يالله يالمنان يا فارج الظيق (( جديد تفضلوا ))

[ناصر بن فهاد]

بسم الله الرحمن الرحيم
السلام عليكم ورحمة الله وبركاته

أليكم هذه القصيده وتوني نظمتها وعساها تنال على رظائكم
بعنوان يالله يالمنان
صــلـوا على النبي

[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]




يالله يالمنان يا فارج الظيق = تفرج هموم المؤمن أنجاك ظايق
يا منزل الأنعام ومبلل الريق = ياعالم أبجعبة صدورن غلايق
يالرافع الباسط على أمرك أنفيق = ياخالق الأنسان بأحسن خلايق
يالله أنا بحماك والرزق توفيق = بأمرك نسير ونقتسم للفرايق
تكفيني أبجاهك من أهل التلافيق = اللي لهم بالكذب درب وطرايق
وتكفيني أبجاهك نمايم وتزريق = وتكفيني شر اللي عيونه توايق
وتكفيني اللي للملا حب تفريق = وتكفيني اللي حب شب الحرايق
وتكفيني اللي غرق الحق تغريق = ظالم وحكمه لاش عدل وحقايق
وتكفيني اللي للملا دوم تصفيق = أسمه منافق دوم لزور سايق
وتكفيني اللي سوق الغش تسويق = تاجر بغش الناس لايق وفايق
وتكفيني اللي لذمم حط تعليق = من دون ذمه عاش والراس رايق
وياللي تشوف البيت قبله وتشريق = سلام مني وأخذ صك ووثايق
ماني من اللي فتق الشعر تفتيق = ناس هداها الله كذب وزرايق
شاعر وأعتق صافي الشعر تعتيق = وأمشي على نهج النبي دون عايق
وأختامها مثل الرعود وتباريق = من قبل جف الريق والذكر لايق
أشهد بأن الله هو جالي الظيق = الواحد وأرسل نجومن شرايق
وصلوا عدد ما بان للحق توثيق = على النبي أشرف شريف الخلايق



[/poem]

وسلامت الجميع وأن شاء الله تنال على رضائكم

[سمحة الخاطر]

صلى الله عليه وسلم

اللهم آمين الله يفرج عن الجميع

صح لسانك وطاب حالك على الأبيات الرائعة

[عبدالرحمن بن سعد]

ناصر بن فهاد

قصيده رائعه وجزله

وللاسف بدون نفاق

ان اراء الاعلام يظهر لنا شعراء مصنعين

وان لا اجدك انت وبعض الشعراء هنا او في منتديات اخرى

قصيده اعجبتني جداً

وصح الله لسانك وبيض الله وجهك

وتقبل الله منا ومنك

تقبل احترامي

[خفوق إنسانة]

اللهم صلي وسلم عليه ..

قصيدة رائعه كعادتك اخي الكريم
دمت مبدعاً في سماء الشعر ...

[ذياب العصيمي]

ناصر بن فهاد

صح الله لسانك

رائعه من رائع

وأتمنى منك توضيح هذا الشطر لي

من ناحية الوزن (وتكفيني شر اللي عيونه توايق)
يجوز أن هناك خطأ مطبعي
وأتوقع الياء في تكفيني زائدة

أفدنا بارك الله فيك

متمنياً للجميع التوفيق والسداد..

[ناصر بن فهاد]

المشاركة الأصلية كتبت بواسطة سمحة الخاطر   صلى الله عليه وسلم اللهم آمين الله يفرج عن الجميع صح لسانك وطاب حالك على الأبيات الرائعة

اللهم امين

صح الله بدانك وشاكرلك التواجد الطيب

[ناصر بن فهاد]

المشاركة الأصلية كتبت بواسطة عبدالرحمن بن سعد   ناصر بن فهاد قصيده رائعه وجزله وللاسف بدون نفاق ان اراء الاعلام يظهر لنا شعراء مصنعين وان لا اجدك انت وبعض الشعراء هنا او في منتديات اخرى قصيده اعجبتني جداً وصح الله لسانك وبيض الله وجهك وتقبل الله منا ومنك تقبل احترامي

اخوي عبدالرحمن


صح الله بدانك


وجهك ابيض يا بعدي

ولاهنت على التواجد الطيب

شهاده اعتزبها منك ولاخلا ولاعدم من ذالوجه

[ناصر بن فهاد]

المشاركة الأصلية كتبت بواسطة خفوق إنسانة   اللهم صلي وسلم عليه .. قصيدة رائعه كعادتك اخي الكريم دمت مبدعاً في سماء الشعر ...

