في يوم حار زي هالايام اللي خلتنا يالفقارى جالسين وقاضبين ارضنا .
وحارقتنا الشمس وشاويتنا مثل البروستد
اوتقل ضبان مقعده وتعرفطت جلودنا تقل مانعيش الا بشمس
ولا ريحه الصنان اللي واصل اخر الشارع واي واحد يشم ريحة العرق على بعد كيلو
في مثل هالايام طقت براس وليــد انه يمر اخته الكبيره يروح يسلم عليها
وصل عند باب اخته بعد صلاه المغرب اللي حصله( مهجوج ) يعني مفتوح على الاخر والوقت ظلام واخته اوعيالها او شغالتها ما ولعو انوار الحوش اللي كله مليان نخل واشجار أثيل والباقي تعرفونه ماعلينا 
الاخ وليد ابن الــ25 عاما وهو داخل سمع صوت خرفشه بهالظلام بين النخل وقبل مايدخل الفله عنداخته
قال : وش هاللي يخرفش ؟
راح داخل الحوش ومير يلقى صقر والله العالم يامريض اومجروح المهم
اخذ وليد الصقرلبيتهم وحطه بشبك
و من صباحيه الله وداه لسوق الصقور بالديره اللي جنب المحكمه بالرياض وسأل البدوان وبعض الخبراء عن نوعه واصله وفصله وسعره
وقالو له : هذا اذا كثر قيمته 3000ريال
راح وليد بعدها وداه للبيت وحطه بالحمام
الله يكرم السامعين والاعضاء ، اللي يشاركون واللي مايشاركون
وربطه بسلسله حتى مايهج وعلشان يكون في مكان رطب ويتمشى على كيفه بهالظلال
الحبيب وليد ماله خبره بالصقور وعلشان كذا راح لاقرب ( بــنــده)
واشترى طيور سمان مجمده علشان يوكل الطير
لان بياعين الصقور قالو له وهو يسولف معهم عطه سمان وهم يقصدون سمان حي بريشه وعظامه ويتحرك
وخوينا الخكري جابله سمان مجمد (الله يخلف على امن جابته)
لما وصل خوينا بيته وراح فوق للصقر في حمام الملحق ورماله السمان المجمد
طالعه الصقر بطرف عينه
وكنه يقول : وش دعوى ما مليت عينك يـابطه حنا ماناكل الا فررريش يعني طازه
شوي ولا الصقر يرفس السمان المجمد ( الله يكرم النعمه )
طبعا الحبيب عرف المقصد وسأل وشاور وعرف الصقر وش يبي
وصار يجيبله طيور سمان حقيقيه
ومن اول ما يرمي عليه واحد من هالسمانات الا تشوف الريش يتتطاير وبلحظه يختفي هالمسكين جواالصقر
وبعد مرور عده ايام استصح الصقر وصار نشيط وده يطير لكنه مربوط بسلسله
وفي احد الصباحات الجميله بالنسبه للصقر طبعا
مر قطو ( شكله غبي وحمار ومسطحه كورته ) على الحمام وكان ناقز من بيت ثاني باين على شكله من بعيد انه ينقط غباء وانه اساسا ما عند ابو امه سالفه لا وشكله طاير بالعجه
يوم انه شاف الصقر وعلى باله انه حمامه
قرب من الصقر شوي ويقاله يبي يجس النبض
الصقر مسوي نفسه ثقيل وهو اساسا مهوب راعي شر
القطو فاهم الموضوع غلط وقال: اكيد هالحمامه خايفه مني
من زين كشرتك يخاف منك
يادلخ هذا صقر
يازلابه وخر لا توهق نفسك
ياطبل تراك منتب قد هالامورالسالفه مو اللي على بالك
ياحمار افهم الموضوع اول
بكيفك انت اللي جبته لنفسك
قرب القطو الغبي وهجم على الصقر
الا والصقر يغرس انيابه عفوا اقصد مخالبه في بطن ووجه القطو
اللي عرف ان الموضوع مو اللي على باله وتاكد ان اللي قدامه ممكن يكون اي شي ولا يكون حمامه
( لكن وش عقبه ياحمار)
وحب يفلت لكن ابو الشباب مسكه مع ذيله وسحبه وسوى منه شاورما بالمايونيز
اخونا وليد رجع من الشغل وراح للصقر يطمئن عليه ويعطيه غداه
لقى كل ارضيه الحمام دم هذا غير
الذيل المقطوع المرمي هناك
وشوي جلد مرمي تحت الباب
وعظامه القطو وراسه منطولين عند البزبوز
نهاية قصة قطو مشفوووووح
16-07-2002, 09:59 PM
العرض العادي
