مكونات عزبة البــــــر

[الجنوبي 2000]

مكونات عزبة البــــــر


لتحقيق جميع الرغبات من عزاب أو عوائل سواء كانت فترة الكشته طويله أم قصيرة ........ أو إذا أردت التأكد من وجود جميع مكونات العزبه ماعليك إلا أن تطبعها وتتأكد منها قبل الرحيل.

**** أدوات عزبة البر****

1/ عزبة الطبخ
2/ مــــاء + مياه صحية + حافظة ( ثلاجة )
3/ جهاز كنود أو أيكوم + إريل * وركب قاعدة إذا مار كبت + فيوز احتياطي لسلكه
5/ جهاز قارمن أو ماجلان + بطارية + فيوز احتياطي لسلكه + بوصلة + خرائط + إحداثيات
6/ فــراش + **** فرشه " بساط "
7/ شنطة تـشمل ( بعض الملابس الداخلية * شراب * شماغ * مداسيس * جزمة وانتم بكرامه * بجامه * بشت* فروه * سديريه *طربوش ****** وشف اللي يجوزلك خذه )
8/ ماطور هواء + عيار هواء + رقع تيوبلس وعدة الرقعة + بلف هواء + مفتاح عجل + سيور إحتياطيه
9/ عدة فك وربط **** واير سحب ****
10/ كشاف + بطارية + لمبة وسنارته + شمعة لمبة إحتياطيه
11/ فاس وكريك ( شيول ) ودسوس للحطب
12/ الطير وعدته من حمام أو سمان ودس وسبوق وشبكه إن كانك راعي طيور.... الله يعين المولع بالطير.
13/ حطب + فحم + كبريت + ولاع فحم وخياش للحطب والله يخلي خياش الشعير بالبر.
14/ خيمة + أطناب.... أو رواقات أو شراع أزرق + حبل أو سبته للفرش فوق الشبك.
15/ ساعة خراشة إذا كنت خايف على جوالك من المطر المفاجئ لصلاة الفجـــــــــــــــر.
16/ دورق ( جيك حمام ) أعزكم الله ........ لي ( هوز ) لسحب البانزين.
17/ كاميرة تصوير أو كاميرة فيديو + أفلام + شاحن كاميرة + شاحن جوال للضرورة.
18/ أشرطة أناشيد لأنه يعتبر من الرفقة الطيبة مع الزقرت الطيبين .
19/ أدوات طبية ( لصيق جروح * مقص صغير * شاش * قطن * مضاد سم * فيفادول + بنادول + مـــــره + مسمار لتوقيف الدم + ملقاط شوك + إبره + خيط + مشرط صغير )
( عزبة الطبخ )
قدر كاتم + صفيرته + قدر إضافي + مقلاة كبدة ( مقرصه ) + بلامات أو تباسي + ملاس + قطاعة بصل (أنصحكم باليابانية ) + ملاعق + سكاكين ( خضره *وذبح* مسن سكاكين ) + أباريق + بريق تفويح + دله بغدادية+ شريعة دلة + ملقمة قهوة + دلة حليب + بيالات + فناجيل + كاسات ورق للحليب لأنه يصعب تنظيف البيالات بعد الحليب وتستهلك ماء + صحون نواشف ( ورق أو غيرها ) + مفك صلصه + نجــر + ملقاط + مركابة + دافور أو عين غاز + كبريت + ذراية + أصياخ شوي + قصدير+ أو صحون قصدير للتوفير + طاسة موية (غضاره) + /////// مأكولات ///////// سكـــــــر + شاهي + قهوة ( مطحونة وغير مطحونة ) + هيل + مسمار + زنجبيل + فلفل أسود + تمـــــر + قشطة المراعي + حليب السعودية والا الرعيان مايقصرون + طحين بر + زبدة + زيت + مــــــلح + بهارات + صلصه + دارسين + ليمون أسود + ليمون أصفر + طماط + بصل + خيار + جزر + كراث + يوسف فندي + برتقال + تفاح + حبحر + ثوم قرع + كوسه + رز + مكرونة + خبز + شابوره + قرص عقيلي + ثـــــــلج * مياه صحية * + لحمه + كبدة + معلبات ( فول* قشطه * جبن سايل كرفت* لا تحرص على الطحينيه (الحلاوة ) إذا ضروسك لك عليهن * بيض للشكشوكه ...... أحب جميع الفواكه وبالذات الباض هههههههه ( مشروع تسمين )
وأهم شي / اكياس زبالة وانتم بالكرامة * أكياس لحم *سماط* صابون * ليفة سلك وسفنجة ** مناديل
وش رايك تشري قلص وتشيل بيتكم كله ههههههههههه
نأسف للإطالة لكن لتحقيق رغبة جميع الكشاته سواء عوائل أو عزاب ولفترة طويلة أو قصيرة
وبالختام لانرجوا منكم إلا الدعاء ........ جل من لا ينسى

منقول

[عمر بن عبدالعزيز]

عافاك الله أخوي الغالي

شاكر لك هذه المعلومات

دائماً الحرص في مثل هذه الأمور واجب حتى تستكمل متعة الرحلة

سلمت وباركـ الله فيك

[سعود الموسى]

شـكــ وبارك الله فيك ـــرا لك ..