شاكرلك التواجد الطيب


ولاخلا ولاعدم من ذالوجه



وبارك الله فيك

[ناصر بن فهاد]

المشاركة الأصلية كتبت بواسطة ذياب العصيمي   ناصر بن فهاد صح الله لسانك رائعه من رائع وأتمنى منك توضيح هذا الشطر لي من ناحية الوزن (وتكفيني شر اللي عيونه توايق) يجوز أن هناك خطأ مطبعي وأتوقع الياء في تكفيني زائدة أفدنا بارك الله فيك متمنياً للجميع التوفيق والسداد..

ذياب العصيمي


صح الله بدانك

وبارك الله فيك


ولاهنت على التواجد الطيب


بخصوص الشطر الذي ذكرته مابه اي شي سليم مليار بالميه ولابه اي خطأ مطبعي ربما نطق بعض الأحرف عندك خطأ ..


ولاهنت وعساك على القوه

[قلم رصـــاص]

صلى الله عليه وسلم

قصيدة جميلة!

بآرك الله فيكـ شآعرنآ المبدع

[ناصر بن فهاد]

المشاركة الأصلية كتبت بواسطة قلم رصـــاص   صلى الله عليه وسلم قصيدة جميلة! بآرك الله فيكـ شآعرنآ المبدع

عليه الصلاة والسلام


بارك الله فيك يا قلم رصاص


وشهاجه اعتزبها منك يابعدي


ولاخلا ولاعدم من ذالوجه

[أبو حمـد]

عليكم السلام ورحمة الله وبركاته ،،

واللهم صلي على نبينا محمد وعلى آله وصحبه وسلم ،،


وياهلا أخوي الشاعر ناصر بن فهاد ،، ومساك الله بالخير ،،

وكل عام وأنت بخير ومن العايدين الفايزين إن شاءالله ،،


والله يعطيك العافية لهذه القصيدة الرائعة ،، والممتعة بحق ،، لما تضمنته من معاني راقية ،، وهذه عاداتك فقصائدك لها رونق خاص منفرد ،،

وصح الله لسانك مدد ،، وسلم بنانك ،، ولاهنت يالجزل ،،



أخوي الشاعر ناصر ،، أستأذنك في طرح رأيي ،، بشأن مداخلة الأخ الشاعر ذياب العصيمي ،، بخصوص حرف الياء الأخير في كلمة وتكفيني ،، في الشطر " وتكفيني شر اللي عيونه توايق " ،،

وفي البداية أشكرك أخوي الشاعر ناصر على تنويهك ،، وأشكر الأخ الشاعر ذياب على ملاحظته الدقيقة جداً ،، والهادفة لإضفاء بعد جمالي ،، وسلاسة ممتعة للشطر ،،

وفي رأيي أن كلا الشاعرين محقين فيما ذكروه ،، وهذه الملاحظة حول حرف الياء ،، صحيح أن حذفه يضفي بعد جمالي آخر ،، لكن أيضاً وجوده قد لا يؤثر على نسق وسلامة شطر البيت ،،

والسبب أن القارئ عند قراءة الشطر متواصل وكاملاً ،، نجده يراعي تخفيف نطق حرف الياء ،، دون قصد منه ،، ولا يتوقف عند حرف الياء ويبرزه في كلمة " وتكفيني " حتى وإن كتبت ،، وتنطق " وتكفين شر اللي عيونه توايق " ،،




وشكراً لإتاحة الفرصة لتبادل الرأي ،، ووافر التحية والتقدير لكم ،،

[أبوإبراهيم الشويعر]

ناصر بن فهاد
كأنك والبديع توأم ...
بوركت وبورك نظمك الذي يفيض عذبًا سلسًا ...

[ابو ريما]

صح لسانك