مرثيه في سليمان العمر

[محمد العبيد]

هذه قصيده رثاء قلتها في زميلي المرحوم إنشا الله سليمان العمر والمتوفى عام 1415هـ

غفرالله له ولوالدينا ولجميع المسلمين

[POEM="font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العقل حار وهلت الدمع عيني = من يوم قالوا صاحبك راح مثواة
ذهلت مدري حلم و الايقيني = وهلت دموع العين من يوم شفناة
فوق النعش للمقبرة مسرعيني = يبيدفنونه جعل يرحمه مولاه
والموت حق وكلنا خابريني = لكن ياليت الموت ما جاه ما جاه
ليته يدور من قصار اليديني = اللي مفارقهم على النفس ما احلاه
والا خساسٍ كلهم فاسديني = نقصٍ على الدنيا وجوده وفقداه
الله يعدي شر غدر السنيني = يا ما تمزحنا وسولفت وياه
من قبل ما يدفن بلبنٍ وطيني = كلٍ يعرف البيت لاضاق ينصاه
بيته ملاذ وفاتحه كل حيني = مشهور في حيه من ادناه لاقصاه
يا بومحيسن لو يفيد الونيني = ونيت ونه تشبه الذيب بعواه
والا كما ونت كسيرٍ رهيني = عند العدو مربوط رجله بيمناه
والحمدلله كلنا قانعيني = ماقدر المعبود لابد نرضاه
هذا من الخاطر وبوح الكنيني = عساه للجنه عقب ترك دنياه
وصلوا على الهادي رسولٍ أميني = أرسله ربه بالهديات وأملاه [/POEM]

[عبدالله بن سعود]

الشاعر ..........محمد العبيد

قصيدة وفاء وقصيدة صادقة
رحم الله الفقيد سليمان العمر
رحمة واسعة
واسكنه فسيح الجنان

وصح لسانك

[علي القديري]

صح لسانك اخوى محمد العبيد

والله يرحم سليمان العمر وجميع موتى المسلمين

تحياتى

[سعود الخليل]

صح لسانك يا ابو عبد المحسن ورحم الله الأستاذ سليمان العمر .... وجميع موتى المسلمين ...