الــــــــــوداع الأخيـــــــــر .............

خفوق إنسانة · 27-08-2010, 01:49 AM

الوداع الأخير للشاعر تركي الميزاني المطيري

يا مالك الملك يالواحد شديد العقاب
يا غافر الذنب يا مرسل رسوله نذير
يا خالق الخلق يا محصي الخطا و الصواب
تعالت اسماك مالك في صفاتك خشير
يا محيي الارض بأمرك من حمول السحاب
يا عالم ٍ بالحياة وما يؤول المصير
يا جامع الناس في يوم الحشر و الحساب
ما فيه فرق ٍ هذا تاجر و هذا فقير
كـل الخـلايق سـوا إلا بحمـل الـكـتـاب
لا شخصت أبصارهم يوم النهار العسير
أ حدٍ كتابه فتح له صوب جنتك باب
و احدٍ هوى به كتابه للسخط والسعير
يا رب رحمتك لا هلوا علي التراب
و اصبحت مالي من الوحشه مفر و مطير
و اقفوا و لدموعهم فوق الخدود انسكاب
و اسمع قريع احذيتهم في الوداع الاخير
و دخلت في عالم البرزخ و طال الغياب
و فارقت كل الحبايب و الاهل و العشير
و جوني ملايكتك اللي للعمل و العذاب
و استسلمت نفسي لمنكر و جاني نكير
في موقفٍ للسؤال يزيد ثقل الجواب
الا برحمتك ياللي بالخفايا خبير
يا رب حملت نفسي بالشقا و العتاب
و مديت حبل الخطا لابليس و اصبحت اسير
و طاوعتها في متاهات الوهم و السراب
لين شبكتها الخطايا شبك و النفس طير
أزل و اقول انا توي بسن الشباب
و اليا نصحني محب اقول توي صغير
ما كنت حاسب لوقتي والليالي حساب
و لا كنت افكر وش اللي في زماني يصير
الا بعد ما انتصفت العمر و الراس شاب
و فقدت من ربعي الادنين جمع ٍ غفير
عرفت بأن الحياة مصارعة واكتئاب
واني مودع ولا لي غير ربي نصير
و من لا تزهب من التقوى ليومه زهاب
لا مات وش حجته يوم النهار الكبير
في الموقف اللي مافيه مجادلة و انسحاب
من هول هاك النهار يشيب راس الغرير