لعبه تحدي للشعراء او انقش من الجوال ارجو التفاعل كبدايه%%

[أبو حمـد]

هالني ياخوي برق ٍ لاح قبله &&& كن ضيه شمس يشعل اشتعالي

[أبو حمـد]

لي صاحب ٍ مرت ثلاثة أسابيع && & ما جا ولا سير يسلم عليه

والظاهر انه مل من هالقراشيع &&& ويا من قراها بلغوه التحيه

[أبوعدي]

يلهى صاحبك ايام مع قراشيعه .......لاصار فكرك دوم مشغول عنه

[أبو حمـد]

يا هلا أبو عدي ،، ومساك الله بالخير ،،


نهار سبعه وعشرين في شهر تسعه &&& كانت بداية تعارف بيني او بينه

ثم غاب عني وطفت في غيبته شمعه &&& وحقه عليه ابسأل صاحبي فينه

وشلون ابنساه وطبعي وافق لطبعه &&& وشلون ابنساه وعلومه معي زينه

ووشلون ابنسا وصاته ليلة الجمعه &&& يومه نصحني وهلت دمعه من عينه

يا أبو عدي صاحبي فخر ٍ لنا وربعه &&& يا أبو عدي صاحبي قابض على دينه

يا أبو عدي صاحبي مشهور في نفعه &&& حتى وحوش الفلا تشكر له ايمينه

يا أبو عدي صاحبي ما فاتته ركعه &&& يا أبو عدي لا تلوم الي سأل وينه

[أبوعدي]

ياهلا بالأمير حمد


نهاية ثمانية عشر من شهر عاشر........ودعك صاحبك والقلب لاشك صافي

وداعته الله بيسرميسره بدل عاسر........لاشك صاحبك ياصاحبي رجل وافي



تقديري لك ولسؤالك

لشخصه الكريم

[احمد الحقيل]

في لعبة الشطرنج , نكهه هاويه ’’ الحراس والملك والخطاوي تبدابها !
انت تعيش في دولة ماهي بصتز ’’ والخطأ لو ورد منك تتحمل اتعابها !

مساكم الله بالخير اخواني , الله مير يحيكم !
تحية خاصة لخوي الغالي حمد , وآسف على الانقطاع , لكثرة مشاغلي !!
واوعدك واقول الجاي بأذن المولى اكثر ,
دمتم في حفظ المولى !

[أبو حمـد]

يا هلا وغلا ،، ومساك الله بالنور أخوي أحمد ،،

خير وش هالغيبه ،، طيب اسأل طل سلم ،، مالك حق والله ،، وعتبي عليك شديد ،،

الحمدلله على السلامه ،، وياهلا بك مليون مره ،،

[احمد الحقيل]

الله يسلمك , والعذر والسموحة ,والله العظيم انك على البال !
وش نسوي ,ابن آدم يموت وهو ماخلص اشغاله , وعسا الله يعين !

هات ماعندك ياحمد ,, وارضى ماينقسم بيناتنــــــا
المشاغل ماتترك احد ,, حتى لعيالك صار شفتاتها

[أبو حمـد]

ياهلا يا أحمد ،، ويا هلا بأ أبو عدي ،،

ما تقول ام سالم سحرتني ،،

بالأمس كنت بروضة نوره ومعي أحد الأخوان وامضينا يوم جميل ،، وام سالم من صباح الله مغير تجر الموال ،، وهات يالعب كل شوي ترقا فوق ثم تجيك مجاوبه للأرض بصوتها الجميل ،، ويجاوب قلبي معها ،، عز الله أني بعدها منيب طيب ،،

هالني لعب ام سالم مع تباشير الصباح &&& قمت اتابعها وهي تلعب كما طفل ٍ لعوب

[أبوعدي]

مساء الخير ...للجميع ..


مساء الخير ياحمدحياك الله ..



وبـل كما وبـل سدير صابهم ...........سالت فياضه ثم عبرت مسايله

[أبو حمـد]

ياهلا يا هلا أبو عدي ،،

ومساك الله بالنور والرضا والسرور ،، وشلونك يا خالي بشرني عنك ،،



لها في قلبي يا أبو عدي &&& قصر ٍ من الود بيبانه

[أبوعدي]

ياهلا وغلا



نهاية الوادي يجمع مسيله ..........لاصار به حكرٍ ينفعه مخزونه

[أبو حمـد]

يا هلا يا هلا يا هلا أبو عدي ،،


نهاية سيلكم في روضة احقاقه وفي نوره &&& وانا وسيل الغضي ديمه ولا له سد ونهايه

[احمد الحقيل]

مساكم الله بالخير , حمد , ابوعدي ,
يهام الغيم فوق , سبحان من اسراه*** يبلي ثم يزني هتان الوعد سياله

[الامـبـراطـور]

له ثلاث ايام ماشفت انا زوله+++++من عقب ذيك الليالي الخطيره