مع الـعيـد وفرحتكم نبي طريف مواقفكــم

[$همس$]

الســلام عليكم ورحمة الله وبركاته

حياكم الله إخــــــوتي

وعيدكم مبـــــــــــارك

وتقبل الله منا ومنكم صالح الأعمال

سبحان الله يوم العيد له طعم غييييييييييييييير

كلن يلقف من الثاني تهنئه وجمعا وسعة صدر ربي يديمها علينا وعليكم

والعيديات توزع وكلن مستانس ومبسووووووووووووط

حتى انك تشوف الواحد بتتشقق خشته من الوناسه

وهالبنيات الصغنونات يطامرن

وما تسمع إلا هالطراطيع تهز الأرض
حتى البزير أبو سنتين تلقى معه ولاعه وصاروخ << إيقونة صاروخ بنفقع طاااااااع

وبعد هالحتسي كله وهالبربره أكيد ووش أكيد إلا أكيييييييييييدييييييين إن

كل واحد ووحدتن منكم صار له موقف طرييييييييييييف بالعيــــــــــــد

وهموســــــه تبغى من كل واحد يسدح لنا موقف صار له بالعيـــــــــــــد

وكل عام وأنتم بخير وصحة وسلامه

وتقبلوا من هموسه أرق تحيه ...

[عمر بن عبدالعزيز]

كل عام وأعضاء منتدى سدير طيبين



بصراحه موقف صغييييير حصل في ليل العيد وكان سببه الأول والاخير المزح الثقيل وفي النهاية استاهل اللي صار لي



كنت طالع لمشوار يبعد عن الرياض 90 كيلو تقريبا لحاجة خاصة وبدون ما يدرون الأهل ، المهم اني صليت المغرب والعشاء جمعا وقصراً ، وبعدها رجعت للرياض ووصلت

قبل أذان العشاء بنصف ساعة يعني ماعلي صلاة واجبه

واجلس اسولف مع الاهل واتقهوى ويوم أقاموا للصلاة قالت لي الوالده : وش بلا ما قمت تصلي مع المسلمين !؟

قلت : والله متعيجز أقوم للصلاة أدعي لي بالهداية يمه وان الله يفتح على قليبي

قامت الوالده الله يحفظها وخذت فنجالي اللي كان في يدي وكبته علي وعلى ملابسي حقت العيد قالت : الله لايزيغ قلوبنا

قلت : أمزح أمزح معتس قسم بالله صليت برى الرياض مع صلاة المغرب ، وبعدين هدت شوي ، بس عقب ما تلطخ ثوبي بالقهوة





وإذا تذكرت موقف آخر سأشارك به هنا



أشكركِ على الموضوع

[иσᴚч ♥~]

يسعدك ربي ياهموسه على هالموضوع الأكثر من رائع

وغير مستغرب من الانسانه الرائعه

أخوي عمر



تستاهل جزاك والله

حرام لعبت بأعصابها

أنت جبت من طاري الصلاة

وهي ماتحملت

الله يخليها لك ويرزقك برها يارب

[$همس$]

::

وأنتم بخير الأخ الفاضل عمر

موقفكم والله شيء

أجل تلقاك رفعت ضغط الوالده الله يخليها لكم

المشاركة الأصلية كتبت بواسطة   قلت : والله متعيجز أقوم للصلاة أدعي لي بالهداية يمه وان الله يفتح على قليبي

لاومتعيجز من الصلاة وألقاك تقولها بكل برود وهذي تعتبر داهيه عند الأمهات

المشاركة الأصلية كتبت بواسطة   قامت الوالده الله يحفظها وخذت فنجالي اللي كان في يدي وكبته علي وعلى ملابسي حقت العيد قالت : الله لايزيغ قلوبنا

مكانك وماجاك احمد ربك اللي ماصكتك بالفنجال مع دمجتك

بس ياحسافه على ثوب العيد الجديد

المشاركة الأصلية كتبت بواسطة   قلت : أمزح أمزح معتس قسم بالله صليت برى الرياض مع صلاة المغرب ، وبعدين هدت شوي ، بس عقب ما تلطخ ثوبي بالقهوة

وشو عقبه جعلك الصلاح والنتيجه اللي انضر ثويب هالعيد

المشاركة الأصلية كتبت بواسطة   وإذا تذكرت موقف آخر سأشارك به هنا أشكركِ على الموضوع

نحن نحتري طريف مواقفكم

وشاكرة مرورك أخي ...

[المكيظم]

وعليكم السلام ورحمة الله وبركاته

ونشارك الجميع في هذا الفرح ، ونسأل الله تعالى أن يتقبل منا ومنكم ، ويعيده علينا بكل صحة وسلامة وإيمان .

لايحضرني شيء ، وإن تذكرت سطرت بإذن الله

وللجميع من ( المكيظم ) تحية عطرة .

( خاصية الألوان لاتعمل لذا الكتابة بغير الأزرق )

[لهفة الخاطر]

موضوع رائع وجميل بصراحه ...

أعجبني ... وخاصة الفنجال ياخوي عمر ... تستاهل خل عنك المزح اللي زي كذا مره ثانيه ...

يوم العيد ماصار لي موقف ... دائماً تحصل لأخواتي

وبالتوفيق للجميع وعيدكم مبارك ...

