..::|| من طاح من عينك !؟ ومن فيه ما طــاح !؟‎ / لخلف المشعان ||::..

[محب الخير]

من طاح .. من عينك ؟؟ ومن فيه ماطـاح ؟؟
ذي طيبتك .. واليوم .. تدفع ثمنها


حتى لو انك كنت .. صاحي .. ولمـــاح
أصحاب ( كيف الحال ) محدٍ .. ظمنها


صفو على جمر الحسـَد .. والعـفن .. فاح
ولمت عفون الخلق .. ريحة .. عـفنها


يالله دخيلك .. كلـها .. شالت .. ارماح
حتى الوغـد قام .. يتخمش رسنها


مات الحيا والمرجله .. دمها .. ساح
كلٍ كشف .. عن سوء نيه .. دفنها


دامه .. زمن عقرب ، وحيه ، وتمسـاح
خل الأسود .. اتنام .. ماهــو زمنها


قالولي انطح .. صيحة الصوت .. بصياح
واعزل احرام السالفه .. عن كـفنها


قلت الخساره بالردي .. عندي ارباح
ومثلي .. يعلي هامته .. ماطـمنها


ترسي جبال طويق لا هــبت ارياح
وانا من اول .. ماخذ الراي .. منها


اقولها وانا .. مروّق .. ومـرتاح
شل الله .. لسان العـفون .. وبدنها




/
\\


،’



اتمنى تعجبكم
احتراماااااتي

[عبدالله الغانم]

اختيار موفق
شكراً لك

[قاصف المنحرفين]

طرح رائع من عضو رائع

افتقدنا تواجدك الرائع ومشاركاتك الرائعه من سنوات

نتمنى عودتك للمنتديات يا ابن العم وبيض الله وجهك


وبيض الله وجه الشاعر المبدع والجزل والذكي خلف المشعان


ننتظر كل ماهو جديد منك

[بندر لطيور]

صح لسانك لا هنت

[قلم رصـــاص]

راائعة كروعتكًُ

أختيار موفق ,, أشكرك