منتج للتسخين يعمل لمدة ساعتين وفقط بريالين

[الجنوبي 2000]

السلام عليكم ورحمة الله وبركاتة

مرحبا بجميع اعضاء وزوار منتدانا الغالي سدير

حبيت اضيف اليوم مادة للتسخين وتعتبر جديدة للكشاتة

وانشاء الله مايكون فية حد قبلي طرح الفكرة

والمفاجأة انها فقط بريالين يابلاش

واكيد ان الجميع يعرفها وستجدوها في اي بوفية تحضرونة وفي كل المطاعم الراقية

في اخر بوفية حضرتة جاتني الفكرة بعد ما شفت طريقة التسخين القوية للطعام على الصحون الكبيرة برغم من تشغيل المكيفات والجو كان مثلج

واسمة التجاري هو : chafing dish fuel

معناها وقود صحن الشيف يعني الطباخ

والجدير بالذكر ان هذا المنتج ليس لة رائحة ابدا ولا دخان ولونة ازرق كلون المواقد لدينا

فهو مخصص للأماكن المغلقة لكن الأوربيين والأمريكان قد اكتشفو الطريقة قبلنا بأشواط وهم يطبخون علية

لكن نحن سنكتفي بالتسخين وعلى فكرة نارة قوية ولا يستهان بها وتستطيع استعمالة في رحلاتك او في منزلك حتا في غرفة النوم

مالة ريحة ابدا فهو منتج ذو خامة نظيفه ويستمر في العمل لمدة ساعتين كاملتين مثل ماهو مكتوب

وفية منهم ابو 6 ساعات وابو 8 ساعات انت وختيارك

نشوف معاكم العلبة من الخارج والقيمة مو جودة عليها

نشوف وش مكتوب علية من تحذيرات

طبعا ما يهمنا في الأمر هو جودة التسخين

بصراحة قبل مااطرح الموضوع فكرت كيف نستفيد منة وكيف الكشاتة خاصة يستفيدون منة

طبعا اول ماتشتري العلبة تفتح الغطا وتشب علية مباشرة ولا تخاف منة كأنك مشعل شمعة

قبل ماتشب علية ابي ارويكم الخامة وهي زرقاء اللون وهلامية يعني كأنها جلي واحذر تلمسها كما هو مكتوب في التحذير

هي غير سامة ولكن كيماوية

نشاهد الخامة من الداخل

طيب الأوربيين والأمريكان سوو لهم عدة طرق ليستفيدو من هذة العلبة وحنا يخلف الله يا حظهم مصانعهم في كل مكان

تعالو نشاهد بعض ابتكاراتهم لهذة العلب

هذي لداخل البيون مثل تسخين الشاهي او الطعام

الي يهمنا في الموضوع هو الرحلات وكيف يستفاد منها واليكم الصور

وماقطع قلبي الا هذا ونقدر نسوية ما هو صعب لكن بيكلف ذرى وقز

وهذا نموذج اخر للرحلات

شوف الدلع كيف مع ان هذا التصميم يصلح لجميع المواد المشتعلة هلام او سوائل او حبات تجي زي البندول حتا لو تحط فية قاز ضبط

وهذا نوع اخر وبدوخون من كثر الأنواع لكن نكتفي بهذول

هذي بالنسبة للأوربيين والأمريكان متوفرة عندهم وانتم تقدرون تطلبون لكن مابصير لازم نشغل مخنا شوي

وهذا الموضوع متشعب والكل عندة فكرة ازين من الي قبلها لكن على السريع هذي فكرتي

اولا ومن الأشياء المتوفرة عندنا الذرى عن الهوى

هنا خلصنا من مشكلة الهوى باقي التركاب

والله قعدت احوس احوس ماخليت شي ماسويتة مع انة عند الحداد ماتاخذلك نص ساعة بس وين الوقت

لقيت قز ابو عين وحدة وارد السنيدي وهذي صورتة

وقوم اقيسة مع العلبة

الا هو مايحتاج ولعيون مكشات واهل مكشات شلحناة وحطينا العلبة تحت منة وكأنة جاي تفصال وشبينا علية نشوف وش علومة

حطينا علية غوري مقاس 14 دايمن الصيني وعبيناة لتر واحد مااااء

تصدقون بعد دقيقتين ماقدرت احط يدي على الغوري من شدة الحرارة

انا ماكنت ابي اجرب علية الغليان ابية فقط للتسخين وهنا يجب الأنتباة لازم ماتخلية لا صق مرة وحدة خلة وسع قليل تقريبا 3 سانتي

لأنة اصلا نار واذا خليتة فترة طويلة راح يفوح لك الي تبية لكن هدفنا هنا الشي الي هو مصنع لة وهو التسخين

بعض الصور للشعلة وسامحونا على عدم جودة التصوير

منقول

[سمحة الخاطر]

والله حلو

لكن مهوب هذا نفسه اللي موجود في البوفيهات المفتوحه؟؟

شكرا لك

[الجنوبي 2000]

البعض نفس الشكل


لاهنتي

[المقيد]

مشكوووور اخوي عـ الموضوع

[قلم رصـــاص]

وعليكم السلام ورحمة الله وبركاته ,,

ماشاء الله

فكرة جميلة , ميزتهآ إنهآ صغيرة و خفيفة

يعطيكـ ألف عآفية يآلغآلي

[طبعي كذا]

والله سعرهااااااا مغري

ويا بلاش ههههههه


عوآآآآفي ع الطرح اخويه

[مسك سدير]

شكرا لك والله شي جميل

و الوعد ان شاء الله بالشتاء

اضبط الجيب وازهب العدهـ

[الجنوبي 2000]

صحيح حمد سالت عنها يقال عند السنيدي مدري عاد هم صادقين او لا

لاهنتم صدقت يا حمد الشموع وارخص

لكم الشكر جميعا على مرروكم الطيب

[الإكليل]

يامال العافية والله الجنوبي 2000

[الجنوبي 2000]

لاهنت يا الغالي

حياك ربي على المرور الطيب

[عزوزي]

مشكور ااخوي ولله حلو