[تميميه&حوطيه]

المشاركة الأصلية كتبت بواسطة   كنت طالع لمشوار يبعد عن الرياض 90 كيلو تقريبا لحاجة خاصة وبدون ما يدرون الأهل ، المهم اني صليت المغرب والعشاء جمعا وقصراً ، وبعدها رجعت للرياض ووصلت قبل أذان العشاء بنصف ساعة يعني ماعلي صلاة واجبه واجلس اسولف مع الاهل واتقهوى ويوم أقاموا للصلاة قالت لي الوالده : وش بلا ما قمت تصلي مع المسلمين !؟ قلت : والله متعيجز أقوم للصلاة أدعي لي بالهداية يمه وان الله يفتح على قليبي قامت الوالده الله يحفظها وخذت فنجالي اللي كان في يدي وكبته علي وعلى ملابسي حقت العيد قالت : الله لايزيغ قلوبنا قلت : أمزح أمزح معتس قسم بالله صليت برى الرياض مع صلاة المغرب ، وبعدين هدت شوي ، بس عقب ما تلطخ ثوبي بالقهوة

ماشاء الله
موقف ولا أروع,,
الله يحفظها,,
وأذكر من المواقف
أن أختي الكبيرة كانت لابسه صندل عالي<<على قولت أمي شوكة : )
فجينا بندخل لبيت ولد عمي نسلم عليه إل أختي دخل كعبها في الدعاسة الي عند باب الحوش : )
ويالله طلعت,,
بس الحمد لله إنهم مافتحوا الباب إلا بعد ماطلعت كعبها : )
وبس: )
جزآك الله خير ياهموسة على الموضوع
الرائع,,

[$همس$]

المشاركة الأصلية كتبت بواسطة عاشقة عنيزة   يسعدك ربي ياهموسه على هالموضوع الأكثر من رائع وغير مستغرب من الانسانه الرائعه أخوي عمر تستاهل جزاك والله حرام لعبت بأعصابها أنت جبت من طاري الصلاة وهي ماتحملت الله يخليها لك ويرزقك برها يارب

::

حيا الله من زارنا



تثلمين والله ياعنون هموثه

صادقه عشوقتي الأخ عمر جاب العيد مع أمه

ربي يخلي لنا أمهاتنا ويشفيهن ويرزقنا برهن

ويسعدك ربي عثوقه ويسمح أمرك

وجعله عيد مبارك علينا وعليكم

ولك ياغاليه أرق تحيه كلها ود وحنيه من هموثه

[الفيلسوف الأزرق]

صااااااااار لي موقف يوم كنت صغير لعب علي واحد من أقاربي عطاني شرخ أبو ديك القووووووي وقال لي

أنا أبشبه لك وإذا ولع شوووي أرمه بعيد المهم شبه لي ومسكته ومن التناحه طووول في يدي ووانفجر

في يدي وعينك ماتشوووووووف الا الدماااان

[أنس بن عبد الله]

عمر

وش اقول بس

لاعاد تعودها




موضوع جميل

واسجل إعجابي

وللأسف ما يحضرني موقف

[أم فيصل]

كل عام وانتم بخير ياهمس ..

موضوع رايق ..

تسلمين ..

: )

[$همس$]

المشاركة الأصلية كتبت بواسطة المكيظم   وعليكم السلام ورحمة الله وبركاته ونشارك الجميع في هذا الفرح ، ونسأل الله تعالى أن يتقبل منا ومنكم ، ويعيده علينا بكل صحة وسلامة وإيمان . لايحضرني شيء ، وإن تذكرت سطرت بإذن الله وللجميع من ( المكيظم ) تحية عطرة . ( خاصية الألوان لاتعمل لذا الكتابة بغير الأزرق )

::

اللهم آمين

وشاكرة لكم مروركم

[طالبة المعالي]

وعليكم السلام ورحمة الله وبركاته
حياك الله همس وحيا الله كل من تواجد هنا والعيد علينا وعليك وعليهم مبارك .. وشكرا لهم على طرح مواقفهم التي أمتعونا بها .. حاولت أتذكر الآن مواقف لكن لم يخطر ببالي شيء .. اٍن شاءالله يكون لنا عودة مرة أخرى .. شكرا لك همس بورك فيك

[$همس$]

المشاركة الأصلية كتبت بواسطة لهفة الخاطر   موضوع رائع وجميل بصراحه ... أعجبني ... وخاصة الفنجال ياخوي عمر ... تستاهل خل عنك المزح اللي زي كذا مره ثانيه ... يوم العيد ماصار لي موقف ... دائماً تحصل لأخواتي وبالتوفيق للجميع وعيدكم مبارك ...

::

ربي يسعدك يالغاليه

صادقه لهوفتي هالفنجال شيء

ياحبي لتس كان سدحتي لنا واحد من مواقف أخياتس عشان نستانس ونفرفش

جعل ربي يوفقك ويسعدك والله فرحتيني بها الطله اللي زيك

وجعله عيد السعاده عليك يارب

ولك لهوفه أرق تحيه من هموسه

[$همس$]

المشاركة الأصلية كتبت بواسطة تميميه&حوطيه   ماشاء الله موقف ولا أروع,, الله يحفظها,, وأذكر من المواقف أن أختي الكبيرة كانت لابسه صندل عالي<<على قولت أمي شوكة : ) فجينا بندخل لبيت ولد عمي نسلم عليه إل أختي دخل كعبها في الدعاسة الي عند باب الحوش : ) ويالله طلعت,, بس الحمد لله إنهم مافتحوا الباب إلا بعد ماطلعت كعبها : ) وبس: ) جزآك الله خير ياهموسة على الموضوع الرائع,,

::

هلا بها الطله التميميه

ياحبي لك على هالموقف

شكل أختك وكعبها ناشب بالباب يموت من الضحك

بس زين انها تداركت الموقف قبل لايفتحون

وإلا كان تصير شي

يخليك لي ربي تمتومه على هالطله الحلوه منك

ربي يسعدك ويوفقك وياعساه عيد مبارك علينا وعليكم

ولك تمتومه أرق تحيه من هموسه