. لك مني أجمل تحية .

[معشي الذيب]

الجنوبي 2000


من الي بيشيل ويركب ها الاغراااااااااااض هههههههههه


تراني عجااز وماحب الشيل والحط ههههههههههههههههه


شكرا لك على الاغراااااااااض وراح اجيب هندي يشيل عني

[مضيعه شباصتا]

جل من لا ينسى


بــــــــــــــــــــــــعد بااقي اشيــــــــــاء نسيتهااا؟؟!!

[ولد هيلة]

اوما عاد كل ذا

والله يبغالك سطحة للاغراض

ههههههههههههههههههههههههه

اقول يازين الاندومي بس

[الجنوبي 2000]

المشاركة الأصلية كتبت بواسطة عمر بن عبدالعزيز   عافاك الله أخوي الغالي شاكر لك هذه المعلومات دائماً الحرص في مثل هذه الأمور واجب حتى تستكمل متعة الرحلة سلمت وباركـ الله فيك

لاهنت اخوي عمر وحياك ربي على مرورك الطيب

لك ودي

[ابو هاجر]

بيض الله وجهك يالجنوبي


يمديك تسكن بالبر على هالأغراض

[نواف بن ناصر]

يامال العافية أخي الجنوبي 2000

على الموضوع المهم والمميز صراحة واكيد فيه فايدة للجميع

سلم ربي يدينك على هالنقل الموفق

تحيتي لك ودمت بخير

[الرزينة]

كفيت ووفيت ماشاء الله تبارك الله

بس أحسها عزبة ناس مطولين وحقين بر حق وحقيق

مهوب مثلنا مقلى نحمس فيها الحب ومارشلمو نشويه على النار مع شوكلاته

مع إنا نطبخ وونفخ في البر والله بس حركات الحريم لابد منها

عندي عزبة صغنونه حلوه وفيها اشياء كثيره من اللي ذكرت
<< بغت تزاعلها بنت خالتها يوم درت إن عندها عزبة

يعطيك العافية أخوي

[سمو ذاتي]

::

موضوع رائع ,,

ورا العالم ارتاعت من كثر الأغراض ,

ترا كلها ضروريات ,, وتنحط مع بعض , يعني مو كل شي لحاله

بس يبي لها تقسيم صح ,,

عدة مطبخ , عدة طبخ , و عدة حمام وانتو بكرامه ,, وعدة نظافة

واذا تقسمت طلعت معاكم نفس الأغراض ويمكن أكثر ,

مشكوور وماقصرت ,,

بس نسيت شي مهم ..

نظارة شمسية ومناديل معطره ,, هع هع

واكيد شبسات وشوكلاتات,,

و أمير الرحله ( الببسي ) ,,

ومن جد مشكور
::

[الجنوبي 2000]

المشاركة الأصلية كتبت بواسطة معشي الذيب   الجنوبي 2000 من الي بيشيل ويركب ها الاغراااااااااااض هههههههههه تراني عجااز وماحب الشيل والحط ههههههههههههههههه شكرا لك على الاغراااااااااض وراح اجيب هندي يشيل عني

وش دعوه يا الغالي نشيل عنك ههه

اقول انت الي بتشيل غصب وراء خشمك اجل الحرمه من يشيل اغراضها هه

لاهنت على المرور الخفيف والطيب

[الجنوبي 2000]

المشاركة الأصلية كتبت بواسطة مضيعه شباصتا   جل من لا ينسى بــــــــــــــــــــــــعد بااقي اشيــــــــــاء نسيتهااا؟؟!!

طيب اذكرها لاجل نتسفيد

لاهنت

وشكرا على مرورك الطيب

[الجنوبي 2000]

المشاركة الأصلية كتبت بواسطة ولد هيلة   اوما عاد كل ذا والله يبغالك سطحة للاغراض ههههههههههههههههههههههههه اقول يازين الاندومي بس

هههه تقوله انت ههه يا زوول

مشكور على مرورك يا الطيب

[تميماوي]

عفاك الله اخوي