الي رايح دبي يدخــــــــــــــل

[أنس الجريوي]

السلام عليكم ورحمة الله وبركاته


عند واحد من اخوي بيتزوج وبيروح دبي

و اول مره يطلع برا السعوديه في حيااته

ولا يعرف شي في الامارات

فا ياليت تعلموني عن اسعار الفنادق

وش افضل الفنادق من ناحيه الخدماات

وهل الافضل له ان يسكن في دبي او في الشارقه ؟؟؟

وياليت الي عنده خبر يعلمني كم اسعار الفنادق وماهي خدمااتهم


يعني الرجال يبي اسعار معقوله وحلوه


موب الواحد يقول الافضل فندق برج العرب



اتمنى منكم المساعده


لان الرجال بيتزوج ولا يعرف شي ابد



تقبلوا تحيااتي


اخوكم / ابو مالك

[بنت زايد]

وعليكم السلام ورحمة الله وبركاته ..

فالك طيب يا خويه .. ما طلبت أبد ..

إن شاء الله بييب لك كل المعلومات إلي تحتاجها مش بس دبي والشارجة <<

بوظبي والعين وعجمان وإلخ كل إمارات الدولة بإذن الله ..

بس غدا إن شاء الله إذا ما عندك مانع .. !!

والسمووووووووحة ..

[يـــزيـــد]

السلام عليكم

لا يفتى ومالكم في المدينة >>

خلاص شهد شاهداُ من اهلها >> والله يانا حست الدنيا هعخخخخ

يعطيك العافية بنت زايد وننتظر المعلومات الكاملة عن بلدنا الثاني الامارات العزيزة

[X-Ray]

هلا بك ابو مالك

بالنسبة للفنادق الفخمة في دبي وخدماتها راقية عندك فندق جراند حياة يطل على خور دبي وفي موقع جميل سعر الليلة يقارب 900 درهم ولو راح لم الصرح أو الطيار بيلقاه بسعر ارخص ..

الشارقة ايضاً رائعة وفنادقها ارخص من دبي ونظيفة

عموماً هذا موضوع سبق وان طرحته يحتوي على ابرز المعالم السياحية في دبي اتمنى يفيده

http://www.sudeer.com/vb/showthread.php?t=47180

[أنس الجريوي]

المشاركة الأصلية كتبت بواسطة بنت زايد   وعليكم السلام ورحمة الله وبركاته .. فالك طيب يا خويه .. ما طلبت أبد .. إن شاء الله بييب لك كل المعلومات إلي تحتاجها مش بس دبي والشارجة << بوظبي والعين وعجمان وإلخ كل إمارات الدولة بإذن الله .. بس غدا إن شاء الله إذا ما عندك مانع .. !! والسمووووووووحة ..

الله يعطيك الف عافيه


ماتقصرين والله بس ياليت اعرف اسعار الفنادق بس الفنادق الي يبيها الرجال
تكون اسعارها معقوله جداا


شاكر لك تعاونك

[أنس الجريوي]

المشاركة الأصلية كتبت بواسطة يـــزيـــد   السلام عليكم لا يفتى ومالكم في المدينة >> خلاص شهد شاهداُ من اهلها >> والله يانا حست الدنيا هعخخخخ يعطيك العافية بنت زايد وننتظر المعلومات الكاملة عن بلدنا الثاني الامارات العزيزة

وعليكم السلاام حيا الله يزيد

والله بنت زايد ماهي مقصره


اي والله انت الصادق الامارات بلدنا الثانيه


وشاكر لك مرورك الكريم

[أنس الجريوي]

المشاركة الأصلية كتبت بواسطة X-Ray   هلا بك ابو مالك بالنسبة للفنادق الفخمة في دبي وخدماتها راقية عندك فندق جراند حياة يطل على خور دبي وفي موقع جميل سعر الليلة يقارب 900 درهم ولو راح لم الصرح أو الطيار بيلقاه بسعر ارخص .. الشارقة ايضاً رائعة وفنادقها ارخص من دبي ونظيفة عموماً هذا موضوع سبق وان طرحته يحتوي على ابرز المعالم السياحية في دبي اتمنى يفيده http://www.sudeer.com/vb/showthread.php?t=47180

الله يعافيك الرجال مايبي فنادق فخمة

ولا بعد سعرها 900 درهم


طيب وش اسامي الفنادق الي في الشارقه ؟؟


والله يعطيك العافيه على الرابط

[X-Ray]

بالنسبة للشارقة فيه منتجع راديسون ساس على شارع الكورنيش سعره مايقارب 500 درهم في الليلة ويعتبر من افخم الفنادق ..

