لعبه تحدي للشعراء او انقش من الجوال ارجو التفاعل كبدايه%%

[أبو حمـد]

مساء الأنوار لهفه ،، وأبو عدي ،، وياهلا ،،

اليوم ،، ما شاءالله هالسيول ،، روضة نوره والخفس صايره بحيرات ضخمه ،،

إلله يعم بنفعه المسلمين ،،



وش هالحرفين يا أبو عدي ،، نقوة ما شاءالله ،، ح ، هـ

ما قدرت الاقي كلمة تبدأ بحرفي حه ،، ينفع باللهجة المصريه !


حهديك يا أبو عدي قاف ٍ بحرفين &&& حرفين منها الحرّ ينزاع مخه

ويالله عسا تبلش بها القاف شهرين &&& وكله عشان العند هالقاف اطخه

[لهفة الخاطر]

هلا بك اخوي حمد ... وحياك الله ...

والله يجعل أمطارنا كلها خير وبركه ...

وش فيكم اليوم على هالحروف ...

خ ،،هـ

[أبو حمـد]

يا هلا لهفه ،، وش أسوي فيه أبو عدي جنني بحرفين " حـ هـ " ساعه كامله وانا اجيبها يمين شمال ما حصلت كلمه تبدأ بحرفي حـ هـ ،،

وبالمناسبه فكري لنا بحرفين صعبه جداً ،، وبغششك هالمره بشرط تركبي قافيه صعبه ،، خلي أبو عدي يحتاس صح ،، خه تعتبر كلمة بذاتها وتعني كره الشيء ،، مثلها مثل صه ومه تعتبر كلمات ،، وممكن تركبي البيت على المعنى ذا ،،

[لهفة الخاطر]

هقوتك ياحمد إني راح أجيبها يعني ...

الله يعين والله ...

[أبوعدي]

صباح الخير .. وش ذا النهايه ياحمد ..خ هـ ..بعدين ليه رديت بالمصري..!!

المشاركة الأصلية كتبت بواسطة حمد ولد أبو حمد   خه تعتبر كلمة بذاتها وتعني كره الشيء ،

اذاكانت بالمهنى هذا شي طيب

جاك البيت


خه ياللي تملك المال وتخفيه .......عن نواظر ناس للمال محتاجه


تقديري لكم

[أبو حمـد]

ياهلا أبو عدي ،،


جهام الغيم يوم انه تـزّبر في فيافي سدير &&& حدر من مسيله وادي السبعين والمشقر

[أبوعدي]

مرحبا



قر قلبي ثم قرر قراره..........وقرر يقر بقرارة قربكم

[جاري التفكير]

من غياب اللى عن العين غايب ******* صرت اعد لثواني هالليالي

[أبو حمـد]

ياهلا أبو عدي ويا هلا جاري ،، ومساكم الله بالخير ،،

وأبيات جميلة ،، واللعبه يا أخ جاري أن نبدأ بأخر حرفين انتهى فيها البيت السابق ،، هكذا هي اللعبه ،،

واخر حرفين حرفي ل ، ي ، وسأبداء بها


ليه يومه طير في المحروس ذايب &&& يكفخ الجنحان ويهد المفالي

[أبوعدي]

الله لايمسيكم الا بالخير ..


لي حروف ماتاقف من الوجد مكتوفه ..........واحاسيسٍ صادقه والأماني مقابيل

[جاري التفكير]

يلي على بالي طريت وتعديت *************ارفق على منهي تعد الليالى يالغياب

اسمحولي على التعبير بس هذا اللى جاء معاي من كتاباتي

[أبو حمـد]

ياهلا أخوي جاري ،، وبيت جميل والظاهر أنك مع السرعه ما انتبهت للكلمة الاخيرة ،،


يلي على بالي طريت وتعديت *************ارفق على منهو يعد الليالى



ولازلنا مع حرفي ل ، ي ،،


ليا مني نهيت القلب عن حبك يزيد عناد &&& نهيته زادني كيه زجرته زاد في غيه

[جاري التفكير]

يهامسني غلا غايب عن العينين
اللى منه طري قمت اتذكر مداعبته

مشكور على التصحيح
بس الاصح انه
الشطر الثاني يقول
ارفق على منهي تعد الليالى بالغياب

صح البيت اللى كتبته كان اكمل واوزن بس هذا اللى كنت ناويه اكتبه
ومشكور

[أبو حمـد]

ياهلا جاري ،، ومساك الله بالخير ،، ترى مستواي مهو لذيك الدرجة ،، فلا تاخذ بتعديلاتي محمل الجد ،، والأمر عادي جدا بيننا ،، وأنت كذلك إذا عندك ملاحظة على ابياتي ياليت تنبهني ،،

[أبو حمـد]

تهيضني بيوتك يم ريم ٍ صابني رمشه &&& ولي مده انا يا صاح مدري وين اراضيها