تدري وش اللي يجرح القلب جرحين‎

[سما نجد]

تدري وش اللي يجرح القلب جرحين
ويمد حبـل الحـزن فيـك ويشـدة

انك تناظر طفل مـن غيـر ابويـن
يمشي ودمعـة سايـل فـوق خـدة

منظر صعيب ويقسم القلـب قسميـن
لا قـام يمسـح دمعـة بكـف يـدة

يمش ولا يدري طريقة علـى ويـن
لين التعب من كثـر مـا تـاه هـدة

اثقل حـروف يشيلهـا فيـة حرفيـن
لا أب يـدريـبـة ولا أم تـــردة

في خطوته رحلـة ودمعـة وسكيـن
وحـظ توسـد بالمراسـي مـخـدة

جيت اسألـة بالله قللـي ولـد ميـن
وبغي يجاوب وختنـق صـوت ردة

أنـا يتيـم ومـا لدربـي عنـاويـن
وجزر الحزن فينـي يسـاوي لمـدة

وطعم الطفولة ما عرفته لهـا لحيـن
وثوب السعادة صـرت مانيـب قـدة

ابكي إلى من شفت غيـري سعيديـن
ليـن البكـا فينـي يوصـل لحـدة

واقفي ورحت امسح دموعي من العين
وعيني تناظـر دمعتـه فـوق خـدة

وهذا اللي يجـرح القلـب جرحيـن
ويمد حبل الحـزن غصـب ويشـدة

[ذياب العصيمي]

أخوي سما نجد

جميل ما عبرت عنه وجميل نقلك للنص الشعري
وأسال أن ينفع بماتطرح من مواضيع هادفه
وأسأل الله أن يرحمنا فوق الارض وتحت الارض ويوم العرض

تقبل مروري وتقديري..

[لهيب الجليد]

(* سمـا نجـد *) ..

اشرك على طرحك لهذا الموضوع الرائع ..

موضوع مؤثر .. ويحرك القلب القاسي ..

،،

[طالبة المعالي]

الله يرحم ضعف كل طفل فقد أحد والديه وذاق مرارة الفقد واليتم ..

شكراً لكم أخينا الفاضل ..