تبي تتحدى شاعر ؟؟ تعااااااااااال ..

[مليقيف]

السلام عليكم


مشكلتك يا ابو ريان انك تستعجل شوي

والدليل انك ما نفذت الشروط المطلوبة

صحراوية طلبت منك كلمة(صحراوية) باللفظ ، وانا ما لقيتها في اي بيت من ابياتك

هاردلك


وهذي نقطة لفريق التحدي

مبروك لكل اللاعبين

[فهد المنيع]

[align=center]مليقيف يا عنك انك محترف تسوى الملايين


والله انك صادز ابو ريان ما ذكر كلمة الصحراوية ابد !!


عشان كذا مبروك النقطة والنتيجه الى الان :

[blink]10 التحدي 7 اشباه الشعراء [/blink]


والظاهر ان قصيدة الهجاء حول ما تطلع


سلاااااااااااام[/align]

[شذى العبير]

هاه اقولكم شعر ..
ابو بيتين مكون من 200 بيت ؟

لالا خلاص انا بطلب شعر فيه شذى العبير أنتم جيبوه قصرت وانا ادور ومالقيت فقلت في نفسي تهقين ياشذى يجيبونه قلت نجرب ونحاول (( أخاف يجيبون كل مافي قلبهم من سب بالشعر الله يستر ))


مافيه شروط أهم شيء فيه شذى العبير وبس بس بس

بس مهوب تقولون شذى العبير وتسكتون ..!!

[مليقيف]

الله يهديك يا شذى العبير

تهدينهم نقطة بهالسهولة اذا سمح عضاء فريقنا ودي اطرح طلب فيه تحدي كبير جدا جدا جدا


اذا جابوه لهم عشر نقاط


بس اذا ما جابوه لنا عشر نقاط


واللي قد التحدي يتحدى ssa:


التصويت مفتوح للفريقين واذا وافقتو انا مستعد

[فهد المنيع]

شذى العبير انتي ما سجلتي في فريق التحدي عشان كذالازم اول تجيبين صورة من دفتر العائلة وتقرير طبي وموافقة ولي الامر وبعدين نعرضها على لجنة القبول والتسجيل !!

نطمر للاخ مليقيف ونقول له هات اللي عندك !!

[عاشقة سديـــر]

[align=center]لا ...انا اقول وش رايكم

نخلي فريق الشعراء يجيبون لشذى العبير مطلوبها .... <<(( بس ياليتك مصعبته شوي ياشذى ))

وبعدها نعوض النتيجه بهجمة ( مليقيف ) ....


تحياتي [/align]

[مليقيف]

اخ حالم

بعد التحية والاحترام والتقدير اللا محدود

لازم فريق الشعراء يوافقون قبل ما اطرح الطلب

لاني اخاف يلقون طلبي صعب عليهم ( وهو طبعا كذا ) ثم يقولون اصلا انحن ما وافقنا على التحدي

وشكلهم ما راح يوافقون بسبب انعدام ثقتهم في انفسهم وقدراتهم الشعرية

انتظر الموافقة من عدمها يا فريق الشـعراء

واذا وافقتو راح اطرحه بكره

وان غدا لناظره لقريب

وين ما يروح (التحدي) انا واياه جاب الكاس وما قصر ربي يرعاه




هذا (مليقيف) لا لعب جهزو كاس الذهب

[بن جعيثن]

يكون طلب مدري وشلون جاي؟!!!

هاذي صعبة أبد؟؟؟

تدري وشلون؟؟؟

عطنا اللي عندك!!!

[أبو ريان]

عموما اختلاف الرأي لا يفسد للود قضية وبعدين اختنا ( Desert Queen ) عاشقة الصحراء وهذا اسمها الحقيقي وليس الصحراوية على قولتكم طلبت ذكر أسمها وهو عاشقة الصحرا ء وتم تنفيذ طلبها في هذا البيت

عاشقة صحراء وعشقك للصحاري ما يدوم&&& تلبسين لباس غيرك ملبس أهل الباديه

واما عن طلبها الثاني وهو الاعشاب الصحراوية فقد وردت في البيت الثاني


وشلك بقيض الصحاري والهبايب والسموم &&& وبدويه تجني اعشاب الصحاري غاديه

فلو افترضنا ان كل عضو من الاعضاء قام يغير في أسمه فلن نطلع بنتيجة واعتقد ان هناك فرق بين اسم ( ملقوف ) ومليقيف ( وحالم ليل ) وحويلم هاة والا وش رايكم والا تبون تصيرون مثل بعض رؤساء الاندية كل ملا طق عود بعود قال التحكيم اقول دورو غيرها واتركوا عنكم الحجج الزايدة ......

[margog]

مرحبا بالجميع والصارحه مافهمت الموضوع من اساسه والله
مابعد فهمت شي
لكن اقول لكم
ياهلا من اللي يبدع بالاشـــــــــعار ... منقح ومــــــــــنظوم بالــقوافي
يابو ريان بنيت لك بالقلـــــــــب دار ... من قريت شعرك مرتبا باالقافي
هذي عاشقه الصحراء تبي اشعار... وابو ريان ينظم حســـن الكلامي

[الصحراوية]

خلاص ياربي يكفي هوشه

ابو ريان تسلم على بيتين الشعر وماقصرت <<<<بيجلدوني فريق التحدي


ابو ريان بس حبيت اوضح لك نقطه وعادي ماراح نحسبها غلط في الشعر لانه غير مقصود

((Queen))=الملكه وليش العاشقه


سلاااااااااااااااااااام

[مليقيف]

وينكم با فريق الشعراء


اكيد خايفين



الى هالحين ما رديتو على التحدي

[Sub_Zero]

اقسم بالله ان روسكم كلكم فيها فتق

انواع الهستره وانواع اللعب

بس لو انكم سويتوا حكم من برى يعني هوب من فريق الشعراء ولا التحدي كان يصير الوضع تمام هوب كل واحد منكم يعطي نتيجه على كيفكم >> بالله قرشعوها مع الباب

يالله بالتوفيق

[عبدالله الصالح]

[align=center]الله يذكر ذيك الايام بالخير[/align]

[فهد المنيع]

ههههههه اي والله ... الله يذكر ذيك الايام بالخير


يوم نكسر روس فريق اشباه الشعراء




طيب ليه يا ابو ميار ما تنزل جزء ثاني ؟؟