ياللي تقول احجز نصيف بلبنان

[الذيب0]

[poem=font="Simplified Arabic,4,black,normal,normal" bkcolor="white" bkimage="" border="outset,5,black" type=0 line=0 align=center use=ex num="0,black"]
ياللي تقول احجز نصيف بلبنان =أنا استخرت ورحلتي داخليه
عندي مصايف كايفة بين الأوطان=ما تحتمل مصروف زايد عليه
عندي بوسط سدير عبلة ووديان=اطلع بها في كل صبح ومسيه
وبنجد صيهد نفد وحزوم صمان=وأيضا مزارع فاكهتها طريه
وان رحت يم البحر عاني مسيان=جده من أجمل مدنا الساحلية
وانزل على مكة محرم بقلب إيمان=ابعتمر لله رب البرية
واطلع على الطايف وأبها ورغدان=وألقى الطبيعة مع روايح زكيه
وأيضا جنوب المملكة فيه جيزان=وجزيرة الفرسان ماهي خفيه
وأمر بيشه وأتيامن لنجران =وأشوف سد ضخم له فاعليه
وان جيت للوادي مزارع وريضان =يحدها من شرق نفد خليه
وأمر أشوف ديار ذربين الأيمان= حوطة تميم أهل السخى والحميه
والخرج به مشتل على شكل بستان=مع مصنع للذخيرات حيه
وانصا الحسا وألقى بها الغرس رويان=يشرب من المشروع صبح وعشيه
والساحل الشرقي به أشكال وألوان=نصف القمر له عندنا جاذبيه
والجبيل أيضا مدينه مع إسكان =وهيئة مصانع ضخمة عالميه
والنفد بالزلفي مع رياض سمنان=والمحمل والوشم لحد الحويه
وارض القصيم إبها فواكه ورمان=وأيضا نخيل حلوة سكريه
والحفر به قوه عظيمة لها شان=هو واجهة قواتنا العسكرية
وان جيت حايل لقيت تكريم ضيفان =وأجا وسلمى متقابلات سويه
وأيضا شمال المملكة فيه بلدان=من كثرها بالحيل صعبه عليه
وانصا المدينة بالحيل شفق ولهان=أدي فروض الله بمسجد نبيه
امشي صباح وليل محدٍ تبلان =كلٍ يحسب إحساب لأية خطيه
من فضل ربي ها لبلد امن وأمان =والخير واجد والعقيدة قويه
خير الفهد شامل دون نقصان=الله يمد بعمر جزل العطية
وختامها ذكر الله عن كل شيطان=واللي بقى ما ذكر حقه عليه [/poem]

الشاعر /حمد بن عبدالرحمن المغامس(الوردي)

[حمد]

والله والنعم بشاعر الخطامه

الوردي

ابو عبدالرحمن


قصيده رائعه


واختيار موفق

[المدير]

صح لسان الشاعر
وتسلم يالغالي على هالقصيدة الرائعه

[الذيب0]

شكرا لك يالصيدلي علي مرورك واكيد اعجابك بالقصيده يعني للشاعر الكثير
تمنياتي لك بالتوفيق

[الذيب0]

صح بدنك والله يسلمك يالمدير وشاكر لك اختيار قراءة موضوعي

[جورية]

وااااااااااااااااو بصراحه قصيدة جميله جدا جدا


واحلى مافيها انها وصف لكل مدنا مملكتنا الغالية


وخاصة

والجبيل أيضا مدينـه مـع إسكـان وهيئـة مصانـع ضخمـة عالميـه


الله يصح لسان شاعرنا ويسلم يدينك يالذيب على هالنقل

[الذيب0]

جوريه شكرا لكي والله يسلمك على الرد الجميل والله يعطيكي العافيه

[جنون]

[grade="8B0000 FF0000 FF7F50"][align=center]عندي بوسط سديـر عبلـة ووديـان
اطلع بها فـي كـل صبـح ومسيـه
***
صح لسان قايلها..
والله ابداع هالقصيدة..
والله يعطيك الف عافية اخوي الذيب0على هذا الاختيار الرائع..[/align][/grade]

[راعي الروضة]

[align=center]أخوي / الذيب


توقيت رااااائع .


لهذه الرااااائعة .


من المبدع دائماً الشاعر / الوردي .


شكراً لروعة نقلك .


وصح لسان الشاعر الرائع / الوردي .


ولك وللشاعر أجمل وأصدق تحياتي .


أخـــــــــــــــوكــــــــــــــم .

راعــي الــروضـــة ؛؛؛[/align]

[سعود الخليل]

صح لسان شاعرنا أبو عبد الرحمن .. على هالقصيده الرائعه ...

وأذكر أن ابو عبد الرحمن يقول ان هالقصيده حصلت على المركز الأول في أحد المهرجانات ...

تستاهل والله ....


ألف شكر يالذيب على نقل هذه القصيده ..

[الذيب0]

جنون 1000شكر على المرور والكلمات الجميله اللي تدل على ذوق قائلها

[الذيب0]

راعي الروضه
اقدر لك اختيار هذا الموضوع وردك عليه
وان دل هذا على شيئ فيدل على ذوقك الرفيع في قرائة هذه القصيدة
تمنياتي لك بالتوفيق

[الذيب0]

راعي الاوله المشرف المتميز 1000شكر على مرورك
صحيح حصلت هذه القصيده على المركز الاول في مهرجان ابها لعام 23
تمنياتي لك وللجميع بالتوفيق