إنتبه .. تخطي علـي .. وتعتـذر لـي بالميانـه

[نهآية حلم]

ما أختلفنا .. هي ميانة .. بس ما هي كـل حيـن
كـان قصـدك بالتمـادي .. ودك أذوق الإهـانـه
والله لتبطي وتبطي .. مـا خضـع لـك هالجبيـن
وكانك إدوّر سبـب .. لأجـل المفـارق والخيانـه
إبتعد عني .. ولاني ناشدك .. رايـح .. لــ/ ويـن
من يبي فرقاي .. في حفظ الكريم .. وفـي أمانـه
ما التفت له لو يصد .. أيام .. وشهور .. وسنيـن
وأنت لو قصدك كذا .. فــ/أرحل ترى مالـك مكانـه
صد عني .. وإنتبه .. لا عاد ترجع .. لـو تليـن
رد قلبـي .. يـوم قلبـك ماحفـظ ودي وصانـه
بادلك بالحب .. لكـن مـا لقـى قلـب(ن) يعيـن
رد قلبـي .. دام قلبـك ماعطانـي مـن حنـانـه
ما عرفت تصون حبي .. ولاعرفـت تحـب زيـن
لاتظن قلبي .. عقب ما خنـت بـه مالـه مكَانـه
والله إنك لاجرحته .. ومـا شكـى جـور السنيـن
ولاتظن حالي عقب فرقـاك .. يُرثـى فـي زمانـه
ما شكيـت الحـال .. ولابيّحـت سـدي والكنيـن
لاتحسب إني بــ/ دونـك عيشتـي عيشـه مُهانـه
والله إني ماحسبت حسـاب .. شـوق ولا حنيـن
أبك انا أخويه ليا من صـد .. خليتـه فـي شأنـه
كيف عاد اللي .. ما يربطني معه حبـل(ن) متيـن
عشت في وقتي .. عزيز النفس ماعـرف الليانـه
شامخ(ن) .. مايرتخي رأسـي .. ولايمكـن يليـن
من شراني إشتريته .. وصنـت عهـده والأمانـه
عادتي ما أخون عهد الحب .. وما أخـون اليميـن
ومن يبي فرقاي .. في حفظ الكريم .. وفي أمانـه
ما التفت له لو يصد .. أيام .. وشهور .. وسنيـن
وإنتبه .. تخطي علـي .. وتعتـذر لـي بالميانـه
ما أختلفنا .. هي ميانة .. بس ما هي كل حين ..؟

[عبدالرحمن الفهد]

يعطيك الف الف الف عافيه على هالكلمات

والله انك صادقه واحيانا تكون

الميانه تكون سبب خيانه
شكرا لك
على الانتقاء المميز
قصيده جميله ومعبره
لاحرمنا من مشاركاتك .

[خفوق إنسانة]

تسلمين روووووعه ,, مبدعه بالإختيار ..
ودي ...

[ضياء الفجر]

جميلة ، وخطيره ورهيبه ،، ماشاء الله تبارك الرحمن على غازلها ..
أشكرك وسام البراءة وبارك الله فيك .

[قلم رصـــاص]

مآشآء الله

رآئعة بصرآحة!

ألف شكـّر و ننتظر جديدكـ