انشهد ان لحظه الفرقى كل العلوم ضايعه !!

[نهآية حلم]

على صوت الــ غ ـــرام اللي سكت لحظه التوديع


على درب الفراق ودمعة المــ ح ـــروم وآهاته


جلست أجمع فرح عــمر وسنين مالها تجميع


وأقول الله على غــالي تبي تبعد مسافاته


أنا كيف أتركه يرحــل وأهيم برحلة التلويع


وكيف أترك وليف لي وأرضى في نهاياته


وأنا ماظن لي قلب على هم الفراق يطيع


وأنا ماظن به قلب يعيش بدون نبضاته


أروح أعاتبه ؟ وألا أعــيش بواقع الترويع


وأنا وشلون أعــاتب والعيون تشوف دمعاته


أنا أشهد لحظه الفرقى بها كل العلوم تضيع


يتوه الهرج في حلقي ونوب تموت كلماته


ترافق ضيعة علومي دموع مابها ترجيع


معاها حرقة تصرخ تدك الصمت وسكاته


تعال أطلق عنان الدمع مدام بدمعنا تمتيع


مدام الوقت ظالمنا فلا تغريك ضحكاته


هموم جالت بصدري تقطع بالأمل تقطيع


وأنا هالوقت يصدمني تضيعني متاهاته


أمل قربي مع إنسان تربع بالحشا تربيع


بعد هذا كيف الرجل تمشي في نهاياته


ترى هالخوف والريبه حشا ماهي للتوديع


أخاف أن غادر الغالي تسوق الرجل خطواته

[عبدالرحمن الفهد]

ترى خير الكلام الذكر وأشرف مفرده تسبيح
ودنيتنا قيصدة أعتقد ما هي بموزونه

يطيح المزن لكن السحابة ثابتة ما تطيح
مثل مداتنا لامن عطينا جات مضمونه

و أنا ماني بطير صاده القناص بالتلويح
أنا طير على الغيمة يحوم و لونها لونه

من التلميح ما يكفي عن الشرح ومن التلميح
ما يجرح لي زوايا خافقي ويحطم ركونه

قصيدي كان ما بكى السحاب ولا استثار الشيح
يمين الله.. لأطبع بنات الفكر من دونه

أعسف القاف للمعنى مثل عسفي ببنات الريح
وتجي قافي مثل شيخ بني عمه يحشمونه

أنا أعشق بكل إحساس لكن مستحيل آصيح
أنا لي هامة عيت تطيع الذل .. مجنونه

أنا سدي حفظ سر الكلام ولا أحب أبيح
و عذالي تعرف قيمتي بروح مغبونه

عجزت أداوي آهات الشعوب وفكرة التسليح
و إذا جيت أشعل أهرام الظلام مات فرعونه

و إذا عيا على الظامي نهر دجلة وعين السيح
من يلوم الحزين ليا انتثر دمعه من عيونه

أبا اشبح دام ما يقبل ميول الفكرة التصحيح
و أبا أرقى للنجوم الي تبا موتي على هونه

ترى طعن الظهر غادر و لا يحتاج له تصريح
ولدغات الحنش تقتل وخص إن جات مدفونه

يقال إن الأساطير القديمة ما تبي تنقيح
وسنون سممت تقتل ولو ماهي بمسنونه

أنا ما خفت من برد الضلوع وقسوة التبريح
أنا ألفظ كل زفرات الغلا واللي تعرفونه
مجرد ش ع ر
(( والشعراء يقولون مالا يفعلون ))

[قلم رصـــاص]

مآشآء الله

قصيدة جميلة!

ألف شكـّر على النقل , و ع ـيدكُم مُبآركـ

[خفوق إنسانة]

روووووعه تسلمين يالغلا ....

[نهآية حلم]

ربي يسلمكم
ومشكورين على المرور