@ من شان عينك @ للشاعر / حمد المغيولي

[نور الأصايل]

من شان عينك يهل الدمع من عيني











هذه قصيدة للشاعر الكبير حمد بن عبدالرحمن المغيولي رحمه الله تعالي

من شان عينك يهل الدمع من عينـي

يا كثر دمـعٍ علـى فرقـاك هلّيتـه

مالي حبيبٍ علـى الغايـة يسلينـي

إلا أنت ياللي ملكت القلـب وأشقيتـه


ولعتني بالهوى من شـان تشقينـي

ياما و يامـا مـن الغربـال عانيتـه


حبك جرحني عسى ربـي يشافينـي

غيرك من البيض و اللّه مـا تمنيتـه


مسكين راع الهوى و الحب مسكينـي

يبـي المروفـه و لكنـك تحديـتـه


الحب حاديني لـك و أنـت متحدينـي

و أمسيت سهران لين الليـل سرّيتـه


كم لي و أنا أرجيك يا شمس المزاييني

اللّه يحقـق رجـا وصـلٍ ترجّيتـه

[نور الأصايل]

هو الشاعر حمد بن عبدالرحمن المغيولي من فحول الشعراء المعاصرين ولد 1353هـ في مدينة الشعر ( مدينة عنيزة ) وتميز بالذكاء والنبوغ الذي ظهر في قصائده ذوات الافكار الجديده الخاصه بحمد المغيولي فقط .
احب الصحراء واثرت في شاعريته وقصائده التي اصبحت جميلة المعاني جزلة الالفاظ .
يعتبر (ابو دحيم ) كما يحب عشاقه ان ينادوه من فرسان المحاوره المعدودين وكان يعتبر من مراكز القوة ومن اميز شعراء المحاورة في المملكة وقد لعب محاورات مع كبار الشعراء ( علي ابو ماجد - علي القري - عبدالعزيز البادي - محمد بن ثعلي - احمد الناصر - مطلق الثبيتي مستور العصيمي - شليويح المطيري ) وبالذات مع الشاعر عبدالعزيز البادي حيث اثريا ساحة الرد في عنيزة فترة طويله .
انتقل من عنيزة للعمل في الرياض ( وزارة الدفاع) ومارس الاعمال الحرة في مجال حفر الآبار واستقر به المقام في مدينة تبوك لظروف العمل هناك وتوفي فيها بتاريخ 7/5/ 1416هـ ودفن هناك رحمه الله
اشتهر شعره كثيرا وتناقله الرواه وليس له ديوان مطبوع الا ان هناك اجتهادات من بعض المعجبين الذين حاولوا جمع قصائده في مذكرة كما فعل الاخوان في دار التراث في عنيزة وكذلك نشر له بعض القصائد في ديوان شعراء عنيزة الشعبيون الجزء الثاني ونتمنى ان يجمع شعره في ديوان خاص به فشعره يعتبر ثروه شعريه قل ان تجد مثلها في هذا الزمن.

[خفوق إنسانة]

يعطيك العافيه اخوي ع الاختيار
يستحق التقييم ...