فيه فنادق كثيرة في الشارقة ما اذكر اساميها لكن اسعارها ارخص من دبي بكثير وارقى ..

[بنت زايد]

السموحة أخويه على التأخير .. بس حبيت أذكرك تراني ما نسيتك ..

بس يالسه أدور أشياء مرتبة ..

إن شاء الله بالكثير باجر بتيك العلوم بإذن الله ..

كل التقدير ..

<< أخويه إكس ري ما قصر ما شاء الله .. عليه .. يزاه الله خير ..

[عالم ثاني]

فيه شقق فندقية راقية جداً على طريق القرهود خلف فندق سحاب اسمها الجوهرة
فاخرة جداً وتضم 3 غرف نوم بحماماتها ومطبخ وصالة وغرفة طعام وشرفة مطله على كامل الشقة
وغرفة غسيل ومصنف من دائرة السياحة على ما اعتقد بـ 3 نجوم
ونادي رياضي ومسبح وساونا نسائي وأخر رجالي وخدمات غرف رائعة وموظفي استقبال وغرف لبقين وانيقين جداً

السعر غالي شوي بس بالنسبة للمميزات رخيص
انا اخذتها بالصيفيه وفي عز مهرجان دبي للتسوق (اي في اغلى موسوم) بحدود 1150 ريال سعودي
وعندهم شقق اصغر وارخص وفيه ايضا فندق سحاب مميز وكثير من زوار دبي بمنتدى المسافرون العرب يمدحونه وانا سألت فيه مره لقيت سعر الاامة فيه لشخصين بسويت بـ 500 ريال سعودي

اما الشارقة فما عندي خبر فيها عن شقق تصلح لواحد معرس جديد فكل الشقق التي اعرفها متواضعة نسبياً واسعارها من 150 ريال إلى 500 ريال حسب النظافة والموسم

واتمنى اني اكون افدتك

[ابو مشاري]

ان شاء الله بنت زايد ما تقصر
عووافي بنت زايد

[بنت زايد]

هلا أخويه أبو مالك << إسمحي لي تأخرت عليك ..

بالنسبة لاسعار الفنادق والشقق الفندقية سواء كان في دبي أو الشارجة ..

يعتمد على الموسم ..!! << متى بيي ..!!

إذا مثلا زارنا في مهرجان دبي للتسوق نوعا ما يكون كل شي غالي .. وحتى مفاجآت صيف

دبي يعني في الصيف .. وبيني وبينك دبي والشارجة في هالوقت تكون ززززززحمة ..

<< نحن عيال البلاد وما نحب نروح لهالاماكن في الزحمة ..

وهذا الموقع يمكن يفيده ..

http://www.dubaicityguide.com/main/index.asp

وصح الطريق المؤدي من وإلى دبي والشارجة هذا الشارع وااايد زحمة ..

عشان جيه بالضبط أريد أعرف هوه وين يبا .. إذا له بارض < خاطر يسكن في الزحمة عادي يعني

فيه فندق هوليدي إن روعة وخصوصا إلي في الشارجة وايد حلو وأرخص بوايد عن إلي في دبي

بس أرجع وأقول يعتمد على الموسم .. لانه في هالايام أصلا الدولة تكون كلها سياح وزحمة ويالله

يالله إن لقيت مكان أصلا .. عموما هذا رابط تقدر تدخل فيه تلقى مجموعة فنادق الانتركونتيننتال

http://www.ichotelsgroup.com/h/d/hi/...equestid=59619

تقدر تشيك الحجز والسعر وإلي تريده وأعتقد الليلة حاليا تبدأ من 400 درهم وفوق ..

حسب الغرفة والشكل وعدد الاشخاص وكل شي ..

<< إذا ما عرفت كيف أنا في الخدمة .. وفالك طيب .. إن شاء الله ..

طبعا الرابط إلي فوق الفنادق الموجوده في الشارجة بس ..

أما إذا كنت حاب فندق في دبي تقدر تغير من هالموقع

http://www.ichotelsgroup.com/h/d/hi/...FQVhMAodyxCC7Q


.. تدخل وتحط الدولة .. عقب تحط المدينة

وتشوف الفنادق تختار إلي تباه وتضغط عليه وتحدد التاريخ وكم ليلة وتختار المواصفات

إلي تريدها عقب تشيك بتلقى السعر وكل شي وإذا موجوده الغرفة أو لا ..

<< وإحجز من النت أفضل لانه أرخص من أنك تروح عندهم وتحجز ..

