[align=center] يسرني أن أشارككم بهاتين القصيدتين بيني وبين أخي العزيز صالح بن حسين التمامي (أبو حسين)
أرجو أن تحوز القصيدتان على رضاكم
أخوكم : عزيز[/align]
[poem=font="Simplified Arabic,4,black,bold,normal" bkcolor="transparent" bkimage="backgrounds/15.gif" border="double,4,black" type=0 line=0 align=center use=ex num="0,black"]
أرسل لي أخي العزيز صالح التمامي هذه القصيدة المعنونة ب :
مظلوم وباغ
القصـــيد اللي كـتـبـته ماكـتـبـته من فـــراغ=الســـبب نــارٍ تــواقــد وتّلظى بلا حطب
شبـــهــا من لا توقـــع عن طــريق الحــب راغ=وصـاب عقـل اللي يفكر بالهـوى وأهله عطب
ومشكلــة راع المـحبـة الإصـابـة بالدمـــاغ =الفـــكر ينشل عـنـــده وقلبه المسكين طب
في هوى من كنت حبه شايله أغلى مصـاغ =والمسافـــة لجـــله أطـــوي لـو بهـا مية مطب
والمصــيبــة يوم جيـــته إعــتــذر والقـــلب زاغ=صـرت مثل اللي بليــلٍ مـادرى ويش احتطب
كيف ألا وشلون مدري للعذر وشلون صاغ=وكـــان هو سبة مسيري وللمـــودة كــم خطب
لــــيــه يادرب المحبة فيك مظــلومٍ وبـاغ ؟ =كــيف يظلمــنــي ويقسى لــيه للماضي شطب
آه يـــامــن لي بــيــفـــزع موقفــه هل يستساغ ؟=وجرحــي اللي به تسبب يمكـن إنـه يستطب ؟
صالح بن حسين التمامي
وقد قمت بالرد عليه بهذه القصيدة :
شيص ورطب
يازعيـــم القـاف والحــب فكـك الله كل فـــاغ=أنت في فـنك زعيمٍ خاسرٍ من له نطب1
المحـــــبــة يابن عـــمـــي فعــلهــا والله طـــــــاغ=الهـــــــوى جرحــه كليفٍ مايعــالج بالقطــب
ويوم تسـأل يابن عـمـي .. موقفـه مايسـتساغ=وجرحك اللي به تسبب إيه والله يستطب
قــال سيــدنا محمـد والحـديث أصــدق بــلاغ=( كل داءٍ لــه دواءٍ ..) ومهنا جـرحٍ ما يطب
والصـــبر أحســن وسـيلة وكـل نــــورٍ لانـبـــزاغ=ومن يذوق الشيص مرة ما يبي غير الرطب
باكــر تلاقــي حبيـبة تسعــدك ولهــا تنـــــاغ=وتبري حـــروقٍ بقلبك عقب كويات العطـب
ومن هجرك أهجره خله مايساوي قرش ساغ =ذوقـــه صــدك وبعـــدك وقله اسمك انشطب
لاتخـــلي قــيــد حــبـــه يحــكمــه بـين الرســـــاغ=وقلبـــك اللي كان ملكــه قل لغيرك انخطــب
وأغلب الترفات ثعــلب طبعهــن كثر الرواغ=يســلبن قــلــب الهــواوي ويتركنه لانعطــب
لو تلـــف الكون كله من دبـــي إلى بــــــراغ=طبــعهـــن مايغــيرنه تشــهد أشعـار وخطب
مثلهــن مثـل أجنـبـيٍ ما يخــفيــه الشــمــــاغ=لو تكلــم ينكشف لك والحطـب عنـده هطــب
وكل قبـــــحٍ يابن عـمـي ما تزيـــنــه الصبـــــــاغ=لا يغـــــرك لو تشوقـــك لمـعتـه كـنه اسطب
ومن حطــب في خرمسيــة ماأمن شر اللـداغ=البلا جابــه لنفسه يوم في الليل احتطـب
وأنت ياراع المحبــــة ليه تكتب هالصيـــــاغ=شطــرك الأول بآغ وشطــرك الثانـي بطــب
والعــذر ثم السمــوحة يالفصيح أنحن لتــــاغ=قــــافــكم بســتان ورد وقــافـنا شـوك وقطب
1- نطب : خاصم
عزيز[/poem]
11-10-2004, 03:12 PM
العرض المتطور
