ليتنـــــــــــي صغيره ..!!

[نور الحب]

ليتني صغيرهـ وأحـــــــوس بحـــــجر أمــــي
أقوم من نومي وأرتب ألعابي وأكنس دويرتي
ليتني صغيره تكد لي شعري وتظفر جـديلاتي
وألبس مقــطعي وأحــط مخنقي على راســـي
وأقــــــوم أنا وأخــــــتي والــــعب بصــقلاتي
صــــقلتي .. ياصـــقلتي
هـــــي والله سلـــــــــوتي وقـــت فضـــــوتي
أغبيـــــها بــــقوطي وأشـــيلها بصنـــــدوقي
أمـــــــــــــي تنـــــــــاديني تبـــــــغى تحنيني
أفرد لـــــــــــــها يدينــــــــي وتبــــــدا بيمني
أقعد بها مربوطه وأنــــــاظر لجـــــــــــيراني
ليتني صغيره وأحس بطعم الفـــرح صــــافي
دنيا وسيـــــعه لو كنــــا بخـــــير وعـــــوافي
لازلــــــــــــت التفت وادنق واقـــــــــــــــــول
ليتني صغيره وأحـــــــــــوس بحـــــــجرتس

**********

محاولة لاول مره ياليت تجوز لكم
لاتبخلون علي برأيكم

[نبـضهآ نــــآدر]

محاوله رائعه
الى الامام وبتوفيييق

[رحيق الياسمين]

بديه جمليه
ماشاء الله عليك
بنتظار جديدك يالغلا

[اشواق]

طيبة جدًا.
ومن مانعك إفعلي لا تضيعي دقيقة من السعادة في حظن أمك.
موفقة إن شاء الله.

[نور الحب]

المشاركة الأصلية كتبت بواسطة نبـضهآ نــــآدر   محاوله رائعه الى الامام وبتوفيييق

مشكوره أختي / نبضها بارد ...
على جيتك هنا ..وشكراً على تشجيعك
الله يرضى عليك ويوفقك

[نور الحب]

[QUOTE=رحيق الياسمين;1498528]
بدايه جمليه ماشاء الله عليك
بانتظار جديدك يالغلا

أشكرك ياصويحبتي أنت اللي شجعتيني أنزلها
شكراً لكِ من قلبي رحووووقه
الله يوفقك ويرضى عليك

[نور الحب]

المشاركة الأصلية كتبت بواسطة اشواق   طيبة جدًا. ومن مانعك إفعلي لا تضيعي دقيقة من السعادة في حظن أمك. موفقة إن شاء الله.

جيتك عندي في مكاني ياشواقه زاده نور والله
ومن قالك أني أضيع وقت ...
قُبلِ أحوس وأدوس في حضنها وماأنام إلا على رجلينها
الله يطول عمرها على طاعته ..

دمتِ بود غاليتي ~ أشواق

[قلم صريح]

كلمات بسيطه صادقه , لكن لو تخلينها مثل الخاطرة النثرية و لا تلزمين بنهايات متشابهة الاحرف , قلتي الصورة اللي ودك توصلينا و تحسينها , احياناً الالتزام بقافيه تضيع الفكره و لا تطلع مثل مانبي , خلي الكلمات ذات القافيه في الأماكن اللي تجي فيه معك مولازم عند هالك المكان , النثر مايلزم عدد كلمات ثمن قافيه .
مُجرد رأي
أشكر لك مشاركاتك الدائمة و الرائعة أختنا نورالحب

[عيون عسليه]

.. غاليتي ... نووور الحب .......

رائعه جدا ....... دائما مبدعه ...

حفظك الرحمن .........

[نور الحب]

[QUOTE=فيصل المرشد;1499275]

كلمات بسيطه صادقه , لكن لو تخلينها مثل الخاطرة النثرية و لا تلزمين بنهايات متشابهة الاحرف , قلتي الصورة اللي ودك توصلينا و تحسينها , احياناً الالتزام بقافيه تضيع الفكره و لا تطلع مثل مانبي , خلي الكلمات ذات القافيه في الأماكن اللي تجي فيه معك مولازم عند هالك المكان , النثر مايلزم عدد كلمات ثمن قافيه .
مُجرد رأي
.................

