اخواني اخواتي يهمني رايكم

[عبدالعزيز العمران]

المشاركة الأصلية كتبت بواسطة حمد ولد أبو حمد   أنا أجتهدت أختي الكريمه ،، وقد يجانبي الصواب فيما ذكرته ،، فلا تأخذي به ،، إذا لم تقتنعي ،، شكراً لك ِ ،،

مشاء الله تبارك الله ولا إله إلا الله ... الله يثيبك على كل حرف كتبته ....
وعيني عليك باردة

يا أختي سديم الليل والله إن نيتك طيبة وهذا هو الدليل !

اللهم وفق أخي حمد ولد أبوحمد وأخواني وأخواتي في هذا المنتدى كافة .

[سديم الليل]

[align=center]
السلام عليكم
اخوي حمد ولد ابو حمد اسعدك الله ووفقنا واياك على ما يحبه الله ويرضاه وحميع المسلمين

السي ديات اللي يجيبون العيال من عيال ثانين ليست فقط كرتونيه
عيالي يبون اي شي يشاهدونه واحياننا القى عندهم افلام مصريه ومره اجنبيه
وبعض الاحيان القى افلام اجنيه عائليه

ربما اذا دخلت القنوات هذي بيتركون السي دي يات لانهم يبون شي يشغل اوقات فراغهم خصوصا اني ما احب الخروج خارج المنزل كثير حتى بيت اهلي مو كل الوقت عندهم
فترات الزيارات
والعطل زيارات فقط حتى
لا يزعجون امي
او يتشاجرون مع احد من عيال اخواتي او اخواني



اكرر شكري لك
يا اخي حمد ولد ابو حمد
ولك يا عبدالعزيز العمران
اعزكم الله وجميع المسلمين وعمر الله داركم وديار المسلمين بالطاعات
[/align]

[جــــــــــوري]

السلام عليكم ورحمة الله وبركاته

حيا الله السدومه حيا الله الزيييييييين كله

شوفي سدومه يالغاليه ياااااااااااااااااااانور العين ياااحبة القلب يااااكلي

سدومه ((أمي))
يمه يامال الجنه قبل اسبوعين دخلتي السعوديه وانا ماأطيقها علشان اخواني يالربع ترا اخواني كبار يعني يفهمون يعني كلهم ثنوي ومتوسط بس غاثين اميميتي ياجعلها في الجنه عند هالدش الا يبونه يدخل دخلت السعوديه وعلطول متابعه المسلسلات ومسيقى تردح الله يصلحني وياهم انا اكبر منهم بسنه بس والله مااطيق الدش ولا ابيه يدخل بيتنا فيه المجد عطايا الله صح اذا شفت الدش مسكته وناظرت واستانس بس ولو مااحبه يصير في بيتنا اربع وعشرين ساعه مقابلينه هم يحبون افلام كرتون (الي في المتوسط والابتدائي)وانا 2 في الثنوي يحبون سبيس بور لانها حقت كبار شوي افلام يمثلونها اليابانيين مدري الصينين مدري وشم بس كلها خياليه ويستانسووووون عليها

(((يمه خلاص اتوب دخلي الي تبين والله يصلحنا ويهدينا ويجعل اخياني يارب هداة مهتدين يااااااااااااااااارب)))<<ناشبتن لها عند تدخيلهن ماأبيهن..




حمد ولد ابو حمد ماقصرت ... عبد العزيز العمرااان فيصل المرشـــــد
الله يوفقكم ويسعدكم دنيا واخره وعسا الجنه مثواكم ويخلي لكم بنياتكم وعيااالكم ويسعدكم فيهم ...

