بسم الله الرحمن الرحيم
السلام عليكم ورحمة الله وبركاته
جيتكم بطريقه للعجينه رهيبه مره اذا عجنتيها ماتحتاج اضافات لا زيادة دقيق ولا مويه مظبوطه بالملي وكأنها قطن ..
المقادير :
كاس حليب بودره
علبة زبادي
ملعقتين كبار خميره فوريه
كاسين مويه فاتره
شوية ملح
فنجال سكر
نصف كاس زيت
6 كاسات دقيق ابيض ويفضل الدقيق الكويتي
ملعقه كبيرة بكنج باودر
الطريقه :
توضع المقادير السبعه الاولى مع بعض وتخفقينها بالخفاقه اليدويه الين تذوب الخميره وتمتزج المقادير مع بعض وبعد كذا حطي عليها البكنج ثم نصف الدقيق ونفس الشي حركي بالخفاقه اليدويه بعدها حطي باقي الدقيق واعجينها الين تتماسك معك واعجنيها واعجنيها لان كثر العجن يزين العجينه وبعدين ضربي العجينه على رخام المطبخ وبعدها غطيها وخليها تتخمر ساعه وحشيها باللي تبيين ممكن تسوي بها اي نوع من المعجنات ( كروسان جبن - كزوسان زعتر- فطائر لحم- بيتزا- صفائح لبنه او لحم او جبن -اي شي ممكن يخطر ببالك وكذلك لفائف القرفه ( السنمون) ).. وبس
حقوق الطبع محفوظه لأم فيصل ...
02-06-2007, 04:33 PM
العرض الشجري