ياحول أنا من جروح القلب والحب ياحول

[نور الأصايل]

هذه قصيدة نادرة للشاعر الكبير

سليمـــان بن شــــريم

يحول انا من جروح القلب والحب ياحول
عزاه عيني من الفرقا وانا اقول وش صار


اذكر زمانن مضى يطري علي البال واقول
ياناس انا اللي عليل القلب كني علي نار


سبحان من غير الدنيا علي كل مجمول
هذي حياة المولع لاتلومونه بالاقدار


ياليتني مستريحٍ من هوى كل مدلول
عليه اجاوب حمام الورق لاشك صبار


يالله لاتقطع المشفي من اللي قال له قول
حالي براها قوي الحيل والحب غدار


صحيح انا ياحبيبي خاطري منك مشغول
وانت السبب ياوزين الروح والحب تذكار


العام يوم انت معزول وانا عنك معزول
يالله لا تجعل الفرقا علينا يالاخطار


ترا الغلا لا حصل هرج من الناس منقول
حسبي علي اللي سعو مابيننا في كشف الاسرار


اللي عليه تغلا وانت يازين مقبول
خل المحبه طويله وترك العيب والعار

ديوان بن شريم

[خفوق إنسانة]

سبحان من غير الدنيا علي كل مجمول
هذي حياة المولع لاتلومونه بالاقدار

صح لساااانه مليووووووون ,,
اخوي نور الأصايل عندك ذائقه شعريه مميزه ماشاء الله
دام هذا التميز ..

[نور الأصايل]

المشاركة الأصلية كتبت بواسطة خفوق إنسانة   سبحان من غير الدنيا علي كل مجمول هذي حياة المولع لاتلومونه بالاقدار صح لساااانه مليووووووون ,, اخوي نور الأصايل عندك ذائقه شعريه مميزه ماشاء الله دام هذا التميز ..

اشكر تعقيبك وإطرائك
اختي خفوق انسانه
وهذا من حسن ذوقك
بارك الله فيك