رأي وش زينه وهذا اللي أبغاه علشان يا أتقدم خطوه بالكتابه وإلا أقفي
طيب مادامك فتحت هالباب أبغى أسألك سؤال ؟؟

* الخاطره هي لحظه تجي في بالك على طول تكتبها حتى لو هي مو مرتبه صح
طيب لو كتبتها وبعدين قعدت تعدل فيها تطلع من كونها خاطره ولا ماتطلع ؟؟
* ياليت تعطينا الأساسيات في كتابة الخاطره ودنا والله ؟؟؟


أشكر لك مشاركاتك الدائمة و الرائعة أختنا نورالحب

شكرا لك أيها الفيصل ..
الله يعطيك العافيه

[قلم صريح]

المشاركة الأصلية كتبت بواسطة نورالحب   أسألك سؤال ؟؟ * الخاطره هي لحظه تجي في بالك على طول تكتبها حتى لو هي مو مرتبه صح طيب لو كتبتها وبعدين قعدت تعدل فيها تطلع من كونها خاطره ولا ماتطلع ؟؟ * ياليت تعطينا الأساسيات في كتابة الخاطره ودنا والله ؟؟؟

شوفي الله يحفظك :
أنا لا قريت طُرق و أساليب اللخواطر و لا النثر , اكتب مثل ما أكتب ردي الأن , و لا عندي شئ محفوظ اطلعه ,, كلها أفتح موضوع و أكتب و تطلع زي ماتطلع و أحياناً أتوقف عند اول سطر و أهون ماعاد أقدر أكمل . ماني خبير و لا دارس لغة عربية و لا أقرأ لحد , مجرّد شئ في الخاطر و أطلعه ,
ابد , ابدئي بخاطرتك اذا جت في بالك فكرة ولا تتحمسين أكثر من الازم لأنها فكره ,, لأنها تبين في الكتابة , تحسين كنه يركض الا قريت خاطرته , خذيها من أولها بالتسلسل و لا تفكري بالنهاية , و لا تفكري بقافيه , حاولي تخلينها متناغمه كرريها بينك و بين نفسك و لا تحطي كلمات شاذه عن النغمة , ثمن أرجعي لها و رتبيها و غيري الكلمات الغير متناغمة و حاولي تجبين قافيه بين حين وحين و لازم تكون في تتابع و لا فيها تناقض , و تكون النهاية مع السياق و ختمه مناسبة للفكرة , هذا اللي اسويه , عاد الفاهمين شئ أفضل مني فيها , بكيفهم أنا ماكتب علشان اكون في مصاف أحد .

[نور الحب]

[QUOTE=فيصل المرشد;1499821]
شوفي الله يحفظك :
أنا لا قريت طُرق و أساليب اللخواطر و لا النثر , اكتب مثل ما أكتب ردي الأن , و لا عندي شئ محفوظ اطلعه ,, كلها أفتح موضوع و أكتب و تطلع زي ماتطلع و أحياناً أتوقف عند اول سطر و أهون ماعاد أقدر أكمل . ماني خبير و لا دارس لغة عربية و لا أقرأ لحد , مجرّد شئ في الخاطر و أطلعه ,
ابد , ابدئي بخاطرتك اذا جت في بالك فكرة ولا تتحمسين أكثر من الازم لأنها فكره ,, لأنها تبين في الكتابة , تحسين كنه يركض الا قريت خاطرته , خذيها من أولها بالتسلسل و لا تفكري بالنهاية , و لا تفكري بقافيه , حاولي تخلينها متناغمه كرريها بينك و بين نفسك و لا تحطي كلمات شاذه عن النغمة , ثمن أرجعي لها و رتبيها و غيري الكلمات الغير متناغمة و حاولي تجبين قافيه بين حين وحين و لازم تكون في تتابع و لا فيها تناقض , و تكون النهاية مع السياق و ختمه مناسبة للفكرة , هذا اللي اسويه , عاد الفاهمين شئ أفضل مني فيها , بكيفهم أنا ماكتب علشان اكون في مصاف أحد .

حكي وش زينه وشرح مبسط وينفهم على طول
أحيانا الممارسه تطلع أحسن من الدراسه نفسها لأنه توضح لك أشياء ماوضحتها الدراسه وتخليك تطور أكثر ويتحسن اللفظ أكثر أهم شئ نكتب بقلب وأحساس ؟؟
صح ولا لا ؟؟

الله يخليك ويحرم وجهك عن النار

[قلم صريح]

صح أحياناً
الدراسة تعطيك المبادئ الأساسية و الهيكلة العامة لإي معرفة , و الممارسة تُعطيك مالم يذكره الكتاب أحياناً في حالات خاصة تفصيلية .