كشتة خفافيه لـشرابث يوم الخميس 7/3/1432هـ ( صور )

ايمن العامر · 13-02-2011, 09:52 PM

بسم الله الرحمن الرحيم

السلام عليكم ورحمة الله وبركاتة

اليكم اعزائي الكرام تقرير لكشتة الخميس
7/3/1432هـــ
10-2-2011م
في شعيب شرابث
الواقع
غرب محافظة الغاط قرابة 25 كيلو
في المستوي

وهذي صوره توضيحيه لموقعه عبر قوقل ايرث

وهذي صوره توضيحيه لشغايا شرابث من الاقمار الصناعيه

المقدمة ملطوشه من المبدع الجوكر ( تركي )

وحنا بالطريق لقيت هالمملوح توه جديد على الدنيا

وهنا عقب مانزلنا نطلق رجلينا شوي

وبسم الله شب على الفطور والحمسه

كبده ولا احلى من يدين مانعدمها يابو لمار

وفيذا الشاهي وقدرن ثاني مع الفطور الكبده لحالها ماتسوي شي بالبرد

اوووما دلة الحليب هذي كلام ثاني تحط جايكين يالله تشوف الحليب بقاعها

الربع قلطو على الفطور وبسم الله

وعقب الفطور قمنا نطلق رجلينا زين وجوله حووول المكان

اجواء الخميس كانت رائعة والسماء صافيه

طبيعة المكان سبحان الله

واعيباه بس هذه كبرك وتوك ترضع

يوووه حسيت بروعه يوم التفت لقيت كل الشلة يناظرون

الحصى بالمكان وعوامل التعريه

صوره عادية صح؟ وتبين المكان من فوق بس اصبرو شوي

هذولا الربع جالسين بالمكان هذا حسيت اني بتمثلية بدويه يوم اقبلت عليهم

وهذا من فوق للشعيب

امممممم بغيت اجي مجاوب على وجهي

جت عاد حزه الغداء بعد المشي <<<<<<<<<< تسني مافطرت

يم يم يالحمسه

تتبيل اللحم

اهم شي فلفل شقراء ياكافي على قوله هاك الواحد ادخل النار ببطني اعوذ بالله

تم النقل للمكان الجديد

وجاري تغطيته

وبعد ساعتين وزود وعقب مامتنا جووووع جاء الامر بالفتش عن المذكور

حز فزر

والنتيجه

ماشاءالله تبارك الرحمن

مع هالنثريه مايحتاج كلام

وبس

بمان الله

فهد المنيع · 13-02-2011, 10:23 PM

عليكم بالعافية ..

كشته حلوة يا أيمن ومشكور على التغطية ..

قلم المحبه · 13-02-2011, 11:19 PM

تغطيه روعه
مشكور والله يعطيك العافيه

عذبة الصفات · 14-02-2011, 03:42 AM

مشاء الله كشته رووووووووووعه

مع اني مااحب اللحم بس لحمكم شكله يشهي
عليكم بالعافيه..

ومشكور على التغطيه الرائعه..

عبدالرحمن بن سعد · 14-02-2011, 04:32 PM

مشاء الله عليك

رحله ممتعه وموقع مميز وجميل
اهنيكم مشاء الله

واسأل الله لكم السعاده دوماً

ولكن انا عندي عتب بسيط

كل شي اكتمل بهالرحله
مانقص الا بعد ماغطيتوا المنتدى ماصورت لنا كيفيه اشعاله
مع العلم اني اعرف الطريقه بعد مشاهده سابقه

فقط هذا مالدي

وبيض الله وجهك على امتاعنا

تقبل احترامي

**حُلُمٌ مُبَعْثَرْ** · 14-02-2011, 08:11 PM

مشاء الله كشته رووووووووووعه

بياض الثلج · 15-02-2011, 12:55 AM

كشته حلوهـ واهم شي انكم استانستوا

باالطلعه.........

وننتظر المزيد من الكشتات...

أم بدران · 15-02-2011, 02:06 AM

ماشاء الله تتهنون يارب

الوهبيه التميميه · 15-02-2011, 02:20 AM

الله يهنيكم يارب. ويوسع صدوركم بالعافيه
بيض الله وجهك

قمه

ايمن العامر · 16-02-2011, 08:35 AM

سعدت بحضروكم ومشاركتكم هنا

شكراً لحضوركم الدائم

الله يعافيكم ويسعدكم يارب

اتمنى لكم التوفيق

المشاركة الأصلية كتبت بواسطة مانقص الا بعد ماغطيتوا المنتدى ماصورت لنا كيفيه اشعاله
مع العلم اني اعرف الطريقه بعد مشاهده سابقه

عقب ماغطينا المندي بالبراميل ابد وانا اخوك شب عليه من كل الجهات واذا بقى ربع ساعه حط فوقه كمن عود علشان يتحمر مظبوط

لاهنت

غلآ الروح · 18-02-2011, 08:28 AM

واعيباه بس هذه كبرك وتوك ترضع

ههههههههه ..

يمكن هـذآأإ أخـر العنقـود

مآأإشآأالله رحله رآأإئعه وممتعه ..

حمآأإك المـولى