ياهيه جاك القاف مسيت بالخير

[خفوق إنسانة]

ياهيه جاك القاف مسيت بالخير
ويسعد مساء اللي لفانا قراهــــــــــا

اسوق لك بالقاف حلو التعابير
ابيات شعرٍ تكتسي من بهاها





في مجلسٍ ينخاه كل المناعير

شعار من يبلغ علو مستواها





واسقيك من صافي الدلال المباهير

قهوة محبــــــــــه والولــــــــه محتواهــــا





واميزك عن ناس غيرك مشاهير

واعطيك من فيض المحبه صفاها





غلاك صايبني بنشوه وتخدير
واصبحت لريم الجفوله مناها





تشهد على حبك دموعٍ محادير

ويشهد عليه الليل يومه سراها





تدري متى تلفي طيوفك مسايير

واتذكرك والعين يكتض ماها





وتزيد في عقلي هجوسٍ وتفكير
واجر وناتي ويرجع صداهـــــــــــا





في تالي السهره وفي حزت اعصير
تزيد اشواقي ويلهب سناهــــــــــا





لا تحسب اني لا مدحت الشواعير
اهتم باسماهم وادور رضاهــــــــــا





في داخلي للقاف حشمه وتقدير
وامدح بيوت الشعر وامدح بناها





وشعارها يوم احسنوا بالتصاوير
خلت مدايحنا تزود حلاها





ماني بمن تتبع لنفاخت الكير
ولا ذيابه ليل تعوي جراها





لاهل الهوى لذه وانا لذتي غير

لذه طهر والصدق زود نقاها





تفداك روحٍ ما احسبت للمخاسير
وتفداك عينٍ قل شوفك عماها





ويفداك قلب صار مثل العصافير
لاسمع صوتك رف يطوي سماها





ويفداك قاف جاء يسوق المعاذير
ويرجي حروفه تبلغ اخر مداها





هذا هو الواقع ولا فيه تغيير
وهذي حروفي يوم حبك زهاها

[نهآية حلم]

تسللللمي خفووووووق أبيآت في منتهى الروعه ~~

وسآم مــرت من هنآ

[خفوق إنسانة]

الأروع طلتك وياهلابك ...

[شوشة بس أخلاق]

روعه هالابيات سلمتٍ

[خفوق إنسانة]

يسلمك ربي يالغلا
نورتي الصفحه بطلتك ..
لاعدمت هالمرور ..

[قلم رصـــاص]

يآسلآم!

رووعة بصرآحة

يعطيك ألف عآفية

[المهرة]

ماشاء الله تبارك الرحمن

رووووعه بارك الله فيك

ويعطيك ربي العافية

شكراً..

[خفوق إنسانة]

تشرفت بمروركم يالغوالي
ربي لايحرمني من طلتكم ...

[آنثى مخمليه]

روووووووعه مثل رووعتك ’’

تسلم آناملك على هالطررح ,,

لآعدمنأآإك يَ الغلآ ..