حلى الاوريو والمارس "بالصور"

[عبدالعزيز]

السلام عليكم ورحمة الله وبركاته

مساكم الله بالخير << جالس يضحك عارف انكم مستغربين ان رجال يسوي حلى

تعرفون الواحد متلحط في نجران لاشغل ولا مشغله وتعبت من الطبخ والنفخ .. وقلت خل نبحر في عالم الحلويات عساي افلح وافتح محل وانافس ذولاك اللي في الشرقية اللي يسوون حلى في البيوت << توه عارفهم

تراكم صجيتوني بالبربره خلوني اركز

جالس اسبوع اكلم اهلي عشان هالحلى يقولون موبايلي كسبت ذاك الاسبوع ارباح غير طبيعية

بسم الله ,, نبدا

المقادير مثل ماهو واضح في الصورة

بسكوت شاهي , نص زبدة , حبة مارس , بسكوت اوريو , كارميل , قشطة , جبن كيري , حليب مركز نستله , شعيريه





ندق البسكوت ونحطة في الخلاط ونضيف القشطة والزبدة << طبعا نموع ولا نسيح الزبدة قبل نحطها في الخلاط افضل بس اني غلطت مدري نسيت



اذا خلطناه في الخلاط نعجنه ونحطه في القوالب



نكسر الاوريو والمارس ونحطة في القوالب



نحط في الخلاط نص علبة حليب محلى + 3 حبات جبن كيري ,,



نصبه فوق الاوريو والمارس ( وسط القوالب ) وندخلها الفرن 5 دقايق تقريبا عشان تتماسك وتتشقر ,, ثم نضيف عليها شوي كارميل



نحط الشعرية في مقلى ونحمسها شوي لين تتشقر شوي ,, ثم نحطها فوق الحلى



نحطة في الثلاجة لين يبرد ,, بكذ انتهينا ,, ونشوف الشكل النهائي





اتمنى ان ينال الاعجاب

[عبدالله الفـارس]

الله الله عزوز

وش هالشغل وش هالسناعة

نظافة + اتقااان + طعامة

بدددعت يابعدي و إن شاء الله تذوقنا هالحلى من يدينك بالصيفية

عافاك حبيبنا

[أنثى المطر]

ماشاء الله تبارك الله

والله شغل مرتب
حلو والله الفراغ يسوي كذا
المره ثانيه نبغى حلى عشاء

والله مبدع يعطيك العافيه
أطيب تحيهـ

[بنت محمد]

امممممممممممممممممممممم

شكلها روعه

[مهنآش]

حركـآت وبركـآت ،،
وآلله شغل نظيف وححلو
بوركة آخي عبدالعزيز
جزآك آلله خير

[The BeST]

وعليكم السلام ورحمة الله وبركاته

ماشاء الله تـــبارك الرحمن

إبداع وشغل نظييف وشكل مرررتب .. لكن ليتك مكثّر من خلطة الجبن والحليب !!

واضح من الشكل إنهاا لذيذه ماشاء الله

الله يعطيكم العافيه ويبارك فيكم ..

[أمورة سدير]

مشاءالله تباركـ الله

يعطيكـ الف عاافيهـ أخي

وتــســـلم أيــديــنـكـ،،،

[سمحة الخاطر]

ما شاء الله تبارك الله

رجال يسوي حلى ما تجي حدكم كبسة ضبان

شغل نظيف

عافاك الله

[اخت هايدي]

والله غطيت علينا يالحريم
ماشاء الله تبارك الله
الله يحرم يدينك عن النار ووالديك

[عبدالعزيز الفهيد]

ما شاء الله ...

اثرك طباخ وحنا ما ندري !!!

بس الصراحة شكله رهيييييب ..

تسلم يديك

[جنة]

مشاء الله تبارك الله
شغل متعوب عليه

[موون نجد]

حركتاات

تسلم الايااادي

[قلم رصـــاص]

وعليكم السلام ورحمة الله وبركاته ,,

وش ذآ الإبدآع يآبعدي

شغل نظيف و خطير , يبي من يجيبك تطبخ لنآ

يعطيكـ ألف عآفية على هالحلى الي مهوب سسهل أبددد

و بآلعآفية عليك يآلغآلي

[السوسنہْ]

ماشاء الله
شغل مرتب نظيف والطعم أكيييييد لذييذ

بالعافية وتسلم دياتك

[بسمة فرح]

ماشاء الله شي