هذا بالنسبة للفنادق .. بالنسبة إذا رايحين لدبي كشته يعني .. ترى دبي ما فيها غير مراكز

التسوق فقط .. والبحر طبعا .. يعني دبي كلها مراكز من إمارات مول وإبن بطوطة مول ..

والريف مول وحمرعين وسيتي سنتر وبرجمان وإلخ .. يعني مراكز بس .. وتسوق ..

الشارجة كذلك فيها مراكز بس مش وايد مثل صحارى مول وميغا مول وفيه السوق الاسلامي بعد

أما إذا كنتوا حابين سياحة يعني أماكن ومنتزهات .. دبي فيها حدايق شوية << عني أنا ما أعرف

وينهم ..

وإمم شي ثاني أبا أعرف المدة كم بيقعدون عندنا إذا مثلا إسبوعين شي حلو .. يروحون

بوظبي والعين ودبي والشارجة .. << وايد حلو وزين بيستمتعون إن شاء الله

بوظبي مثلا فيها 3 مولات بوظبي مول والمارينا مول والوحده مول والباقي محلات

واااااااايد وكبيرة بس على الكورنيش ووايد حلوات بعد << عني أنا أحب بوظبي أكثر عن دبي

والشارجة .. وبوظبي أهدى بوااايد عن دبي والشارجة .. شي ثاني بوظبي فيها قصر الامارات

يعني إلي يبا يدخل داخل ويتحوط وإلي يبا يقعد يتعشى فيه وإلا كوفي أو أي شي عموما الدخول

للقصر مجانا .. بس الاكل طبعا بفلوس ونوعا ما غالي .. << بس يستاهل القصر فخم جدااا

وفي نظري أحلى عن برج العرب بمليون مررره .. << برج العرب الدخول أعتقد 200 درهم

شامل الاكل هذا إلي سمعته بس قصر الامارات الدخول مجانا ومش شرط تاكل فيه يعني

لو كنت تبا تتحوط بس عاادي ..

<< وإذا مريش وعندك فلوس إسكن في قصر الامارات في بوظبي بس غالي طبعا

أعتقد أغلى سويت عندهم ب51 ألف لليلة الوحدة <<

بس الغرف أعتقد ب2000 يمكن الله أعلم .. << طبعا هاي معلومات إضافية مش لازم تسكن

في بوظبي ..

وهذا موقع قصر الامارات تقدر تتحوط فيه وتشوف ..

http://www.emiratespalace.com/ar/home/index.htm

فيه فنادق بعد في بوظبي كشخه ونظيفة ومش غالية وايد ..

<< إذا تحب تعرف خبرني عشان أدور لك ..

بالنسبة لمدينة العين .. فيها تقريبا العين مول والجيمي مول بالاضافة إلى مراكز تسوق ثانية ..

متركزة في وسط المدينة .. أيضا المتاحف وقصر الشيخ زايد الله يرحمه القديم ..

وأهم شي جبل حفيت ومبزره الخضراء .. << جبل حفيت في أعلى القمة يوجد فندق الميرديان

إلي يبا يسكن في القمة يعني .. وتحت جبل حفيت مبزره الخضراء .. منطقة طلع فيها ماء حار

<< ومزروعة وكلها خضراء رووووووعة المنطقة وفيها مسابح خاصة للرجال وبعد مسابح

للحريم .. << ولا مره دخلته طبعا ..

وفيه شاليهات للي يحب يسكن هناك ..

وهاي صوره من مبزره ..

http://img103.imageshack.us/img103/6884/c23ej3.jpg

إن شاء الله أكون أفدتك يا خويه حتى لو شوية ..

<< المشكلة أبا أعرف هم وين يبون هل يايين تسوق وإلا يايين حواطه .. كشته يعني ...

لانه هذا يعتمد وبس ..

وأي شي ما فهمتوا له سواء كان كلامي بالاماراتي أو أي سؤال أنا حااضره وفالكم

طيب إن شاء الله ..

والسموووووووووووووووحة على التأخير والقصور ..

ربي يحفظكم ..

[بنت زايد]

والله يعافيك يا خويه بو مشاري ..

يزاك الله خير ..

[فهد المنيع]

الاخوان والاخوات ماقصروا


فنادق دبي غاليه شوي بسبب الازدهار السياحي عندهم والمهرجانات ..


انا رحت لها قبل تقريباً سنتين ونصف واخذت فنادق اسعارها من 400 ريال الى 1050 ريال بس ذيك الايام كنت مطنوخ والحين


الله يوفق المعاريس ويجمع بينهم في خير