[فتاة حريملا]

الله يحفظ عيالك
والحمد لله فيه قنوات المجد حلوه ومناسبه لهم
اما باقي القنوات سبيس ستون وغيرها فلاتخلو من الموسيقى
ومن ترك شيئا لله عوضه الله خير منه

[جــــــــــوري]

[align=center]
ابنتي جوري الغالية
حفظك الله لي واخوانك من كل مكروه
ابنتي
انتي تعلمين انني لا احب دخول هذه القنوات بيتنا
بس عشان اخوانك ما يشفقون عليها عند غيرنا
وعشان تسليهم
وادري انها ما تخلو من الموسيقى
بس غصبن علي
ابنتي الغاليه جوري
انتي تعلمين ان اخوانك
في سن المراهقه
ويحتاجون الى قليل من الصبر وطولة البال
وبحاجه ايضاء الى عدم الشده في بعض الامور حتى لا يضيعوا من بين ايدينا



سنضع لهم هذه القنوات
وكل ما صار هناك مشكله عللناها لهم بانها من دخول هذه القنوات بيتنا
وكل جاهم هم او ضيقة صدر
نقول هذي ذنوبنا بتدخيل هذه القنوات
حتى يكرهونها من انفسهم
وبذلك ننجح في استخراجه من البيت
والله يكتب لنا ولجميع المسلمين اللي فيه الخير والسعاده
امك سديم الليل
[/align]

[قلم صريح]

المشاركة الأصلية كتبت بواسطة جــــــــــوري   [align=center] ابنتي جوري الغالية حفظك الله لي واخوانك من كل مكروه ابنتي انتي تعلمين انني لا احب دخول هذه القنوات بيتنا بس عشان اخوانك ما يشفقون عليها عند غيرنا وعشان تسليهم وادري انها ما تخلو من الموسيقى بس غصبن علي ابنتي الغاليه جوري انتي تعلمين ان اخوانك في سن المراهقه ويحتاجون الى قليل من الصبر وطولة البال وبحاجه ايضاء الى عدم الشده في بعض الامور حتى لا يضيعوا من بين ايدينا سنضع لهم هذه القنوات وكل ما صار هناك مشكله عللناها لهم بانها من دخول هذه القنوات بيتنا وكل جاهم هم او ضيقة صدر نقول هذي ذنوبنا بتدخيل هذه القنوات حتى يكرهونها من انفسهم وبذلك ننجح في استخراجه من البيت والله يكتب لنا ولجميع المسلمين اللي فيه الخير والسعاده امك سديم الليل [/align]

يام سديم الليل و ياجوري :
الله يبارك فيكم امين و يعينا و يعينكم في تربية عيالنا .

اختي ليش تفاولون بسم الله علينا و عليكم.. مايصير الله يمهل لنا و لكم اذكروا الله

مايحتاج كل ها القلق و الخوف و تخططون و تفكرون و تغثون انفسكم

اللي يبيه ربي بيصير .. ياما عيال مشايخ صاروا الثانين
وياما عيال الثانين صارو مشايخ
مهوب انتِ و لا افكارك و لا قلقك ولا تخطيطك و لا سؤالك ولا خوفك و لا كان غيرك اشطر.. الله سبحانه وتعالى وبس ..
حطيها وادعي و لا تنكدين عليهم فيها ولا كأنك ماسويتي شئ او زدتيها

[سديم الليل]

[align=center]
السلام عليكم
حياك الله اخ فيصل المرشد
حقيقه صار خلل فني في ردي الاخير انا رديت على اني
داخله باسمي سديم الليل
وصارت جوري الله يصلحها داخله باسمها ولا سوت خروج
وصار ردي انا باسم جوري

والله يجزاك خير على نصحك لنا وانا صراحه ارى اني لابد من تدخيلها ولو كان هناك معارضين
مثل { جوري واخوها ******

مشكور اخ اخ فيصل على تعبك معنا
وجزاك الله الف خير
[/align]

[جــــــــــوري]

[align=center]
السلام عليكم جميعا..

طااب صبــــآآحكم ومساااؤوكم..


وكل ما صار هناك مشكله عللناها لهم بانها من دخول هذه القنوات بيتنا
وكل جاهم هم او ضيقة صدر
نقول هذي ذنوبنا بتدخيل هذه القنوات
حتى يكرهونها من انفسهم
<<<<< لاأؤيد هذا أبدا أمي ..

