السلام عليكم,,
قصيده اتمنى ان تعانق اعجابكم ..
..
.
سم حالي وغم بالـي وتـم غالـي لـو يغيـب
وضاق جوه وعاق نوه وباق ضوه كـل شـوف
أثر مزنه كـر حزنـه و غـر وزنـه فالحبيـب
وشد ليلي وسد سيلي وهد حيلي مـا يـروف
ما درابـي مـا جرابـي يـوم سرابـي فالمغيـب
قمت أغنـي كنـي جنـي دق فنـي بالدفـوف
قال وشبك قلت حبك قال طبـك يـا طبيـب
عطني عزه كـل حـزه فيهـا رزه وإمعـروف
قال بعدنا ثم نشدنـا ولـك وعدنـا بالنديـب
مير عشنا وإبتلشنا فـي وحشنـا يـا مخلـوف
قلت قصدك قال حـدك مـا نلـدك للعطيـب
قلت نقوى كل هقوى لـو سقـوى بالرشـوف
منك جمره كنها عمره عنـدي تمـره او زبيـب
بس وضح لا نـروح و البلـح فيـه القطـوف
قال شاكي منه باكي ولو أحاكـي فيـه عيـب
قلت غالي قال سالـي عنـه جالـي ومخطـوف
قلـت منهـو قـال نسهـو أو نلهـو يالبيـب
لا إتعبـر مـاا إنتذكـر ولا إتحيـر بالوقـوف
جاني عاني فـي مكانـي ثـم خذانـي بالنصيـب
وأنت غايب وفكري خايب والحبايب وسط خوف
وأنت ستري وأنت فكري وأنت عمري والطليب
وأنت شوقي وأنت موقي وأنت روقي ومعـروف
قلت بحري وسط نحري شق صـدري باللهيـب
وليت إغيابي فيه إنصابي قـد رمابـي بالحتـوف
قال أضمك قلت أهمك قال ألمـك دون ريـب
أنت منايه وكل غايه وأحلى آيـه مـع طيـوف
فيك نحلم و انت تعلم ولا تسلـم مـن قريـب
قلت نااري في وجااري و إعتبـااري بالسيـوف
قال ولعنا ثم دمعنـا ولـك رجعنـا بالمشيـب
مير ودي باح سـدي وبـان هـدي بالعـزوف
قلت عقلي زااد غلي ودق طبلي لـه يـا ذيـب
وكن جنه هاض سكنه و قال فنـه أووف أووف
إيه أحبه وصـف طبـه شـوق لبـه للحبيـب
وسم حالي و غم بالي و تم غالي وسـط جـوف
..
وسلامتكم..
15-12-2009, 07:52 PM
العرض العادي
