للبيع أرض موقع مميز وعلى ثلاثة شوارع - الصفحة 3

أذكر ربك دوم · 15-09-2009, 03:23 PM

السلام عليكم ورحمة الله وبركاته
الخ ناصر سومه طيبه من رجال أطيب
جزاك الله خير

رورو · 15-09-2009, 10:22 PM

يااخوي عطنا حدك فيها وصلت الردود لثلاث صفحات عطنا حدك فيها واللي يعجبه يآخذها والله يرزق الجميع

أذكر ربك دوم · 16-09-2009, 12:53 AM

مازال السوم مستمر حتي ولو صلت الصفحات مليون وخمسمائة المليون؟؟

القلب الشجاع · 16-09-2009, 04:57 AM

الحين نسوم من قبل امس وانت شكلك منتب لم دعوه .. عطنا حدك مثل ماقال رورو.
ولا تقول من حد لد لان ماكل من سام بيشتري ولا كل شراي صامل

رورو · 18-09-2009, 01:35 AM

صدقت اخوي القلب الشجاع عموما نروح ونرجع للصفحات في هذا الموضوع ولا تغير شي اسوم بكذا واسوم بكذا بس

عموما اريح نفسي ولا ادخل هالموضوع احسن لأن ماراح يتغير شي
الله يوفق الجميع ويرزقهم

أذكر ربك دوم · 18-09-2009, 01:42 AM

لا تعليق
رورو
القلب الشجاع
مانيب حاد بالعربي ماعندي حد

دروب الامل · 18-09-2009, 02:55 AM

ممكن نحدها انا جاده والله...

القلب الشجاع · 19-09-2009, 06:32 AM

كلامك كلام العاقل يارورو
الظاهر ان خوينا يحسب ارضه على طريق الملك فهد..مايدري انها في الحوطه وفي الجبل ..ولا ادري كم يبينا نوصلها لكن دواها تركها
والسلام عليكم واسترو ماواجهتوا واتمنى يااخ اذكر ربك دوم انك ماتقلد على سومتي وكل عام وانتم بخير وعيد سعيد على الجميع .

أذكر ربك دوم · 19-09-2009, 02:18 PM

لا تخاف سومك لك وشكلك ماتدري عن سعر الأرض وخصوصا في الجبل . وعلشان كذا قررت دون سابق تخطيط أن أحذف الموضوع من هالمنتدي وأبيعها على طريقتي الخاصة. علشان بصراحة فيه ناس يعلقون تعليقات ما أدر وش الغرض والله . بس ما أقول إلا حسبي الله ونعم الوكيل . والرازق في السماء. وعلى فكرة سومكم ماوصل مشتراي.
ارجوا من الإدارة حذف الموضوع لمصلحة خاصة

ناصر آل تميم · 20-09-2009, 01:02 PM

المشاركة الأصلية كتبت بواسطة أذكر ربك دوم

لا تخاف سومك لك وشكلك ماتدري عن سعر الأرض وخصوصا في الجبل . وعلشان كذا قررت دون سابق تخطيط أن أحذف الموضوع من هالمنتدي وأبيعها على طريقتي الخاصة. علشان بصراحة فيه ناس يعلقون تعليقات ما أدر وش الغرض والله . بس ما أقول إلا حسبي الله ونعم الوكيل . والرازق في السماء. وعلى فكرة سومكم ماوصل مشتراي.
ارجوا من الإدارة حذف الموضوع لمصلحة خاصة

اخوي

احنا جادين في السوم

اذا كان ودك تبيع بالسعر الى انت حاطه براسك عطناه عشان ما احد يعلق

الله يرزق البائع والشاري بكل خير

عسى الله يطعمه من خيرها ويكفية شرها

اخوي ما فيها شي انت حط السعر الي في راسك واذا ما اعجبنا السعر ما نقول الا الله يوفقك ويرزقك