انا كرهي للقنوات موب زود طوع و.... بس ماودي تصير الموسيقى لمسامعي كغيرها من الأصوات.. ولا في بيت أقاربي اقابلها واقلب بين قنواتها ((وأأنس بها))

حبيبتي غاليتي ((سديم))
رأي أخواتي وأخوتي هنا صحيح .. سيضايقني دخوله (وسأتربع أمامه)... وأتمنى أن يتحقق مرادك من دخوله

الله يسر أمور الجميع .. ويشرح صدوركم
عمت أيامكم بالأفرآآح والمسرات
:
:
[/align]

[قلم صريح]

والله يام سديم اني كنت اعاني مثلكم .. كانوا العيال معارضين

وعندي بنات اللي في الابتدائي و اللي في الثانوي و اللي في الجامعة و الصغيره اللي ماتخلي امها تابع بدايه تبي كرتون

قلت للعيال انتم يوم انكم صغار ماكنتوا تابعون الدش و الكرتون؟
طيب وش اللي صار لكم؟
الحمدلله ماصار شئ بفضل الله و الله يثبتهم و عيال المسلمين

الحين ماحد يطالع التلفزيون الا زوجتي بدايه و لا مسلسل عواطف

كلها فتره و يفطمون انفسهم

انتِ ماتدرين ان فيه رجاجيل شياب في سن المراهقه و تلقينه مثل البزر
ليش ؟
( امي الله يغفر لها ولبيي و لخياتي و جميع المسلمين .. إذا قلت لها .. ليش ّ.. قالت لأنك جحيش.. تمزح الله بغفر لها كثر ماتعبت معي)
لانه كان محروم.. و يوم انفك ماعاد قدامه رادع( رجال يقال لك) صار يفشل اللي مايعرفه من تصرافاته .. عيالنا مو هوب لازم يكونون كذا

الرحمة و الحنيّه من الاميمه . الولد يهوجس فيها و هو بعيد
اسئليني انا
انا يتيم ووحيد امي وانا في ثالث ابتدائي
ماعندي الاّ اخيات
والحمدلله على فضله
اسف على الاطالة
الله يحمي بنياتنا و عيالنا من كل موذي و متربص و يكفيهم شر انفسهم

[سديم الليل]

[align=center]
مشكور يا اخ فيصل
صراحه عندك اسلوب للاقناع
الله يحفظك لعيالك ويرزقك برهم
وجعلك تلحق فيهم ما تتمنى
وجميع المسلمين

وباذن الله ها نحن نسعى لتركيبها

والى لقاء قريب لنسمعكم اخبار دخولها منزلنا
[/align]

[قلم صريح]

الله يجزاك خير على هالدعوة المباركه و لا تنحرمين من شوفتهم يبردون كبدك بالبر و الصلاح بطولة عمرك على طاعته

[اخت اختها]

طيب ليه ماتشترين لهم أشرطة فيديو
ولاسيديات لأفلام الكرتون
والله حلوة
أمي كانت تسوي كذا
والحمد لله ماشي حالنا

[قلم صريح]

المشاركة الأصلية كتبت بواسطة الوردية~   طيب ليه ماتشترين لهم أشرطة فيديو ولاسيديات لأفلام الكرتون والله حلوة أمي كانت تسوي كذا والحمد لله ماشي حالنا

1- معروف ياختي العزيزة أن التربية مدارس
بمعنى : لكل اسرة طريقة و اسلوب و لكل طريقة سلبياتها و إيجابياتها

2- اللي يمشي معي مايمشي مع غيري و العكس.
اختلاف التفكير و القدرة العقلية و المادية و التعليم والتربية التي خاضها الوالدين و اشياء كثيره
هم من يحدد الاسلوب و الطريقة

وانا ذكرت في البداية بأن ماقول و سوف اقول هو مجرّد .. رائي و ليس نصيحة
وانتِ قتلتي رائي مُجرّب الأن

[قلم صريح]

تصحيح

المشاركة الأصلية كتبت بواسطة   وانا ذكرت في البداية بأن ماقول و سوف اقول هو مجرّد .. رائي و ليس نصيحة وانتِ ( قتلتي)قلتي رائي مُجرّب الأن

اسف الكلمة انقلبت بعكس المراد المعذرة
الكبر شين
ركزوا و شوي بتعب واطيح
ابا اطيح شمال و لا يمين ولا ورا ؟
قدام مقدر لان الشاشة تردني
هاه سهلتها لكم
لاتنسون تحدثون الصفحه يمكن قد طحت وانتم مادريتوا