من المشاكل ومن الازعاجات لا غلطان ولا معاكس
او تخلي احد يرد عليه زوجها اخوها ابوها
اهم شيء مايسمع صوت البنت
الله يستر علينا وعلى بنات المسلمين
سؤال بهذا الخصوص للشباب لما يكون فعلا الشاب المتصل غلطان كيف يكون كلامه
يعني يعتذر ويسكر او شيء ثاااني
يعني احس الواحد لما يكون صادق يوضح من كلامه
انه صادق
ولو كان غير كذا كيف اسلوبه ؟؟
اتمنى فهمتوني ياشباب بحكم انكم تطلعون وتعرفون تفكير الشباب

[رحيق الياسمين]

المشاركة الأصلية كتبت بواسطة   نسائنا ونساء العالمين إلى أين .. !! انعكست مفاهيم البشرية بهذا الزمان ماالذي يجعل المرأة تتسلط على الرجل وتزاحمه مسؤلياته وصلاحياته ؟ يبدو لي أن بعض النساء مولعة بحمل أثقال الرجال بشتى الوسائل حتى أنها طالبت بمساواته فهي تتسلق مجدها الشخصي عبر أكتاف الرجال متخلية عن فطرتها ودورها التي خلقت له ، نحن معاشر الرجال السبب في ذلك .. تراخينا عن مسؤولياتنا رغبة في الهروب فمن منا لايريد "الهدوء" اصبحنا نقض ابصارنا بالأسواق وننزل رؤوسنا وهي تمشي بأستعلاء وعينها بعينك.. المرأة هي من يعلو صوتها عند المحاسب ،، وهي من تتقدمك بالتسويق ،، وهي من تجادل العامل وأنت خلفها كالعذرى بخدرها المصون ، ولكن يبدو الأمر نسبة وتناسب بالعقليات، وتحت مظلة "الطيور على أشكالها تقع " فأشباه النساء يأخذن أشباه الرجال ،، التي قتلها الحياء بخدرها ماتت ،، التي خدش الجدار جنبها بالطرقات ماتت ،، إلا مارحم ربي

كلام رااااااااااااااااااااااائع
أخوى سمو الآمير
كنت اتصفح مدونة الآخ سمو
وطحت على هذا
يعطيك العافيه.
انتظر التعليق

[سمو الاميره]

وين الشباب شكلهم خافوا هههههههههه

يعطيكم العافيه بنات

[زهور]

وينكم ياناس هجدتو مره وحده

[Dam'3ze]

الحقران يقطع المصران ...|~
ولا اعطيه اي رجال عندي ...!
ويتفاهم معااه ..|~

[سمو الأمير]

المشاركة الأصلية كتبت بواسطة رحيق الياسمين   كلام رااااااااااااااااااااااائع أخوى سمو الآمير كنت اتصفح مدونة الآخ سمو وطحت على هذا يعطيك العافيه. انتظر التعليق

بارك الله فيك أختي رحيق ، وشكراً على هذا الإقتباس ،، ودخولك للمدونة
أين المنتقدون لماذا لايكملوا النقاش ، أم للنقد طعمٌ آخر ..

[شموع]

طبعًا للنقد البنّاء طعمٌ آخـر . .

[سمو الأمير]

النقد البناء يبني والنقد الغير بناء يهدم
لابد أن يكون طعم النقد بمذاق رحيق الياسمين

[رحيق الياسمين]

سؤال العزوبيه
ليش دائما غرفتك محيوسه ؟
واذا دخلت المطبخ تحوس؟
هههه

[سمو الاميره]

كلامك اخي سمو في محله سبحان الله فكما ان النساء يختلفن فالرجال ايضا يختلفون فمن الرجال من يرفض ان تتحكم زوجته او هي من يقوم بقيادة المنزل ومنهم من يترك للزوجه الحريه لا اعلم هل هذا كسل ام ثقه في الزوجه
هناك الكثير من الزوجات المحافظات والاتي يمسكن قيادة المنزل وتنجح في ذلك مع مساندة الرجل لها ف بعض المواقف <<وهذي صراحه تعجبني متمسكه بدينها محافظه على بيتها وعيالها حتى اذا سافر زوجها او شيء ماينخاف عليها ولو احتاجت شيء فيه اختلاط بالرجال او واجهتها مشكله تلجأ لزوجها ..
وبعضهم من تقوم هي بكل شيء ومسحت بتصرفاتها واجب الزوج لبيته واولاده فهي التي تنزههم وتشتري لهم كل مايطلبون دون الرجوع للاب حتى امام الابناء لهيبة الاب
وعمل حساب له <<<هذي عندنا يسمونها الرجاليه ماتهاب احد وتكلم الرجال وتتفق معهم على ماتشتريه وعلى الدفع وكل شيء <<هذي عاد يقالك موظفه مهب بحاجه ومتى الرجال على قولتها يفرغ لنا ويفرغ لطلباتنا .
اعرف وحده تتفق مع مدرس لولدها يدرسه في الامتحانات
وتتفق معه على السعر بالجوال وهي عندي يوم سكرت قالت الله يعين على هالعيال ومدرسينهم قلت ليش ماتخلين زوجك يتفق مع المدرس قالت يااااليت بس هو مخلي علي كل شيء يقول انتي دوري مدرس واتفقي معه فكيني من وجع الراس <<<<لا تعليق
وبعض الزوجات ماتطلع ولا تروح ولا تبي تجلس بالبيت الا زوجها معها الحمدلله رب العالمين
تخاف تقعد لحالها في البيت وماتطلع للسوق الا هو معها عشان يمسكها قدام الناس ويتمشون بالسوق <<<هذي انا الصراحه انقد عليها خير بزر ؟ وينا فيه في ماليزيا والاتركيا
فما تدري هل الرجل هو السبب بمشاركة الزوجه له
ام الزوجه هي السبب بذلك
والناس يختلفووون سبحان الله
*عن النبي صلى الله عليه وسلم أنه قال : من يعش منكم بعدي فسيرى اختلافا كثيرا ، فعليكم بسنتي وسنة الخلفاء الراشدين