أيه وآلله أهوجس ولآنيب مرتآأإح

[خفوق إنسانة]

أي والله أهوجس ولانيـب مرتـاح ..
.. والحزن في حوش الحنايا بفـروع



أمسيت من وصل المواليـف مـزّاح ..
.. وأصبحت من فرقى المواليف مفجوع


البارحه في غبّـة الوصـل سبّـاح ..
.. واليوم من عرش المواصيل مخلـوع



يا صاحبي صرح الهوى والوفى طاح ..
.. والقلب كنّه من عراويـه مقشـوع



كنت أحسب ان لحبّنا عشـرة ارواح ..
.. الين شفت الحبـل بيـديّ مقطـوع



يوم العهد به حـدّه اسبـوع لا راح ..
.. اسبوع ويعوّد علي شـوق ودمـوع



واليوم خمس سنين والهم مـا زاح ..
.. هم الفراق اللي بلا عـذر مشـروع



استغفر الله تسعة شهور يـا صـاح ..
.. في غيبتك قمت احسب اليوم باسبوع



ضاع الحساب وشفت برق الجفا لاح ..
.. وأيّست لولا ان الرجاء فيّ مـزروع



العام خلّي يسمـع القلـب لا صـاح ..
.. واليوم مهما صاح ماهوب مسمـوع



وحالي نحل والحال ماهوب منسـاح ..
.. من كثر ما اضمى للمواصيل وآجوع



بليت في من دونـه سيـوف ورمـاح ..
.. وغدا علي وصله مثل حبّـة الكـوع



له منّي ان سرّه على الناس ما باح ..
.. ولي منّه ان الصد غصب بلا طـوع


للشآأعرآلكبير /محمد بن فطيس

[دلع بس على سنع]

يعطيك العافيه
كلمات رائعهـ

[عبدالرحمن الفهد]

ما فيه جديد دائما مميزه ما شاء الله عليك حتى في نقل

قصـــيده رآآئــعه صح لســانه بن فطـيس
ويسلم ايدك
مشكــــوره

يا اممم وش نقول بس ؟



نقول أميرة الشعر

[خفوق إنسانة]

غلاتي امواج الاروع طلتك الغاليه ...

[خفوق إنسانة]

اخوي الكريم عبدالرحمن طلتك تزيد روعة صفحتي
مشكور اخوي ولاهنت ....

[قلم رصـــاص]

مآشآء الله

قصيـدة رآئعة

من شآعر متميّز

ألف شكـّر مشرفتنآ على النقل الجميل