¨° التراث والسياحة °¨ نوادر- أدوات قديمة - قصص وقصائد من التراث - تبادل الخبرات و التجارب في مواقع وأزمنه و وسائل و طرق الرحلات البرية و الصيد ، والسفر والسياحة . |
|
أدوات الموضوع | انواع عرض الموضوع |
17-04-2010, 08:22 AM | #1 | ||||||||
مشرف سابق
|
أمطـار الكـويت والسـرّايه !
صـباح الخـير يا وجـيه الخـير .. صـباح الخير يا ديـرة سـدير صـباح الخير .. صباح ورد الخزامى وزهرة النـوّير جايب لكم أخبار خـير .. وخير الأمطار غـير ! طبعاً تعرفون إن هالوقت هو موسم السـرّات .. وتعريف السرّايه إنك تشوف أربع مواسم بنِص ساعه قبل شوي وفي تمام الساعة 7,10 ص تصادفت مع ثلاثة مِن الجيران .. أنا جاي من البر متريّق وقاري الجرايد بهالجو الحلو ، وأبو صـالح جاي مِن الطبيب مِسعِف بنيّته ، ولا نشدت أبو راشـد وأبو فهد وش عِلمهم متكّين عن بابي .. عاد شكّيت فيهم جايين يبوقوني .. يا ألعن أبو الجـيرة إذا كانت كِذا << إلاّ قِل يا لِعنبو تفكيرك يا قويصف ( أيقونة هذاك شايل على خويّه كرسي يبي يبط راسه ) !! ما عليـنا .. سلمت عليهم شكو ماكو .. المهم خليتهم بسالفتهم مع إني داري ما عندهم سالفه طالعت فوق وإذذذذذ بغيمة .. سجّلوها تراها حلوه .. أقول ولاّ هذيك الغيمة البيضا الثقيلة اللي تبشر بخير .. لا والله غدت رماديّة .. لاااا إلاّ صارت سوداء .. يا الله سِـترك وعافيتك قلت : شوفوا هاللي فوقكم .. قال أبو فهـد : هذي غيوم خير . قلت له : لا والله هذي سرّايةٍ الله يسترنا منها ! << أنا خابر الغيم أبيض لا قل أبيض مخطط برصاصي .. لكن هاللون هذا ما قد شفت مِثله ( أيقونة واحدن يررررجف ) دقيقتـين مو أكثر إلاّ الدنيا صارت سـودا !! يا الله إنك ترحم اللي ذاق لوعات الليالي *** ذاق لوعات الليالي والليالي لوّعَنّه ! << يا الحبيب .. الجـو بصوب ووصفك بصوب أقول اخلص علينا ! المهم .. دقيـقتين مو أكثر إلاّ زخت هذيك الزخه اللي تذكّرنا بأمطار الوسم .. دقـيقتين مو أكثر .. << أنت ما عندك ثلاث أو خمس .. كلّه دقيقتين .. أشق ثوبي الحين أقول هطلت هذيك الهطله .. غبارها مع هواها مع مطرها .. صارت خبصه .. واللي ونسني البـرَد اللي نزل لا .. واليوم بعد عموميّة سـابك << شكـوووو ! المهـم .. دقيـقتين مو أكـ ... لا والله إلاّ ثِلث ساعه ويطيح الغبار .. والهواء خف والجو صفى والمطـر يبقى والتصنف جهاله ! هذا راح وهذا جا .. من هذا طراق ومِن هذاك شلّوت .. المهم كل واحد صلّح سيّارته .. وطاح الحطب وابتلّت الأرض مِن خيرات ربّي . والحبيب أبو فهـد يبي يعلّم القاصـف باشـا الفرق بين الغيم وبين السـرّايه !! والله زمـن وسـلامتكم .. واعـذروني على المقامة الحلمنتيشيّة في مقدّمتي مِن الوناسه كتبت موضوع السـرّايه اللي صارت في دقيقتين مو أكـثر .. لا والله إلاّ 45 دقيقه
|
||||||||
17-04-2010, 12:05 PM | #2 | |||||||||
عضو مميز جداً
|
رد: أمطـار الكـويت والسـرّايه !
يعطيك العااافيه على هالموضوع بس مافيه صوور |
|||||||||
17-04-2010, 12:42 PM | #3 | |||||||||
عضو سوبر
|
رد: أمطـار الكـويت والسـرّايه !
الله يعافيك اخوي |
|||||||||
مواقع النشر (المفضلة) |
|
|